Jesaja 60:7 - O Debleskro Lab 2024 (Sinte-Manouche)

⁷ I tsele bakre dran Kedar oun Nebayot venn anlo pash toute, te venn le maredo oun rhačedo o baro Debleske, te dikell lo lačes ap toute. Oun yaake krell o baro Devel peskro raylo kheer gomme shoukeder.

O Debleskro Drom 2021 (Sinte)

⁷ I tsele bakre dran Kedar un Nebajot wenn anlo pash tute, te wenn le maredo un chatchedo o baro Debleske, te dikell lo latches ap tute. Un jaake krell o baro Dewel peskro railo kheer gomme shukeder.

Jesaja 60:7 ပူးပေါင်းရင်းမြစ်များ

1. Mose 25:13

Oun kolla hi i laba o Ismaeleskre čavendar yaake har yon boldo van: O phoureder his o Nebayot. Palle vas o Kedar, o Adbeel, o Mibsam,

Hiob 42:8

Kanna lenn efta terne gourma oun efta bakre oun djan pash o Hiob, oun marenn kol firhen kote, oun rhačrenn len mange! Oun o Hiob, koles miro čačo vast hi, hounte mangell man t'menge. Ap koleste shounau oun krau t'mentsa gar, har hounte kroms. T'mer rakran gar o čačepen pral mande har yob kras.”

Debleskri gili 120:5

Havi bibarht hi mange, te hounte djivap mank i vi-themarya, pash i menshende, kay prindjrenn gar miro Debles.

Kamlepaskri gili 1:5

Kales hom oun shoukar hom, t'mer ča dran o foro Yerusalem, kalo har i plarhtene khera an o them Kedar oun har o Salomeskre stakepangre.

Jesaja 19:19

Ap ko dives hi mashkral an o them Egiptia i rhačepaskri, kay firhe o baro Debleske rhačedo venna, oun kote, kay i themma Egiptia oun Israel khetne venna, vell i baro bar o baro Debleske pre tardo, kay lo sharedo vella.

Jesaja 19:21

Oun o baro Devel sikrell pes palle i Egiptarende, oun yon prindjrenn les oun mangenn les an, oun anenn leske firhen oun rhapen, hoy vell leske rhačedo. Oun denn pen glan leste sovel, te denn le les čomone, oun rikrenn koy sovel ninna.

Jesaja 21:16

Yaake rakras o baro Devel, maro ray, ap mande: An yek bersh – kek dives sikeder oun kek dives palla – vell o tselo raylepen dran o them Kedar krik lino.

Jesaja 42:11

Givenn i bari golyah, t'mer an i forya an i moule tate themma, oun t'mer menshe dran Kedar, kay an i gaba djivenn! Givenn bari golyah, t'mer, kay an o foro Sela djivenn! Denn gole i barhtyatar, t'mer, kay pral ap i berge djivenn!

Jesaja 56:7

kolen anau pash miri berga, kay me djivau, oun krau len barhteles an miro kheer, kay mangenn man i menshe an. Yon nay anenn mange firhen: save, hoy venn mange rhačedo ap miri rhačepaskri, ninna save, hoy rhan le glan mande. Oun me dikau lačes ap kova. Miro kheer vell kharedo: Kheer, kay i menshe dran hake themma o Debles an-mangenn.

Jesaja 60:13

Kouč kasht dran o shoukar veesh ap i berge Libanon vell pash toute anlo, te vell miro kheer shoukar kerdo. Oun yaake sikrau, har raylo kay platsa hi, kay tardo hom.

Ezekiel 20:40

Ap miri bari berga an Israel, kay me djivau, kote mangenn man i tsele Israelitarya an, halauter kay an o them hi. Oun me lau len an o lačepen an, oun kamau, te anenn le mange kote firhen oun djob, yaake har glan činlo hi, ninna ko koova, hoy mange ap i rig čivan.

Ezekiel 27:21

I menshe dran Arabia oun i raya dran o them Kedar paran touha oun dan tout bakre oun bouzya.

Micha 4:1

O tsiro vella, kay hi koy berga zoreles tardo, kay o baro Debleskro kheer tardo hi. Kay berga hi bareder har i tsele vavar berge. Oun pash late venn i menshe dran i tsele themma.

Zefanja 3:10

Ninna dran o dour them Etiopia venn mire menshe, kay kate te kote tradedo van, te mangenn le man an, oun anenn mange kouč koova.

Zakarie 2:8

Oun o ersto penas ap o vavareste: “Naash oun pen ko terno morsheske i doryah: An o foro Yerusalem venn yaake boud menshe oun firhe, te nay venn kek massurya troul leste.

Remarja 12:1

Mire phrala, o Devel hi kamlo ap t'mende. Doleske mangau t'men o tselo djiyestar: Djivenn t'maro djipen o Debleske, oun venn leske kokres koy, yaake te vell o Devel barhtelo pral t'mende. Te djivenn t'mer yaake, sharenn t'mer les. Oun kova hi t'mari boudi.

Remarja 15:16

Yob bičras man, te boudrap o Yezous Kristeske oun te djap pash kolende, kay kek bibolde hi, te sikrap len o Debleskro drom. Yaake hom har i rashay, kay anell kol menshen, kay kek bibolde hi, pash o Debleste. Oun o Devel dell len peskro Dourho, te venn le leskro. Oun yob dikell lačes ap lende.

Hebrearja 13:10

Mer djah ap o nevo drom. Menge meras o Yezous Kristo ap o troushel. Kolla, kay djan ap o phouro drom, marenn firhen an o Debleskro kheer ap kay phoub. Koon gomme firhen marella oun glan o Debleste anella, koleske hi o Yezous Kristo gar koy.