Jesaja 63:10 - O Debleskro Lab 2024 (Sinte-Manouche)

¹⁰ Ninna te his lo lenge yaake lačes, kaman le gar ap leste te shounell, oun doukran les an leskro dji. Kote vas lo rhoyedo ap lende, oun kouras pes lentsa.

O Debleskro Drom 2021 (Sinte)

¹⁰ Ninna te his lo lenge jaake latches, kaman le gar ap leste te shunell, un dukran les an leskro dji. Kote was lo chojedo ap lende, un kuras pes lentsa.

Jesaja 63:10 ပူးပေါင်းရင်းမြစ်များ

1. Mose 6:6

Kova doukas les an leskro dji. Oun o baro Debles khaytas, kay kras yob i menshen ap i phoub.

2. Familjakro liil 12:2

Har o Roboam an o pančto bersh o baro ray his, vas o Shishak, ko baro ray pral o them Egiptia, peskre lourdentsa, te lell lo o foro Yerusalem dren. Kova vas pral i Israelitarya doleske, kay djan le o baro Debleskro dromestar tele.

Nehemia 9:26

Oun pale shounan le gar bouder ap toute, oun hadan pen pral toute, oun kaman bouder gar tiro drom te djal. Oun yon dan tire rakepangren moulo, kolla kay len trad dan, te anenn le len pale pale pash toute.

Nehemia 9:29

Oun tou dal len trad, te aness len pale pale ap tiro drom. Yon his pre-phourdo oun shounan gar ap tire laba, oun djivan gar pal tire čačepaskre laba, kolendar tou penal: Koon len rikrell, djivell. Oun yon sikran touke pengro doumo, oun pandan pengre djia, oun shounan gar ap toute.

Debleskri gili 106:33

Yon kran les yaake rhoyedo, te rakras yob sik, oun leskre laba his gar gosevo.

Debleskri gili 107:11

Yon shounan gar ap o Debleste, kay hi o Devel pral halauter, oun čivan leskre laba ap i rig.

Debleskri gili 51:11

Ma dik ap miri doosh, oun le o čilačo koova, hoy krom, mandar krik!

Debleskri gili 78:17

Ninna te kras lo kova lauter lenge, shounan le gar ap leste, oun an o moulo tato them hadan le pen ap leste, ko pralstuneste.

Debleskri gili 78:21

Har o baro Devel kova shounas, vas lo rhoyedo ap o Yakobeskre čavende. Peskri rholi vas ap o Israel har i yag.

Debleskri gili 78:40

Boud kope hadan le pen ap leste an o moulo tato them, oun doukran leskro dji.

Debleskri gili 78:49

Yaake bičras o Devel peskri bari rholi ap i Egiptarya. Leskri rholi his har i yag, hoy rhačras, oun i bari phagi pral lende anas. I bibarht tapras len har te vals lat bičedo i bolepangrendar, kay anenn o merepen.

Debleskri gili 78:56

Kolla hadan pen pale te pale ap o Debleste, ko pralstuneste, oun kaman gar ap leste te shounell, oun rikran gar leskre laba.

Debleskri gili 78:8

yaake te venn le gar har pengre phoure, kay o Debleskro dromestar tele peran, oun kaman gar te shounell. Kolengre djia his gar zorelo, oun yon his gar pengro tselo djiyeha pash o Debleste.

2. Mose 15:24

Oun i menshe van rhoyedo ap o Moseste oun penan: “Hoy piyas mer?”

2. Mose 16:8

Palle penas o Mose: “Ap i rat dell lo t'men mass oun taysarlakro yaake boud maro, te venn čalo. O baro Devel shounas, har rhoyran t'men ap leste. Koon ham mer? Gar ap mende rhoyran t'men, na-a, han rhoyedo ap o baro Debleste.”

2. Mose 23:21

Denn yak, te shounenn ap kova, hoy yob t'menge penell! Me bičrom les. Te shounenn t'mer gar ap leste, bistrell lo t'mari doosh gar.

2. Mose 32:8

Sik djan le ko dromestar tele, kay me sikrom lende. Yon kran penge i devel, – i terno gouroum, – oun mangan les an, maran firhen leske oun penan: Kava hi tiro Devel, Israel, kova, kay anas tout dran o them Egiptia vin.”

Jesaja 1:2

Tou, o bolepen, oun tou, i phoub, shounenn, hoy me, o baro Devel, penau: Me tserdom čaven bares. Oun har yon baro van, phagan le mantsa.

Jesaja 63:11

Kote moukan le penge pale i phoure tsirya an o shero te djal, kol divessa, kay o Mose, djivas, oun poučan pendar: Kay hi o baro Devel, kay las peskre menshen vin dran o baro pani, khetne kolentsa, kay ap lende yak dan? Kay hi o baro Devel, kay ap lende peskro dourho čivas?

Jesaja 65:2

Me rikrom o tselo dives mire vasta vin kol menshenge, kay kaman gar ap mande te shounell, oun djan i drom, hoy gar mishto hi, oun djivenn pal pengro shero.

Jeremia 21:5

Me kourau man t'mentsa o zorelo vasteha, oun hadau miri moussi ap t'mende bari rholyah, oun krau miro dji pandlo t'menge.

Jeremia 30:14

Tire tsele pirne bistran tout, poučenn bouder gar pal toute. Me dom tout dava, har yekes, koles kamom te marell. Krom miro dji touke pandlo, har dom tout dava tiri bari doshake oun ko boud čilačo koova, hoy kral.

Jeremia 32:30

I menshe dran o kheer Israel oun dran o kheer Youda kran, hoy glan mire yaka djoungelo hi, yaake rah har yon i natsyona hi:

Ropaskre gilja 1:18

O baro Debles his čačo, har das lo man i phagi. Me shounom gar ap leskro lab. Shounenn, t'mer menshe an vavar themma, oun dikenn, har baro miri douk hi! Mire terne ča oun terne čave van pandles krik lino.

Ropaskre gilja 1:20

Ah, baro Devel, dik, har boud traash man hi, har i douk an mande rhačella! Miro dji rissrell pes an mande! Hoske shounom gar ap toute? Glan o kheer tapras o rharo mire čaven, oun an o kheer meran le dran i djoungelo nasslepen.

Ezekiel 16:43

Tou bistral, hoy touke krom, har terno hals. Oun rhoyral man ko tselo koveha, hoy kral. Boud djoungelo koova kral, oun koy pashel kral vi-ladjedo koova. Doleske anau kova lauter, hoy kral, ap tiro shero pale, penell o baro Devel, maro ray.

Ezekiel 2:3

Tou, mensho, me bičrau tout pash i Israelitarya. Kolla hadan pen oun peran mandar tele. Ninna lengre phoure hadan pen pale te pale pral mande. Oun kolla, kay kava dives djivenn, hi gar vavarčandes.

Ezekiel 2:7

Pen lenge mire laba! Nay vell, te shounenn le, nay vell, te shounenn le gar. Yon hi menshe, kay moukenn pen či te penell.

Ezekiel 20:13

Ninna an o moulo tato them moukan pen i Israelitarya či mandar te penell. Yon djivan gar yaake, har lendar kamom. Oun ap mire čačepaskre laba dan le či. Oun mire čačepaskre laba hi kolla, kolentsa o mensho djido ačell, te rikrell lo pes ap lende. Oun yon kran boud koova ap o Debleskro dives, hoy hounte krans le gar, oun yaake vom gar sharedo. Kote kamom miri rholi pral lende vin te čorell, te hounte merans le lauter an o moulo tato them.

Ezekiel 20:21

Oun ninna lengre čave moukan pen či mandar te penell, oun kran gar hoy lendar kamom, oun djivan gar pal miro čačepen. Mire čačepaskre laba hi kolla, kolentsa i mensho djido ačell, te rikrell lo pes ap lende. Oun yon kran savo koova ap o Debleskro dives, hoy hounte krans le gar. Oun yaake vom gar sharedo. Kote kamom miri rholi pral lende vin te čorell. Kote an o moulo tato them kamom miri tseli rholi ap lende vin te moukell.

Ezekiel 20:8

Yon moukan pen či mandar te penell, oun kaman gar ap mande te shounell. Kek vitsras kol djoungele figuren krik, hoy lo an-mangas. Kol egiptikre deblen kaman le gar te moukell. Kote kamom miri rholi pral lende vin te čorell. Gomme kote an o them Egiptia kamom miri tseli rholi ap lende vin te moukell.

Ezekiel 6:9

Kote, kay le pandle hi, vau me lenge an o shero. Oun yon dikenn dren, te dom len i phagi koleske, hoy yon kran: Yon phagan mantsa oun nashan rhorhene deblen palla. Palle rissrell lenge halauter an pende pral ko tselo djoungelo koova, hoy yon kran.

Mateo 22:7

O baro rayes tapras i bari rholi, oun yob bičras peskre lourden, te marenn le kol marepangren, oun te rhačrenn le lengro foro.

Bičepangre 7:42

O Devel djas peske lendar oun moukas len. Koy mangan yon i momlia an o bolepen an. Yaake vas kova, hoy činlo hi an o liil, kay o Debleskre rakepangre činan. Kote penell o Devel: Morshale an Israel, mange rhačran t'mer kek firhen, oun anan kek rhapen glan mande an kol star-deesh bersha, har hans an o moulo them.

Bičepangre 7:51

Oun o Stefano penas doureder ap lende: “T'mer kamenn či te hayvell. T'maro dji hi har bar. T'mare kandentsa shounenn či, oun kamenn gar ap o Debleskro Dourho te shounell. Yaake kran t'mare phoure. Yaake krenn ninna t'mer.

Efesarja 4:30

Te krenn t'mer i čilačo koova, palle doukrenn o Debleskro Dourho an t'mare djia. O Devel das les t'mende, te sikrell lo, kay leskro han ap ko dives, kay lell lo t'men dran o tselo čilačepen vin.

5. Mose 1:26

T'mer kaman gar koy te djal, oun shounan gar ap i laba o baro Deblestar, kay t'maro Devel hi.

5. Mose 9:7

Ma bistrenn, har rhoyran t'maro baro Debles an o moulo them, Ko divesseha har djan t'mer vin dran o them Egiptia bis te van kate, kay kanna han, kaman gar ap leste te shounell.

Josua 22:15

Oun har van le an o them Gilead, penan le ap lende: