Jesaja 65:17 - O Debleskro Lab 2024 (Sinte-Manouche)

¹⁷ Čačepah, me krau i nevo bolepen, oun i nevi phoub. Oun ko phouro bolepen oun koy phouri phoub hi palle bistedo, oun venn bouder gar i menshenge an o shero.

O Debleskro Drom 2021 (Sinte)

¹⁷ Tchatchepah, me krau i newo bolepen, un i newi phub. Un ko phuro bolepen un koi phuri phub hi palle bistedo, un wenn buder gar i menshenge an o shero.

Jesaja 65:17 ပူးပေါင်းရင်းမြစ်များ

Jesaja 43:18

Bistrenn ko koova, hoy his! Ap kova, hoy pal t'mende hi, denn bouder gar yak!

Jesaja 46:9

Moukenn t'menge an o shero te djal, har an o phouro tsiro his: Me hom o Devel, oun dell kek vavar har man. Kek hi yaake har me!

Jesaja 51:16

Oun me čivom mire laba an tiro mouy, oun rikrau mire vasta pral toute. Me hom kova, kay krom o bolepen bourhles pral i phoub oun čivom i phoub pre. Oun me penau ap i menshende an o foro Sion: Mire menshe han t'mer!

Jesaja 66:22

T'mare čave oun t'maro lab ačenn glan mande, yaake rah har o nevo bolepen oun i nevi phoub, hoy me krau, glan mande ačenna, penell o baro Devel.

Jeremia 3:16

Oun an ko tsiro, kay van t'mer boud menshe, oun djivenn an o tselo them, koy penell bouder kek t'mendar: Anenn o Debleskro morhton, te vell o baro Devel pash mende. Kekeske vell kova an o shero, kek poučell koy pal, oun t'menge hi yek, kay hi lo krik. Oun kek krell i nevo. Ko penell o baro Devel.

1. Korintarja 2:9

An o Debleskro lab hi činlo: Ko lačo koova, hoy kek yak dikas, oun hoy kek kand shounas, oun hoy an kek mensheskro dji dren vas, kova lauter dell o Devel kolen, kay les o djiyestar kamenna.

2. Korintarja 5:17

Kanna djinah: Koon o Yezous Kristeha djivella, kova hi i nevo mensho, oun djivell bouder gar peskro phouro djipen. I nevo koova vas an leskro djipen.

Hebrearja 12:27

Kol laba i vavar kopo sikrenn men: Kova, hoy kerdo vas, – o bolepen oun i phoub, – kova ačell gar zoreles tardo oun vell krik lino. Palle ačell kova, hoy zoreles tardo hi, oun hako tsiro ačella.

2. Petro 3:13

Mende das o Devel peskro lab, te krell lo i nevo bolepen oun i nevi phoub. Kote della bouder kek čilačepen. Ap kova dikah mer.