Jesaja 63:9 - O Debleskro Lab 2024 (Sinte-Manouche)

⁹ dran ko tselo pharo koova, hoy ap lende čiddo his. Kek vavar, kek bolepaskro oun kek bičepaskro vas lenge ap i rig. Na-a yob kokres vas, oun las len dran kova lauter vin. Dran leskro tselo dji kamas lo len oun his lenge lačes. Doleske las lo len koy vin, hadas len pre, oun hidjras len hake divessa an ko phouro tsiro.

O Debleskro Drom 2021 (Sinte)

⁹ dran ko tselo pharo koowa, hoi ap lende tchiddo his. Kek wawar, kek bolepaskro un kek bitchepaskro was lenge ap i rig. Na-a job kokres was, un las len dran kowa lauter win. Dran leskro tselo dji kamas lo len un his lenge latches. Doleske las lo len koi win, hadas len pre, un hidjras len hake diwessa an ko phuro tsiro.

Jesaja 63:9 ပူးပေါင်းရင်းမြစ်များ

1. Mose 48:16

ko bolepaskro, kay las man vin dran hako čilačepen, kova mou čivell peskri barht oun zoor ap kol čavende, te djivell miro lab doureder an lende, ninna o lab miro papestar Abraham oun miro dadestar Isaak. Oun lendar venna boud menshe ap i phoub.

Hiob 37:23

Pash leste, ko zoreleste, nay vah mer gar. Leskri zoor hi baro. Hako tsiro krell lo, hoy mishto hi, oun dell hakeneske peskro čačepen.

Debleskri gili 25:22

Miro Devel, le o Israel vin dran kava tselo parepen, hoy ap leste hi!

Debleskri gili 78:38

Yob kras lenge peskro dji pre, oun maras len gar. Na-a, yob las lendar i doosh tele. Boud kope rikras yob peskri rholi pale, oun moukas gar peskri tseli rholi ap lende te vell.

2. Mose 14:19

Oun o Debleskro bolepaskro, kay djal glan i Israelitarya, stas pre oun djas pal lende. Oun koy bari folka glan lende hadas pes, oun čivas pes pal lende yaake,

2. Mose 15:13

Tire menshenge kamlo hal, kolenge, kay tou i zoryah vin lal oun ap i lačo drom anal, hoy pash tiro Debleskro kheer djal.

2. Mose 19:4

T'mer dikan, hoy krom me halauter ap kol Egiptarya, oun har anom t'men pash mande yaake har i baro čirklo hidjrell peskre čaven ap peskro doumo.

2. Mose 33:14

O Devel penas: “Me djau glan toute oun anau tout an i them, kay tou khere hal.”

2. Mose 33:15

O Mose penas ap leste: “Te djah tou gar mentsa, palle biče men gar katar krik!

Jesaja 43:1

Kanna penell o baro Devel, kova, kay t'menge, o Yakobeskre čavenge, o djipen das, oun toutar, Israel, i natsyona kras: Ma dare! Me ginom tout vin! Me dom tout pash tiro lab gole, te vess mange.

Jesaja 43:4

Tou hal mange yaake kouč oun boud moldo, oun kamau tout o tselo djiyestar, te dap menshen touke koy, oun dau themma koy, te nay djivess tou.

Jesaja 48:20

Djan vin dran Babilon! Sik, nashenn dran o them Kaldea! Denn vin gole i barhtyatar, oun penenn kava doureder, yaake te shounenn le kova ap i tseli phoub. Penenn: O baro Devel las peskro boudepaskres, o Yakobes, vin dran o pandepen!

Jesaja 51:10

Hals gar tou kova, kay o baro pani trouk kras, oun mank kol panya, hoy yaake dour tele djan, i drom das, yaake te nay djan kolla vergel, kay dran o pandepen vin lino van?

Jesaja 52:9

Givenn khetne i barhtyatar, t'mer dran o khetne phagedo foro Yerusalem! O baro Devel las pes peskre menshenge an, oun krell o foro Yerusalem neves.

Daniel 6:22

Kote rakras o Daniel o baro rayeha oun penas: “Baro ray, te djivess hako tsireske!

Hosea 1:7

I menshenge dran o kheer Youda krau miro dji pre. Me, o baro Devel, hom lengro Devel, oun vau lenge ap i rig. Kova krau gar o bogeha, o rhareha, oun o kourepaskro koova, vitar gar i grayentsa oun i kourepangre vourdyentsa.

Joel 2:18

Palle vell o baro Debleskro kamlepen bares an leste peskro themeske, oun yob krell peskro dji pre peskre menshenge.

Zakarie 2:8

Oun o ersto penas ap o vavareste: “Naash oun pen ko terno morsheske i doryah: An o foro Yerusalem venn yaake boud menshe oun firhe, te nay venn kek massurya troul leste.

Maleachi 3:1

O baro Devel, ko ray pral o bolepen oun i phoub penell: Denn yak, me bičrau miro bičepaskres! Yob krell glan mande o drom yaake, har mange mishto hi. Oun ko ray, kolestar t'mer penenn, te rodenn les, kova vell sik pash peskro kheer. Ko bičepaskro, kay t'mentsa pral kova rakrell, hoy t'mentsa vin krom, ap koleste t'mer t'maro tselo djiyeha dikenna, yob hi gar dour.

Mateo 25:40

Oun o baro ray penell lenge: Čačepah, me penau t'menge: Ko lačepen, hoy t'mer yekeske mire čorvele phralendar kran, ko lačepen kran t'mer mange.

Mateo 25:45

Palle penell lo ap lende: Čačepah, me penau t'menge: Ko lačepen, hoy t'mer gar yekeske mire čorvele phralendar kran, ko lačepen kran t'mer mange ninna gar.

Louka 15:5

Oun te hatsell lo koles, lell lo les ap i phik, oun hi barhtelo.

Bičepangre 12:11

Kanna djinas o Petro, kay kova kek souni his, oun yob penas: “Kanna djinau čačepah, kay bičras o ray Yezous peskro bolepaskres mange. Oun kova las man dran o Herodeskre vasta vin, ninna dran halauter, hoy kaman i bibolde mantsa te krell.”

Bičepangre 7:38

Oun har kol Israelitarya an ko moulo them pash koy berga Sinay glan o Debleste khetne van, his o Mose ap i berga Sinay tardo mashkral o bolepaskro oun mare phourende. Oun o bolepaskro das les kol Debleskre laba, hoy denn o djipen, te anell o Mose len pash mende.

Bičepangre 9:4

Oun yob peras ap i phoub oun shounas i rakepen. Kova penas ap leste: “Saulo, Saulo, hoske leh tou man palla?”

1. Korintarja 10:9

Ma rhoyrenn o Yezous Kristes, har kolla an o phouro tsiro o Debles rhoyran, har kran le, har te vals les kek zoor. Oun i sapa dandran len. Oun yon meran.

5. Mose 1:31

Oun an o moulo tato them hidjras lo t'menge har i dad peskro čaves ap t'maro tselo drom, hoy djan bis kate, kay kanna han.”

5. Mose 4:37

Yob kamas t'mare phouren o tselo djiyestar, oun rodas lengre čaven vin oun kolengre čaven, oun halauter kay lendar venna. Oun yob djas t'mentsa, har anas lo t'men vin dran o them Egiptia peskri bari zoryah,

Tito 2:14

Yob das peskro djipen an o merepen, te las lo mari tseli doosh ap peste, oun te kras lo maro dji djoudjo, te vas mer leskre menshe, oun te kamas i tseli zoryah lačo koova te krell.

Hebrearja 2:18

O Yezous hayvella, hoy douka hi. Oun yob djinella, har kova hi, te kamell o beng yekes o Debleskro dromestar tele te anell. Doleske nay vell lo kanna ninna ap i rig kolendar, kay kamell len o beng o Debleskro dromestar tele te anell.

Hebrearja 4:15

Yob, maro baro rashay, hayvell men mishto, oun djinella, te hi men kek zoor pral o čilačepen. Les kamas o beng ninna o Debleskro dromestar tele te anell, yaake har kamell lo men o Debleskro dromestar tele te anell. Yek koova his an o Yezouseskro djipen vavarčandes har pash mende: Kek čilačepen his an leste.

Debleskro tsiro 1:5

Lačepen oun barht t'menge! Kova dell t'men o Yezous Kristo! Yob sikrell i menshende o čačo drom pash o Debleste. Oun yob hi o glanstouno lauterendar, kay stenn i moulendar pre oun venn djido. Oun yob hi ninna o ray pral i tsele raya ap kay phoub! Yob kamell men o tselo djiyestar, oun las men dran mari doosh vin, oun playsras menge peskro rateha.

Debleskro tsiro 5:9

Oun yon givenn i nevi gili, oun penenn: Tou hal moldo, te less ko liil, oun te kress ko liil pre. Tou val maredo, oun playsral tiro rateha, te giness menshen tiro Debleske. Kolla venna dran hako them, haki natsyona, haki harmenatsyona oun hako rakepen.

Čačepangre 10:16

Oun yon vitsran kol vavar deblen pendar krik oun mangan o baro Debles an. Koy khaytas les, te vell o Israeleske yaake pharo kerdo.”