Jesaja 63:2 - O Debleskro Lab 2024 (Sinte-Manouche)

² Hoske hi loles ap tire koola? Oun hoske hi tire koola har yekestar, kay stakrell i drake?

O Debleskro Drom 2021 (Sinte)

² Hoske hi loles ap tire koola? Un hoske hi tire koola har jekestar, kai stakrell i drake?

Jesaja 63:2 ပူးပေါင်းရင်းမြစ်များ

1. Mose 49:11

Yob pandell peskri bourika ap i drakengro rouk. Oun lakro ternepen pandell lo ap o lačo drakengro rouk. Peskro ripen thovell lo an mool, peskri baya an loli mool.

Jesaja 59:17

Oun yaake har rivell i lourdo i sasterno gad an, yaake rivell yob o čačepen an. Oun yaake har i lourdo i sasterni stadi ap peskro shero čivell, yaake čivell yob o kourepaskri barht ap peste. Leskri rholi hi har i plaashka ap leste, te dell lo kolende pengri phagi, kay i vavarenge čilačepen kran.

Jesaja 63:1

Koon hi kova, kay vell dran o them Edom dran o foro Bozra, rido an lole koola? Koon hi kova, kay hi yaake rayles rido, oun kay nashell rayles an peskri bari zoor. Kova hom me, o baro Devel, kay rakrell an o čačepen: Man hi i zoor, te lap t'men dran o merepen vin.

Ezekiel 35:6

Doleske dau man sovel pash miro djipen, me o baro Devel, t'maro ray: Tou lal rateskri doosh ap toute, doleske vess tou ninna maredo. Me moukau tout te marell, oun tou nay nasheh touke gar.

Debleskro tsiro 14:19

Oun ko bolepaskro vitsras peskri čouri pral i phoub, oun činas i drake tele, oun vitsras len an i bari piri, kay venn i drake stakedo. Koy bari piri hi o Debleskri rholi.

Debleskro tsiro 19:13

Oun leskro ripen hi an o rat dren čiddo. Yob kharell: O Debleskro lab.

Debleskro tsiro 19:15

Oun dran leskro mouy vell i rharo vin, hoy lačes činella. Koleha kourell lo pes i menshentsa an i tsele themma, oun vell zorleder har yon. Yob anell len i sasterno vasteha. Yaake har yek i drake paash stakrella, te vell i mool vin, yaake stakrell lo kolen paash, kay gar ap leste shounenna, oun anell i rholi o zorelo Deblestar ap lende.