Jesaja 64:7 - O Debleskro Lab 2024 (Sinte-Manouche)

⁷ Kanna, baro Devel, tou maro dad, mer ham har i loli phoub, dran kolate tou i čaro rhačeh. Tire vasta kran men halauter.

O Debleskro Drom 2021 (Sinte)

⁷ Kanna, baro Dewel, tu maro dad, mer ham har i loli phub, dran kolate tu i tcharo chatcheh. Tire wasta kran men halauter.

Jesaja 64:7 ပူးပေါင်းရင်းမြစ်များ

Hiob 10:9

Ma biste, te kral man dran čik. Kameh tou kanna, te vap pale čik?

Hiob 8:4

Tire čave kran, hoy čilačes his glan leskre yaka. Doleske das lo len pengri phagi.

Debleskri gili 100:3

Ma bistrenn: O baro Devel kokres hi o Devel! Yob kras men, oun leskre ham mer. Leskre menshe ham, oun yob hi menge har i bakrengro, kay djal glan leskre bakre oun anell len kote, kay len doha rhapaske hi.

Debleskri gili 14:4

“Djinenn kol čilače gar, hoy yon krenna”, penell o baro Devel, – “kolla, kay rhan mire menshen har i kotar maro? Oun ap mande denn le gar gole.”

2. Mose 32:12

Kameh, te penenn i Egiptarya: Kava Devel anas i Israelitaryen dran maro them vin, te marell lo len an i berge, te ačell kek lendar pral ap i phoub. Mangau tout, dja pale tiri rhačedi rholyatar! Mouk kay bibarht gar pral lende te vell!

Jesaja 1:15

Oun te hadenn t'mer t'mare vasta pre, te mangenn man an, palle čakrau me mire yaka tele, te dikap t'men gar. Oun ninna te mangenn mandar pale te pale, me shounau t'men gar: T'mare vasta hi pherdo rat.

Jesaja 27:5

Yaake djal lauterenge, kay gar pash mande venn, te rikrap mire vasta pral lende. Mou venn le pash mande, te las kova krik, hoy mank mende tardo hi. Ava, mou venn le, te vas mer mala.

Jesaja 45:9

Djungeles djal koleske, kay rhoyedo hi koleha, kay les kras! Yob hi či har i kotar dran i paash dino čaro mank vavar paash dine kotya. Ko čik, dran koleste čare rhačedo venn, nay penell lo ap koleste, kay lestar čomone krell: Hoy kreh tou? Oun ko čaro, hoy lo kras, penell kova nay ap leste: Tou hayveh či!

Jesaja 50:2

Hoske vom me, oun kek mensho his koy, dom gole, oun kek das pes glan? Hi miri moussi gar lengsto doha, te nay lap t'men gar dran o pandepen vin? Hi an mande kek zoor, te nay lap gar yekes vin dran o vavareskro vast? Dikenn, te čingrau me ap o baro pani, palle vell lo trouk i daryatar, oun lengste panya venn har o moulo them. I mačen an lende hi bouder gar doha pani, oun merenn i troushatar oun khandenn palle.

Jesaja 54:8

Har miri rholi pral keras, rissrom me man toutar tele i tikno tsireske. Miro lačepen touke herell gar pre. Doleske krau miro dji touke bares pre, penell o baro Devel, kova kay tout dran o pandepen vin lell.

Jesaja 56:4

Leske penell o baro Devel: Te rikreh tou o Debleskro dives dren, oun kameh kova te krell, hoy mange mishto hi, oun rikreh tout ap kol laba, hoy mire menshendar vin krom,

Jesaja 57:17

Lengri doosh his, te lan le gar doha. Pral kova vom rhoyedo, oun koleske dom me len, khatrom man glan lende oun rhoyrom man. Oun yon djan doureder ap pengro drom oun van gar pale pash mande.

Jesaja 59:16

Oun bare yakentsa dikell lo, te hi kek morsh koy, kay koy djal, te vell lo kolenge ap i rig, kay tele rikedo hi. Kote vas lo kokres peskri zoryah, oun peskro čačepen vas leske pash o vast.

Jesaja 59:2

Na-a, t'mari doosh, hoy ap t'mende lan, hi tardo mank t'mende oun t'maro Debleste. Dran ko čilačepen, hoy kran, khatrell lo peskre yaka t'mendar, oun doleske shounell yob gar.

Jesaja 59:4

Kekeske t'mendar, kay djal glan o čačepaskro morsheste, djal troul o čačepen. Oun kek, kay anell čomone ap i vavareste pre, penell o čačepen. Pash t'mende hi yaake: Ap kova, hoy či moldo hi, rikrenn t'men, oun rakrenn o rhorhepen. Kova, hoy an t'mare sherya trouyel djal, hi har nay rhorhenn oun doukrenn i vavaren. Ko čilačo koova, hoy vin vell, anell o merepen,

Jesaja 63:16

Tou hal maro dad. O Abraham djinell či mendar, oun o Yakob prindjrell men gar. Tou, baro Devel, hal maro dad, kova kay men vin las dran o them Egiptia. Glan rah tsiro kral tou touke koleha i baro lab.

Jeremia 9:7

Lengro rakepen hi har fayle, hoy anenn o merepen. Peskro mouyeha rakrell hakeno kamles, an o dji lourell yob, har te taprell lo o vavares.

Ezekiel 22:30

Oun me rodom i morshes mank lende, kay krals i massouri troul o foro pale neves. Rodom yekes, kay čivas pes pre glan mande kote, kay i barra vin phagedo van, oun rakrals mishto kol menshenge, te hounte marap len gar. Oun me hatsom kekes.

Ezekiel 24:11

Oun i piri, te hi bouder či an late dren, palle čip lat ap ko tele rhačedo kasht, hoy gomme lolo hi, te vell li tato, oun lakro saster lolo o tatepastar, te djal ko tselo čik tele, hoy les čiklo kras!

Hosea 5:15

Me djau mange pale kote, kay khere hom, bis te dikenn le pengri doosh dren oun rodenn man. Te djal lenge gar mishto, palle poučenn le pale pal mande.

Hosea 7:14

Te denn le gole ap mande, vell kova gar dran lengro dji. Čiddo hi le ap pengro čiben oun rovenna zoreles, oun činenn pen ratles, te vell len djob oun mool. Ap mande shounenn le gar.

Hosea 7:7

Halauter lendar rhačenn i rholyatar har i bob. Yon marenn pengre čačepaskre rayen. Lengre bare raya perenn yek pal o vavar. Oun kek lendar dell pal mande gole.

Maleachi 1:6

O baro Devel, ko ray pral o bolepen oun i phoub, penell: I čavo hounte hadell peskro dades, oun i boudepaskro hounte dikell pre ap peskro rayeste. Me hom t'maro dad – hoske hadenn man gar? Me hom t'maro ray – hoske dikenn gar pre ap mande? T'mer rashaya, t'mer dikenn tele ap mande. Oun t'mer poučenn: Hoy kram, kay peneh tumer dikan tele ap mande?

Maleachi 2:10

Men halauteren hi yek dad! O emligo Devel kras men halauter! Hoske phoukrell ko yek ap o vavareste, oun rikrell pes gar ap kova, hoy o baro Devel mare phourentsa vin kras?