Jesaja 61:7 - O Debleskro Lab 2024 (Sinte-Manouche)

⁷ T'mer hidjran bari ladj oun praasepen, doleske lenn t'mer kanna i baro them oun i barht, hoy ačella hako tsireske.

O Debleskro Drom 2021 (Sinte)

⁷ Tumer hidjran bari ladj un praassepen, doleske lenn tumer kanna i baro them un i bacht, hoi atchella hako tsireske.

Jesaja 61:7 ပူးပေါင်းရင်းမြစ်များ

2. Rajengro liil 2:9

Oun har yon vergel van, penas o Eliya ap o Elisa: “Mang mandar, hoy krap touke, glan te vau toutar krik lino!” O Elisa penas: “De man douy kotya tiri Debleskri zoryatar.”

Hiob 42:10

Oun har o Hiob peskre malenge mangas, las o baro Devel koy bibarht o Hiobestar krik, oun kras les pale bravelo, oun das les douy kope yaake boud, har les his.

Debleskri gili 126:5

Koon ropah o djob an i phoub vitsrella, kova dell gole i barhtyatar ap ko dives, kay lell lo o djob dren.

Debleskri gili 16:11

Tou sikreh o drom, kay an o djipen anell. Pash toute hom barhtelo. Te hom kote, kay tou hal, bashrell miro dji hako tsiro.

Jesaja 35:10

Kolen, kay yob dran o pandepen vin las, venn pale khere, oun venn o gipah pash i berga Sion. Lengri barht lell kek lendar. Lengre djia givenn oun bashrenn i barhtyatar. Oun douk oun ropen dell gar bouder.

Jesaja 40:2

“Rakrenn i menshenge an Yerusalem an o dji, oun penenn lenge: Ko tsiro hi trouyel, kay hounte boudran tel douka oun dava. T'mari tseli doosh hi playsedo. O baro Devel das t'men i phagi, hoy his yaake baro, har te lans douy kope i phagi t'maro tselo čilačepaske.”

Jesaja 51:11

Kolen o baro Devel dran o pandepen vin las, venn pale khere, oun venn o gipah pash i berga Sion. Lengri barht lell kek lendar. Lengre djia givenn oun bashrenn i barhtyatar. Oun douk oun ropen dell gar bouder.

Jesaja 54:4

Ma dare! Tou veh gar vi-ladjedo koy tardo! Moukau kekes, te sal lo pral toute. Doleske ma ladj tout! Tou bistreh koy ladj, hoy ap toute his, har terno hals. Oun ko tsiro, har tiro rom meras, vell touke bouder gar an o shero.

Jesaja 60:15

His i tsiro, kay hals mouklo, oun kek kamas tout oun djas pash toute. Kanna krau toutar, te vess hako tsiro sharedo oun shoukar, i foro, kay hi hakeno barhtelo yaake rah har menshe ap kay phoub hi.

Jesaja 60:21

Tire menshe hi halauter an o čačepen tardo. Oun kava them hi lenge hako tsireske. Yon hi har i tikne rouka, hoy čivom an i phoub, oun hoy bares van. Mire vastentsa krom len, te sikrap miro raylepen.

Jesaja 65:13

Doleske penell o baro Devel, maro ray: An ko tsiro, kay t'mer bokenn, hi mire boudepangren rhapaske. An ko tsiro, kay t'mer troushenn, hi mire boudepangren doha te piyell. An ko tsiro, kay han an i ladj, hi mire boudepangre an i barht.

Zefanja 3:19

O tsiro vella, kay dau i phagi halauterenge, kay t'men tele rikran, oun vau kolenge t'mendar ap i rig, kay doukedo hi. Oun anau kolen khere, kay vin tradedo van. Oun krau, te venn le sharedo oun hadedo an i tsele themma, kay i menshe rikrenn kanna či lendar.

Zakarie 8:12

Na-a, kanna nay vitsrenn le djob an i phoub kek daryah. I drakengre rouka hidjrenn drake, i phoub anell zenlepen vin, oun o bolepen dell brishin. Oun kolenge, kay pral ačan kal menshendar, dau kova lauter, te ačell kova lenge.

Zakarie 9:12

T'mer pandle, avenn pale khere an ko zorelo foro, t'mer, kay djinenn: Mer ačah gar hako tsireske pandle. Kava dives penau t'menge: Me dau t'mende douy kope yaake boud lačepen har kol douka, hoy hounte lan ap t'mende.

Mateo 25:46

Oun kol čilače len i phagi hako tsireske. I lače lenn o djipen, hoy gar pre-herella.

2. Korintarja 4:17

Ko pharo koova, hoy mer kanna hidjrah, hi tikno oun djal peske. Pal kova vell i baro raylepen. Kova hi shoukeder har halauter, hoy kanna djinah, oun djal peske gar.

5. Mose 21:17

Na-a, yob hounte dell ko vavares douy kope yaake boud, yob hi o phoureder, ninna te his lo koy romyatar, kolat kamell lo gar. Yob vas glanstounes boldo oun leske hi o čačepen, te lell lo, hoy o phoureder lell.

2. Tessalonikarja 2:16

O Devel hi maro dad oun kamell men o djiyestar. Yob hi menge lačo, oun penell menge an o dji, te kras lo lauter menge mishto, oun te lell lo men pash peste hako tsireske. Lestar mangah oun maro rayestar, o Yezous Kristestar,