Jesaja 63:11 - O Debleskro Lab 2024 (Sinte-Manouche)

¹¹ Kote moukan le penge pale i phoure tsirya an o shero te djal, kol divessa, kay o Mose, djivas, oun poučan pendar: Kay hi o baro Devel, kay las peskre menshen vin dran o baro pani, khetne kolentsa, kay ap lende yak dan? Kay hi o baro Devel, kay ap lende peskro dourho čivas?

O Debleskro Drom 2021 (Sinte)

¹¹ Kote mukan le penge pale i phure tsirja an o shero te djal, kol diwessa, kai o Mose, djiwas, un putchan pendar: Kai hi o baro Dewel, kai las peskre menshen win dran o baro pani, khetne kolentsa, kai ap lende jak dan? Kai hi o baro Dewel, kai ap lende peskro ducho tchiwas?

Jesaja 63:11 ပူးပေါင်းရင်းမြစ်များ

Nehemia 9:20

An tiro lačepen penal lenge, hoy te krenn le. Oun tiro maro dran o bolepen dal len rhapaske, ninna pani, har len troush his.

Debleskri gili 106:44

Oun te dan le gole ap leste an pengre douka, oun yob dikas, har djoungeles lenge djal,

Debleskri gili 106:45

palle vas an leskro shero, hoy kras lo lentsa vin, te hi lo lengro Devel. Oun an peskro baro lačepen khaytan le les.

Debleskri gili 106:9

Yob čingras ap o Baro Lolo Pani. Koy djas o pani pale, oun i phoub his bouder gar sapeno. Oun yob moukas len mank o pani te djal har te vals trouk them.

Debleskri gili 143:5

Mange djal kova an o shero, hoy tou lauter kral glan i rah tsiro. Pral kova, hoy tire vasta kran, rakrau miro djiyeha.

Debleskri gili 25:6

Miro baro Devel, ma biste tiro kamlepen oun tiro lačepen, hoy hako tsiro ap tire menshende sikral.

Debleskri gili 51:11

Ma dik ap miri doosh, oun le o čilačo koova, hoy krom, mandar krik!

Debleskri gili 77:12

Kanna moukau mange kova an miro shero te djal, hoy tou, baro Devel, kral, ava, penau mange ko baro oun zorelo koova, hoy kral an tiri bari zoor.

Debleskri gili 77:20

Tou djal mashkral o baro pani. Tire herya djan an o telstouno pani. Oun kek nay dikas, kay tire herya stakran.

Debleskri gili 78:52

Palle anas yob peskre menshen vin, oun djas glan lende har i bakrengro djal glan peskre bakre, oun sikras len o drom an o moulo tato them.

2. Mose 14:22

Koy djan i tsele Israelitarya mashkral o baro pani ap i drom, hoy gar sapenes hi. Oun o pani his tardo ap i čači rig, ninna ap i servi rig lendar, har bare barra troul i foro tardo hi.

2. Mose 14:30

Yaake las o baro Devel i Israelitaryen ap kava dives vin dran o vast i Egiptarendar. Oun i Israelitarya dikan i moule Egiptaryen pash o baro pani čiddo.

Jesaja 43:16

Kava penell o baro Devel, kova, kay kras i drom an o baro pani, te nay djan mank zorele panya.

Jesaja 63:10

Ninna te his lo lenge yaake lačes, kaman le gar ap leste te shounell, oun doukran les an leskro dji. Kote vas lo rhoyedo ap lende, oun kouras pes lentsa.

Jesaja 63:15

Dik dran o bolepen tele, oun dik tele dran tiro raylo kheer! Kay hi tiro kamlepen, hoy menge rhačell? Kay hi tiri zoor? Hi tout bouder kek dji oun kek lačepen menge?

Jeremia 2:6

Oun poučan pen gar: Kay hi o baro Devel, kay anas men dran o them Egiptia vin, oun djas glan mende an o moulo tato them, an ko divyo oun trouk them, kay či har santa oun barra hi, kay kek drom hi, oun kek mensho djivell?

Daniel 4:8

Ko rouk vas bareder oun zorleder, yaake te djal lo bis ap o bolepen. Oun hakeno ap kay phoub nay dikas les.

Hosea 12:13

O Yakob hounte nashas peske an o them Aram, oun o Israel hounte boudras i vavareske, te lell lo i romyat, oun hounte das yak ap i bakre, te nay romedinerell lo lat.

Amos 9:11

O baro Devel penell: Ap ko dives krau o Davideskro kheer neves, kova hoy kanna khetne peredo hi. Kote, kay lo paash hi, krau les tseles. Kote, kay barra vin phagedo hi, čivau len pale pre. Me krau les yaake har lo glan boud tsiro his.

Haggai 2:5

Me dom t'men miro lab, har tserdan vin dran o them Egiptia. Me ačau pash t'mende. Ma darenn!

Zakarie 4:6

“Kol efta momlia hi o baro Debleskre yaka, hoy lauter dikenn, hoy ap i phoub djala.”

4. Mose 11:17

Me kamau tele te vell, oun kote touha rakrell, oun lau i kotar ko dourhestar, hoy ap toute hi, oun čivau les ap lende, te nay krenn yon khetne touha kay phari boudi, hoy hi har i pharo koova ap tire phika. Tou hounte hidjress kova gar lauter kokres.

4. Mose 11:25

Koy vas o baro Devel tele an i folka oun rakras o Moseha, oun las i kotar ko dourhestar, hoy ap leste his, oun čivas les ap kol efta-deesh phoureder. Oun har o Debleskro dourho ap lende his, kharan le laba vin har kol Debleskre rakepangre. Yon kran kova kokres kava yek kopo.

4. Mose 11:29

O Mose penas ap leste: “Kreh tou kova mange? Me kamoms, te dals o baro Devel peskre tsele menshende peskro dourho, te vans le halauter Debleskre rakepangre, kay leskre laba vin kharenna.”

Hebrearja 13:20

O Devel kras i drom, te nay vah pash leste. Yob kras o Yezouses, maro rayes, i moulendar djido. Kova ratas peskro rat menge, te nay vah pash o Debleste, oun djivah hako tsiro leha khetne. O Yezous vas maro baro bakrengro. Kova dell yak ap mende, har i bakrengro dell yak ap peskre bakre.

Čačepangre 6:13

Oun o Gideon poučas lestar: “Mangau tout, miro ray! Te hi o baro Devel mentsa, hoske vas kay tseli bibarht ap mende? Oun kay hi ko tselo baro koova, hoy o baro Devel kras, kolestar menge mare phoure rakran oun penan: O baro Devel anas men dran o them Egiptia. Kanna moukas men o baro Devel oun das men an o vast kolendar dran o them Midian.”