Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Jesaja 61:8 - O Debleskro Lab 2024 (Sinte-Manouche)

8 Me, o baro Devel kamau o čačepen, oun hom rhoyedo pral o čorepen oun o čilačepen. Oun čačepah, me dau lačo koova i menshende an Youda ko tselo čilačepaske, hoy ap lende vas. Oun me krau lentsa vin, te ačas mer mala hako tsiro. Koy pre dau miro čačo vast.

အခန်းကိုကြည့်ပါ။ ကော်ပီ

O Debleskro Drom 2021 (Sinte)

8 Me, o baro Dewel kamau o tchatchepen, un hom chojedo pral o tchorepen un o tchilatchepen. Un tchatchepah, me dau latcho koowa i menshende an Juda ko tselo tchilatchepaske, hoi ap lende was. Un me krau lentsa win, te atchas mer mala hako tsiro. Koi pre dau miro tchatcho wast.

အခန်းကိုကြည့်ပါ။ ကော်ပီ




Jesaja 61:8
34 ပူးပေါင်းရင်းမြစ်များ  

Kova, hoy me touha vin krau, ačell hako tsiro mange oun touke, tire čavenge, kolengre čavenge oun lauterenge, kay pal toute venna. Me hom tiro Devel oun ko Devel tire čavendar, kay pal toute venna.


O Devel das man peskro lab hako tsireske, oun hoy lo penas hi mishto oun ačell tardo. Yaake hi miro kheer zoreles glan leste tardo. Lauter, hoy mange mishto hi oun hoy kamau o djiyestar, moukell lo mishto te djal.


oun pal leste o Yakobeste, oun das peskro vast pre, te ačell kava lab i Israelenge hako tsireske.


O baro Devel hi an o čačepen tardo, oun kamell hakenes, kay o čačepen krella. Koon ap leste shounella peskro tselo djiyeha, kova dikell les peskre yakentsa.


“Me kamau toute te sikrell havo drom tou hounte djas, oun penau touke, har tou les djas, oun dau yak ap toute,” penell o baro Devel.


Yob kamell i čače dromma oun i čače laba. Oun i tseli phoub hi pherdo lačepen o baro Deblestar.


O baro Devel kamell o čačepen oun moukell peskre menshen gar kokres. Hako tsiro dell yob yak ap lende. Kolla, kay kamenn o Deblestar či te djinell, merenna, ninna lengre čave oun kolengre čave.


Miro Devel, tiri rayeskri beshepaskri ačell hako tsireske. Tou hal i čačo oun lačo ray pral tire menshende.


“Anenn mange mire menshen khetne, kay mantsa vin kran, te vap me lengro Devel, oun mange firhen anan.”


I menshe hi či har i dourho. Tikne har bare hi či moldo. Te vans le ap i vaga čiddo, vans le lauter khetne lino gar phareder har i dourho.


Touke hi bari zoor. Tou hal o baro ray, kay kamell o čačepen o djiyestar. Tou penal, hoy čačo hi, oun čival o čačepen pre an o them Israel, te djan i čačepangre morsha pal o čačepen.


Rike tout ap o baro Debleste, hoy tou ninna kreh! Oun yob krell tiro drom čačo glan toute.


Kote, kay i menshe ap o čačo drom djan, oun an o čačepen tardo hi, kote hom me ninna,


An miro kheer djivell o čačepen, oun mire menshende dau čačepaskre laba. Zorelo brishin, kay brishineskre barra dren hi, dell palle o rhorhepen paash, ap koleste t'men rikrenn. Oun panya hidjrenn t'maro khatepen krik.


Doleske dikell o baro Devel ap ko dives, kay nay vell lo t'menge pale lačes, oun te nay krell lo peskro dji t'menge pre. O baro Devel hi i Devel, kay hako tsiro o čačepen krell. Barhtelo hi hakeno, kay ap leste dikell.


O baro Devel, ko ray pral o bolepen oun i phoub sikrell peskri zoor, oun krell, hoy čačo hi. O čačo Devel sikrell, te hi lo kokres o Devel, kay rakrell o čačepen vin.


I berge nay djan ap i rig, oun i tikne berge nay perenn khetne, miro lačepen, kova djal gar toutar, oun kova, hoy vin kram, te ham mer mala, ačell tardo. Kova penau me, o baro Devel, kay peskro dji touke pre kras.


Shounenn mishto, hoy penau, oun avenn pash mande! Shounenn ap mande, te ačenn djido! Oun me kamau t'mentsa vin te krell, te ačas mer mala hako tsireske. Ko lačo koova, hoy o Davideske penom, vell ap t'mende.


Kava penell o baro Devel: Djivenn pal mire čačepaskre laba, oun krenn, hoy čačo hi! Sik vell ko dives, kay lau t'men dran o čilačepen vin, oun čivau t'men an o čačepen.


T'mare čave oun t'maro lab ačenn glan mande, yaake rah har o nevo bolepen oun i nevi phoub, hoy me krau, glan mande ačenna, penell o baro Devel.


Oun me krau lentsa vin, te moukap gar tele, te krap lenge lačepen, oun te dap len i dji, hoy ap mande shounell, oun moukell man gar. Kava lab, hoy lentsa vin krau, ačell hako tsireske.


Shounenn, penell o baro Devel, ko tsiro vell, kay dau hakenes i phagi, kay činlo hi ap peskro mass, oun djivell, har te vals lo gar činlo:


Ninna te rikral tiro lab gar, bistrau me kova gar, hoy touha vin krom, har hals terno. Oun me krau touha pale neves vin, te vap tiro Devel. Oun kova, hoy touha neves vin krau, ačell hako tsireske.


Oun me pandau miro dji ap lende, oun krau lentsa vin, te nay djivenn le an o lačepen. Hake divye firhen tradau krik dran o them. Oun an o moulo them nay djivenn le kek daryah. Oun an i vesha sovenn le.


Oun t'mer penenn: Dikenn, havi boudi hi men koleha! Ko vell menge dran o nak vin. T'mer anenn mange firhen, kay hi čoredo, bango oun nasselo. Penap me koy pre: Kova hi shoukar, hoy t'mer mange krenn, penell o baro Devel.


T'mer čačepangre oun Farisarya! Kova, hoy t'mer krenna, ko hi gar mishto. T'maro patsepen ap o Debleste hi rhorhepen! T'mer krenn o voudar pandlo, te vell kek ap o Debleskro drom. T'mer djan gar koy dren. Vitar gar moukenn i vavaren dren te djal.


Maro rayestar, o Yezousestar, mangah, te krell lo t'mare djia pre, te dikenn t'mer, har baro o Debleskro kamlepen t'menge hi. Oun lestar mangah ninna, te denn t'maro patsepen gar pre, ninna te vell t'maro djipen pharo, yaake har o Yezous Kristo gar pre das.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ