Jesaja 65:8 - O Debleskro Lab 2024 (Sinte-Manouche)

⁸ Kava penell o baro Devel: Yaake har kek harho peskre drake tele dell oun krik vitsrell, kay gomme mool an lende hi, yaake kamau me ninna te krell mire menshentsa, te moukap len gar lauteren te marell. Hi save mank lende, kay mange koy hi.

O Debleskro Drom 2021 (Sinte)

⁸ Kawa penell o baro Dewel: Jaake har kek hacho peskre drake tele dell un krik witsrell, kai gomme mool an lende hi, jaake kamau me ninna te krell mire menshentsa, te mukap len gar lauteren te marell. Hi sawe mank lende, kai mange koi hi.

Jesaja 65:8 ပူးပေါင်းရင်းမြစ်များ

1. Mose 18:26

Koy penas o baro Devel: “Te hatsau me 50 (paash-sheel) menshen an o foro Sodom, kay krenna, hoy mishto oun čačo hi, dau o tselo fores kek phagi.”

Jesaja 1:9

Te moukals o baro Devel, ko ray pral o bolepen oun i phoub, gar mendar pral, djals menge har i foryenge Sodom oun Gomorra.

Jesaja 10:21

Kol Israelitarya, hoy pral ačan, moukenn pengro drom oun djan pale pale ap o drom o zorelo Deblestar.

Jesaja 10:22

Ninna te vans i Israelitarya yaake boud har i santa pash o baro pani, gar boud lendar ačenn pral, oun venn pale pale ap o Debleskro drom. O merepen vell boudenge. Kova hi i vi-kerdo koova. Yaake vell o čačepen kerdo.

Jesaja 48:9

Miri bari rholi rikrau pale, te vell gar djoungeles rakedo pral miro lab. Oun lau man phares khetne, te vell miro lab gar tiknes kerdo, oun te moukap t'men gar moulo te dell.

Jesaja 6:13

Ninna te ačell o deshto kotar gomme koy, djal lenge har i tikne kashta, kay venn dran i tele-dino rouk. I yag rhačrell len pre. Ko telstouno kotar o roukestar ačell. Oun dran leste vell nevo djipen, hoy hi o Debleske koy.

Jeremia 30:11

Me, o baro Devel, hom pash t'mende, te vap ap t'mari rig. Kol natsyone, mank kolende tradom t'men, kolla hounte djan tele. T'mer djan gar tele. T'mende dau i phagi har t'menge mishto hi. Kek daventsa nay moukau t'men gar. Vals gar mishto, te dap t'men kek phagi.

Joel 2:14

Koon djinell, te rikrell lo ninna kava kopo i phagi pale, oun moukell djob oun drake bares te vell, te nay anenn t'mer yarro oun mool o baro Debleske, kay hi t'maro Devel.

Mateo 24:22

Te krals o Devel o čilačo tsiro gar tikneder, palle vals kek mensho dran o čilačo tsiro vin. Kolen, kay o Devel peske vin rodas, kolenge krell lo o čilačo tsiro tikneder.

Markus 13:20

Te krals o Devel ko čilačo tsiro gar tikneder, vals kek mensho dran o čilačo tsiro vin. Kolen, kay o Devel peske vin rodas, kolenge kras lo o čilačo tsiro tikneder.