Jesaja 60:5 - O Debleskro Lab 2024 (Sinte-Manouche)

⁵ Palle dikeh tou kova, oun bari barhtyatar rhačell tiro mouy har i momeli, oun tiro dji trissella oun djal dour pre. Boud bravlepen dran vavar themma vell anlo pash toute, foun vergel o baro pani vell lo pash toute.

O Debleskro Drom 2021 (Sinte)

⁵ Palle dikeh tu kowa, un bari bachtjatar chatchell tiro mui har i momeli, un tiro dji trissella un djal dur pre. Bud brawlepen dran wawar themma well anlo pash tute, fun wergel o baro pani well lo pash tute.

Jesaja 60:5 ပူးပေါင်းရင်းမြစ်များ

Debleskri gili 119:32

Miro dji hi dour pre, te krap lauter yaake har tou mandar kameh.

Debleskri gili 34:5

Me rodom o baro Debles, oun yob shounas man. Yob las man vin dran miri tseli daar.

Jesaja 23:18

Oun kol love, hoy le dren lenn, vell o baro Debleste dino. Kol love vell gar khetne anlo an i bravlepaskro kheer. Na-a, kol love lenn kolla, kay pash o baro Debleskro kheer djivenn, te vell len doha rhapaske oun lače koola an-ripaske.

Jesaja 54:2

Kre tiro plarhteno kheer bourhlo! Tserde kol plarhte ap i rigya doureder! Ab gar čindo! Kre i shelle lengsto, oun de kol saster, hoy rikrenn len, zoreles an i phoub dren!

Jesaja 60:11

Oun tire bare voudya ačenn hako dives pre. Pral o dives har an i rat venn le gar pandlo, te nay anenn kol menshe dran vavar themma pengro bravlepen pash toute, oun te nay venn lengre raya glan toute.

Jesaja 61:6

T'mer venn rashaya o baro Deblestar, oun venn kharedo maro Debleskre boudepangre. Oun ko bravlepen dran vavar themma, koleha moukenn les t'mer t'menge mishto te djal, oun koleha sharenn t'men.

Jesaja 66:12

Kava penell o baro Devel ap o foro Yerusalem: Dik, me moukau boud lačepen pral toute te vell har i lengsto pani. Oun o bravlepen dran vavar themma nashell an toute har i divyo pani. Me dau garda ap toute har i day ap peskro ternepen, hoy hidjrell li ap i vasta, oun čivell les ap peskre herya oun khelell leha.

Jeremia 33:9

Palle vell o foro Yerusalem mange i foro, pral koleste barhtelo hom. I menshe an i tsele themma sharenn man, oun hadenn man, te shounenn le ko tselo lačo koova, hoy me o foreske Yerusalem krau. Lenge ačell o rakepen krik, oun yon krenn bare yaka, te dikenn le ko tselo lačepen oun koy tseli barht, hoy dau kava foreske.

Hosea 3:5

Pal ko tsiro venn i Israelitarya palpale pash o baro Debleste, kay lengro Devel hi, oun pash lengro baro rayeste – yekeste dran o kheer David. Oun trisslepah venn le pash o baro Debleste. Oun yob vell lenge lačes an ko tsiro, hoy vella.

Mateo 25:16

Oun ko morsh, kay kol panč gone pherdo roup las, kova djas sik pash i bikepangre, ginas oun bikras boud koova, oun anas panč vavar gone pherdo roup khetne pashel.

Bičepangre 10:45

Kol patsle biboldenge, kay o Petreha van, ačas o rakepen krik, har yon dikan, kay peras o Debleskro Dourho ninna ap kolende, kay kek bibolde hi.

Bičepangre 11:17

Me dikom, o Devel das lende ninna peskro Dourho, yaake har yob mende das, har mer patsam ap o rayeste, o Yezous Kristeste. Koon hom me, te rikrap me o Debles pre?”

Bičepangre 24:17

Boud bersha homs an i vavar themma. Kanna vom pale an o foro Yerusalem, te anap mire menshenge love, hoy vavar dan. Ninna vom, te rhačrap firhen o Debleske an o Debleskro baro kheer.

Remarja 11:25

Mire phrala, me kamau t'menge i baro čačepen te penell, hoy djinenn i menshe gar. Te djinenn t'mer kova, palle penenn t'mer gar: “Har gosevo ham mer!” T'mer hounte djinenn, hoske hi boud bibolden i dji dran bar, oun patsenn gar ap o Yezous Kristeste. Kova ačella yaake rah, bis te van kol tsele menshe dran i vavar themma ap o Yezouseskro drom, kolendar o Devel kamell, te venn le pash leste.

2. Korintarja 10:15

Yaake nay sharah men mer pral i boudi, hoy mer kram, oun gar pral kova, hoy i vavar kran. An maro dji djinah, ap ko tsiro, kay vas o patsepen an t'mende baro, sharenn le men ninna pral kova, hoy mer mank t'mende kram.

5. Mose 33:19

Yon denn vavar menshen gole ap pengri Debleskri berga, oun kote anenn le firhen o Debleske, hoy leske čačo hi. Lengro bravlepen hatsenn le an o baro pani, oun kouč koova lenn le dran i santa.

Debleskro tsiro 21:24

Oun i menshe an vavar themma dikenn koy momeli oun venna pash leste. Oun i bare raya ap i phoub anenn pengro bravlepen an ko foro.

Debleskro tsiro 21:26

Oun i menshe dran i vavar themma anenn pengro kouč oun shoukar koova oun pengro bravlepen an ko foro.

1. Samuel 2:1

Oun i Hanna parkras pes pash o Debleste oun penas: Miro dji hi barhtelo an o baro Debleste. Yob hadas man pre oun kras man zoreles. Kanna nay sau pral kolende, kay man tiknes kran. Tou, miro Devel, val ap miri rig. Doleske hom barhtelo.