Jesaja 62:5 - O Debleskro Lab 2024 (Sinte-Manouche)

⁵ Yaake har i terno morsh peske i terni čay lell, yaake lenn tire menshe o them Youda penge. Oun yaake barhtelo ko biyabeskro hi pral i terni čay, kolah yob biyab krell, yaake barhtelo hi tiro Devel pral toute.

O Debleskro Drom 2021 (Sinte)

⁵ Jaake har i terno mursh peske i terni tchai lell, jaake lenn tire menshe o them Juda penge. Un jaake bachtelo ko bijabeskro hi pral i terni tchai, kolah job bijab krell, jaake bachtelo hi tiro Dewel pral tute.

Jesaja 62:5 ပူးပေါင်းရင်းမြစ်များ

Kamlepaskri gili 3:11

T'mer ča dran o foro Yerusalem, avenn vin! T'mer ča dran Sion dikenn o baro rayes, o Salomes! Dikenn leskri rayeskri stadi, hoy leskri day leske ap o shero čivas, ap ko dives, kay lo romedineras, oun leskro dji i barhtyatar bashras.

Kamlepaskri gili 4:8

Ab mantsa, miri pirni! Mouk o Libanon, ab mantsa! Ab tele i berge, kay hi yaake dour mandar, – kol berge Amana, Senir oun Hermon! Naash krik kotar, kay i leve djivenn, oun i bare divye margodje pen khatrenn!

Jesaja 62:4

Tou veh gar bouder kharedo mouklo foro oun tiro them moulo them. Tou veh gole dino o Debleskri pirni, oun tiro them barhteli romni. O baro Devel dikell lačes ap toute, oun romedinerell pes tiro themeha.

Jesaja 65:19

Me ninna, vau barhtelo pral Yerusalem, oun miro dji givell pral mire menshende. Ropen vell kote bouder gar shounlo, vitar gar dell yek gole i daryatar.

Jeremia 32:41

Miro dji sala, te nay krau lenge lačepen. Oun me moukau len zoreles an kava them vell, oun yon hounte moukenn les bouder gar. Čačepah, kova krau miro tselo djiyeha oun miri tseli zoryah.

Hosea 2:19

Oun me krau, te lell li o lab Baal bouder gar an o mouy. Hako tsireske venn i laba kol rhorhene deblendar bistedo.

Hosea 2:21

Israel, tou veh miri romni hako tsireske. Me djau touha trouyel, har mishto oun čačo hi. Me hom lačes ap toute, oun krau miro dji pre touke.

Zefanja 3:17

T'maro baro Devel hi pash t'mende, yob hi zorelo oun hi ap t'mari rig. Leskro dji givell pral t'mende, oun yob hi t'menge lačo. T'mari doosh lell lo t'mendar krik an peskro baro kamlepen, oun yob dell gole i barhtyatar pral t'mende,

Maleachi 3:12

Oun i menshe an i tsele themma penenn pral t'mende: “Dikenn, har barhteles yon hi! Havo shoukar them len hi!” Ko penell o baro Devel, ko ray pral o bolepen oun i phoub.

Hebrearja 12:2

Te dikas ap o Yezous Kristeste! Kova anas men ap o Debleskro drom, oun djal glan mende, bis te vah pash leste. O Yezous Kristo meras ap o troushel. Ninna te his kova i ladj leske, las lo kava merepen ap peste. Yob djinas, pal kova vell i bari barht ap leste. Oun kanna hi lo beshdo ap o Debleskri čači rig.