Jesaja 63:5 - O Debleskro Lab 2024 (Sinte-Manouche)

⁵ Me dikom man trouyel, oun kek his koy, kay ap miri rig his. Oun kamom les gar te patsell, te rikrals kek pash mande. Koy kras man miri rholi zoreles.

O Debleskro Drom 2021 (Sinte)

⁵ Me dikom man trujel, un kek his koi, kai ap miri rig his. Un kamom les gar te patsell, te rikrals kek pash mande. Koi kras man miri choli soreles.

Jesaja 63:5 ပူးပေါင်းရင်းမြစ်များ

Debleskri gili 107:12

Doleske moukas lo len khetne te phagell. Yon his koy čiddo, oun kek his koy, kay hidjrals len pre.

Debleskri gili 22:11

Foun tiknes pre, deh tou yak ap mande, Yaake rah har djivau, hal tou miro Devel.

Debleskri gili 44:3

Tou tradal tiro vasteha i vavar menshen vin dran lengro them, oun dal ko them mare phourende. Kol vavar menshen dal tou paash, te nay djivan mare phoure an ko them.

Debleskri gili 69:20

Tou prindjreh i ladj, hoy ap mande peras, tou djineh, har yon man praasan oun pal mande rakran. Kolla, kay mange o djipen phares krenn, hi lauter glan tire yaka.

Debleskri gili 94:16

Koon vell ap miri rig, te kouras men i čilačentsa? Koon vell pash mande, te djas mer khetne ap kolende, kay krenn midjak koova?

Debleskri gili 98:1

I gili Givenn o baro Debleske i nevi gili! Yob kras baro koova. Peskro vasteha oun Debleskri zoryah vas lo o zorleder pral o čilačepen.

Jesaja 40:10

Dikenn, o baro Devel, maro ray, vell bari zoryah. Oun yob hi o ray pral halauter. Kolen, kay yob vin las dran o pandepen, hi pash leste. Ava, kolen, kay yob peske ginas, djan leske glan vin.

Jesaja 41:28

Har dikom man trouyel, te dikap yek devel t'mendar, hoy nay kras kova, hatsom kek. Kek his koy, kay nay penell mange, hoy te krap; kek, koles me nay poučoms, oun yob les mange nay penals!

Jesaja 50:2

Hoske vom me, oun kek mensho his koy, dom gole, oun kek das pes glan? Hi miri moussi gar lengsto doha, te nay lap t'men gar dran o pandepen vin? Hi an mande kek zoor, te nay lap gar yekes vin dran o vavareskro vast? Dikenn, te čingrau me ap o baro pani, palle vell lo trouk i daryatar, oun lengste panya venn har o moulo them. I mačen an lende hi bouder gar doha pani, oun merenn i troushatar oun khandenn palle.

Jesaja 51:5

O tsiro, kay miro čačepen vell, hi gar dour. Oun ko dives vell sik, kay lau t'men vin dran o čilačepen. Oun me vau o čačepaskro ray pral i vavar themma. I menshe, kay djivenn pash o baro pani, dikenn ap mande, te lap o kourepen krik.

Jesaja 51:9

Baro Devel, ste pre, ste pre! Sike tiri zoor! Ste pre har an kol phoure tsirya, har mare phourenge ap i rig val. Hals gar tou kova, kay o baro panyeskro sap, i Rahab, an kotya das?

Jesaja 52:10

Glan i yaka i menshendar an i tsele themma sikrell o baro Devel peskri zoor, kolah yob peskre menshen vin lell dran o pandepen. Ap i tseli phoub dikenn le, har maro Devel peskre menshen khere anell.

Jesaja 63:3

Me stakrom kol drake kokres, oun i menshendar dran vavar themma his kek pash mande. Me stakrom len miri rholyah, ava, bari rholyah stakrom len khetne. Oun lengro rat vas ap mire koola, oun miri baya vas ratlo.

Ezekiel 22:30

Oun me rodom i morshes mank lende, kay krals i massouri troul o foro pale neves. Rodom yekes, kay čivas pes pre glan mande kote, kay i barra vin phagedo van, oun rakrals mishto kol menshenge, te hounte marap len gar. Oun me hatsom kekes.

Hosea 1:7

I menshenge dran o kheer Youda krau miro dji pre. Me, o baro Devel, hom lengro Devel, oun vau lenge ap i rig. Kova krau gar o bogeha, o rhareha, oun o kourepaskro koova, vitar gar i grayentsa oun i kourepangre vourdyentsa.

Johanni 16:32

“Dikenn, ko tsiro vella oun hi koy, kay nashenn t'mer halauter mandar. Hakeno djal pale khere. Oun man moukenn t'mer kokres. Ninna te moukenn man, hom me gar kokres. O dad hi pash mande.

1. Korintarja 1:24

Mank kolende, kolen o Devel peske vin rodas, hi bibolde oun save, kay kek bibolde hi. Yon te shounenn o lab o Yezous Kristestar, palle dikenn le an leste o Debleskri zoor oun leskro gosvepen.