Jesaja 65:9 - O Debleskro Lab 2024 (Sinte-Manouche)

⁹ O Yakobestar venna pale menshe, oun dran Youda venna save, kay ap mire berge djivenna. Kolen, kay me vin rodom, lenge vell o them, oun mire boudepangre djivenn kote.

O Debleskro Drom 2021 (Sinte)

⁹ O Jakobestar wenna pale menshe, un dran Juda wenna sawe, kai ap mire berge djiwenna. Kolen, kai me win rodom, lenge well o them, un mire budepangre djiwenn kote.

Jesaja 65:9 ပူးပေါင်းရင်းမြစ်များ

Jesaja 27:6

Ko tsiro vella, kay vell o Yakob pale zorelo. Ava, o Israel vell har i rouk, koles zorele draba hi, oun zenelo vell, oun ap koleste bloume pre djan, oun boud roukengre vin anenn. Kolendar vell i tseli phoub pherdo.

Jesaja 30:19

T'mer menshe an o foro Yerusalem, kay djivenn ap i berga Sion, t'mer hounte rovenn bouder gar. Te denn t'mer ap leste gole, hi lo lačes ap t'mende. Yaake sik har shounell lo t'mari gole, rakrell lo ap t'mende pale.

Jesaja 32:18

Palle djivenn mire menshe an i them, kay kek kourepen hi, an khera, kay hounte vell len kek daar, te krell yek lenge čomone, oun ap platse, kay nay ačenn le, oun kek tradell len krik.

Jesaja 45:19

Me rakrom gar čorrhanes an i khatepen, kay kek shounell, oun penom gar ap o Yakobeskre čavende: Rodenn man čičeske! Me, o baro Devel, rakrau o čačepen, oun penau t'menge, hoy čačo hi.

Jesaja 45:25

O baro Devel čivell o tselo Israel an o čačepen. Oun yon venn barhtelo pral kova, hoy me, o baro Devel, krom.

Jesaja 49:8

Kava penell o baro Devel: Har his o tsiro mishto, shounom ab tiri gole. Har vas ko dives, kay lom tout vin dran i bibarht, vom ap tiri rig. Oun me dom yak ap toute. Me lom tout: – te vess i drom, kay nay venn i menshe dran hake themma pash mande, – te čivess pale o them pre tardo, – te dess tou lende kol kotya them, hoy lenge hi, oun kanna mouklo hi,

Jesaja 57:13

Te deh tou palle gole, mou venn yon ap tiri rig – tire tsele rhorhene debla! I phourdepen hadell len lauter krik. I tikno dourho phourdell len trouyel. Kolla, kay rikrenn pen ap mande, lenn o them, te vell lo lengro, oun djivenn ap miri berga, kay an-mangedo vau.

Jesaja 60:21

Tire menshe hi halauter an o čačepen tardo. Oun kava them hi lenge hako tsireske. Yon hi har i tikne rouka, hoy čivom an i phoub, oun hoy bares van. Mire vastentsa krom len, te sikrap miro raylepen.

Jesaja 65:15

Pash mire vi-rodede menshe hi t'mare laba save laba, kolentsa yon i bibarht pral yekeste vin rakrenn, oun penenn: “O baro Devel maro ray, mou dell tout moulo har kales oun koles.” Lengre boudepangren dell yob i nevo lab.

Jesaja 65:22

Yon čivenn kek kheer pre tardo, oun i vavar djivell palle dren. Oun yon čivenn či an i phoub, oun i vavar rhal les palle. Yaake phouro i rouk vell, yaake phouro venn ninna mire menshe. Oun mire vi-rodede menshe venn i rah tsiro barhteles pral kova, hoy lengre vasta kran.

Ezekiel 36:24

Me lau t'men vin dran i tsele themma oun vavar menshendar. Oun lau t'men khetne oun anau t'men an t'maro them.

Zefanja 3:20

An ko tsiro anau t'men khere. oun anau t'men khetne. An ko tsiro dikenn t'mer: Me krau, te vell t'menge pale lauter mishto. Me krau t'men bares oun an-dikles an i tsele themma ap kay phoub. Kova penell o baro Devel.

Mateo 24:22

Te krals o Devel o čilačo tsiro gar tikneder, palle vals kek mensho dran o čilačo tsiro vin. Kolen, kay o Devel peske vin rodas, kolenge krell lo o čilačo tsiro tikneder.

Remarja 11:28

Te dikau, har patsenn i bibolde gar ap o lačo lab o Yezous Kristestar, hounte penap: Yon hi gar o Debleskre mala. Kova vas yaake, te nay venn t'mer pash o Debleste. Te dikau, har rodas o Devel lengre phouren an o phouro tsiro vin, hounte penap, kay leskro kamlepen lenge his.