Jesaja 60:21 - O Debleskro Lab 2024 (Sinte-Manouche)

²¹ Tire menshe hi halauter an o čačepen tardo. Oun kava them hi lenge hako tsireske. Yon hi har i tikne rouka, hoy čivom an i phoub, oun hoy bares van. Mire vastentsa krom len, te sikrap miro raylepen.

O Debleskro Drom 2021 (Sinte)

²¹ Tire menshe hi halauter an o tchatchepen tardo. Un kau them hi lenge hako tsireske. Jon hi har i tikne ruka, hoi tchiwom an i phub, un hoi bares wan. Mire wastentsa krom len, te sikrap miro railepen.

Jesaja 60:21 ပူးပေါင်းရင်းမြစ်များ

2. Samuel 7:10

Oun me kamau mire menshen Israel i them te dell, kay nay ačenn yon. Oun koy djivenn le, kay trashenn yon bouder gar, oun kay venn yon gar bouder tele rikedo kol čilače menshendar, har an ko tsiro,

Debleskri gili 37:11

I čorvele lenn ko them. Kote hi len boudeder barht har doha.

Debleskri gili 37:18

O baro Devel prindjrell i divessa kolendar, kay ap leste shounenna pengro tselo djiyeha, oun lengro them ačell lenge hako tsireske.

Debleskri gili 37:22

Kol menshe, ap kolende o baro Devel peskri barht čivas, lenn ko them. Kolla, ap kolende o baro Devel i bibarht čivas, kolendar ačell kek.

Debleskri gili 37:29

Kolla, kay an o čačepen tardo hi, lenn o them, oun djivenn kote hako tsireske.

Debleskri gili 92:13

Kolla, kay an o čačepen tardo hi, venn zorelo har i zenele palmtikre rouka. Yon vell baro har i cedertikre rouka ap i berga Libanon.

Jesaja 19:25

O baro Devel, ko ray pral o bolepen oun i phoub, čivell peskri barht ap lende oun penell: Barhtelo hal tou Egiptia. T'mer han mire menshe. Barhtelo hal tou Assour. T'men krom me mire vastentsa. Barhtelo hal tou Israel. T'men rodom me mange vin, te venn mire menshe.

Jesaja 24:16

Dran themma, kay dour mendar krik hi, shounah o gipen: “Sharedo vell o Devel, kay o čačepaskro hi.” Me penom mange: Mange hi ropaske! Mange hi ropaske! Har djoungelo djal mange? Phoukepangre phoukrenn, ava, phoukepangre phoukrenn, oun moukenn gar tele pengro phoukepah.

Jesaja 26:2

Krenn o foreskre bare voudya pre, te djan kolla dren, kay an o čačepen tardo hi, oun rikrenn ap pengro Debleste.

Jesaja 29:23

Te dikenn leskre čave ko koova, hoy mire vastentsa mashkral lende krau, palle hadenn le miro lab; yon sharenn man, o Yakobeskro Debles, kay hom kokres o čačo Devel. Oun yon mangenn man an, o Israeleskro Debles.

Jesaja 43:21

Oun mire menshe Israel, kolen mange krom, sharenn man glan i vavarende.

Jesaja 43:7

Halauter te venn khere, kay miro labeha kharedo venn, kolen mange krom, te vell miro lab baro, kolendar i natsyona krom, hoy miro hi.

Jesaja 44:23

Tou bolepen, gib kolestar, hoy o baro Devel kras! Tou telstunepen i phoubyatar, de gole i barhtyatar! T'mer berge, givenn! Tou veesh tire tsele roukentsa, gib! O baro Devel las o Yakobes dran o merepen vin, oun o Israel sharell les.

Jesaja 45:11

Kava penell o baro Devel, kay kokres o čačo Devel hi. Yob hi o Israeleskro Devel, oun kova, kay les kras: Hounte penap t'menge, hoy mire čaventsa krau? Kamenn mange glan te činell, hoy te krap mire vastentsa?

Jesaja 45:24

oun penell mandar: “Kokres an o baro Debleste hi čačepen oun zoor.” Kolla, kay čingran ap mande, venna vi-ladjedo glan mande tardo.

Jesaja 45:25

O baro Devel čivell o tselo Israel an o čačepen. Oun yon venn barhtelo pral kova, hoy me, o baro Devel, krom.

Jesaja 45:8

Tou bolepen, de čačepen ap i phoub har brishin! Tou phoub, kre tout pre, oun an lačepen vin! Oun o čačepen mou vell baro ap toute! Me, o baro Devel krom kova lauter.

Jesaja 49:3

Oun yob penas ap mande: Miro boudepaskro hal tou, Israel, ap toute sikrau miro raylepen.

Jesaja 51:2

ap o Abraham, t'maro phouro dad oun ap i Sara, t'mari phouri day! Len his kek čave, har dom o Abrahames gole. Oun me čivom miri barht oun zoor ap lende oun dom len boud čaven.

Jesaja 52:1

Ste pre! Ste pre, Sion! Ab pale zoreles! Čip tire kouč rayengre ripya ap toute, Yerusalem, tou Debleskro foro! Čačepah, kek tsiro vell kanna bouder, kay djal yek an toute dren, hoy gar činlo vas ap peskro mass, vitar gar yek, kay glan mande pale-čiddo hi.

Jesaja 54:17

Kek rharo, hoy kerdo vas, te dell lo tout moulo, nay doukrell tout. Oun hako kopo, kay yek čomone ap toute pre anell, nay sikreh tou, kay yob rhorhras. Kova krau kolenge, kay mange boudrenn. Oun me sikrau, te hi yon an o čačepen, penell o baro Devel.

Jesaja 57:13

Te deh tou palle gole, mou venn yon ap tiri rig – tire tsele rhorhene debla! I phourdepen hadell len lauter krik. I tikno dourho phourdell len trouyel. Kolla, kay rikrenn pen ap mande, lenn o them, te vell lo lengro, oun djivenn ap miri berga, kay an-mangedo vau.

Jesaja 61:11

Yaake har moukell i phoub o zenlepen pre te djal, oun bares te vell, yaake moukell o baro Devel, maro ray, o čačepen pre te djal, oun maro sharepen bares te vell pash i menshende an i tsele themma.

Jesaja 61:3

Oun kolla an o foro Sion, kolengre djia rovenn, hounte venn bouder gar beshdo an i yagakri čik oun rido an gone. Na-a, me dau len verklia, te krenn le pen shoukar, oun soungepaskro djet. Lengre djia te givenn oun ačenn bouder gar phagedo. Oun yon venn kharedo: Bare rouka, hoy anenn sharepen o Debleske, oun Ruka, hoy o baro Devel peske an i phoub čivas, te vell leskro raylepen diklo.

Jesaja 61:7

T'mer hidjran bari ladj oun praasepen, doleske lenn t'mer kanna i baro them oun i barht, hoy ačella hako tsireske.

Jesaja 62:4

Tou veh gar bouder kharedo mouklo foro oun tiro them moulo them. Tou veh gole dino o Debleskri pirni, oun tiro them barhteli romni. O baro Devel dikell lačes ap toute, oun romedinerell pes tiro themeha.

Jesaja 64:8

Baro Devel, mouk tiri rholi gar yaake bares te vell, te bistress mari doosh gar bouder. Dik ap mende, mangah tout, tire menshe ham halauter.

Jesaja 65:9

O Yakobestar venna pale menshe, oun dran Youda venna save, kay ap mire berge djivenna. Kolen, kay me vin rodom, lenge vell o them, oun mire boudepangre djivenn kote.

Jeremia 24:6

Ap lende dikau lačes, oun anau len pale pale an kava them. Oun moukau len pale bares te vell, oun krau len gar paash, krau len pale zoreles, oun tradau len bouder gar dran lengro them vin.

Jeremia 32:41

Miro dji sala, te nay krau lenge lačepen. Oun me moukau len zoreles an kava them vell, oun yon hounte moukenn les bouder gar. Čačepah, kova krau miro tselo djiyeha oun miri tseli zoryah.

Ezekiel 11:17

Me, o baro Devel, lengro ray, lau len khetne dran kol tsele themma oun natsyone, an kolende yon tradedo van, oun dau len o them Israel pale.

Ezekiel 34:29

Me krau lengro them, te vell lo i shoukar baar, hoy hi prindjedo ko lačepaske, hoy kote baro vell. Kek lendar hounte bokell bouder gar. Oun i menshenge an vavar themma hi le bouder gar sapaske.

Ezekiel 37:25

Oun yon djivenn pale an ko them, hoy dom me miro boudepaskres o Yakobeste, an koleste t'mare phoure djivan Hako tsireske djivenn le kote, yon oun lengre čave oun kolengre čave. Oun yek dran i familya o Davidestar, kay hi har o David miro boudepaskro, vell lengro ray hako tsireske.

Ezekiel 47:7

Oun har pale vom, dikom kote boud rouka ap kol douy rigya o panyestar.

Amos 9:15

Me anau mire menshen pale an lengro them, hoy lende dom. Oun kek nay tserdell len dran lengro them vin. Kova penell t'maro baro Devel.

Obadja 1:17

Ap i berga Sion djivenn kolla, kay vin lino van dran o merepen. Oun i berga hi pale o baro Debleske kokres. O Yakobeskre čave lenn o them pale penge, hoy lenge randedo vas.

Zefanja 3:13

Oun kol pral-moukle menshe an o them Israel krenn kek čilačepen, oun rhorhenn gar, oun rakrenn gar douy čipyentsa. Lenge djal mishto, oun yon djivenn kote kek daryah.

Mateo 15:13

Penas lo: “Yon hi har rouka, kolen gar miro dad an o bolepen an i phoub čivas, oun yon venna dran i phoub vin tserdedo.

Mateo 5:5

Barhtele hi kolla, kay kek čingepen krenna. O Devel dell len i tseli phoub.

Johanni 15:2

Hako zenelo kasht ap mande, hoy anell kek drake, činell yob tele. Oun ko kasht, hoy anell drake, krell yob djoudjo, te anell lo boudeder drake.

Efesarja 1:12

Doleske sharas mer maro baro Debles! I rah tsiro das maro dji pal o Kristeste gole, ko baro rayeste, kolestar o Devel penas, te vell yob. Oun kanna hi lo kay.

Efesarja 1:6

te sharas mer leskro baro lačepen. Yob his yaake lačo ap mende, te das lo peskro kamlo čaves menge!

Efesarja 2:10

Kova, hoy mer kanna ham, kras o Devel dran mende. Har vam patslo ap o Yezous Kristeste, das lo men o nevo djipen, te kras mer ko lačo koova, hoy yob menge vin rodas oun an mare vasta das.

Efesarja 2:7

Yaake baro hi leskro lačepen ap mende, kay patsah ap o Yezous Kristeste. Ninna an ko tsiro, hoy vella, dikenna i menshe, har baro leskro lačepen ap mende hi.

2. Tessalonikarja 1:10

ap ko dives, kay vell maro ray Yezous pale, te vell lo sharedo peskre menshendar. Oun i tsele patsle dikenn les, oun hi barhtelo pral leste, ninna t'mer, kay patsan ap o Debleskro lačo lab, hoy mer t'menge penam.

2. Petro 3:13

Mende das o Devel peskro lab, te krell lo i nevo bolepen oun i nevi phoub. Kote della bouder kek čilačepen. Ap kova dikah mer.

Debleskro tsiro 21:27

Oun či vell kote dren, hoy an o Debleskre yaka pale-čiddo hi, vitar kek mensho, kay djoungelo koova krella oun rhorhella. Kolla venna an ko foro dren, kolengre laba an o terno bakreskro liil dren činlo hi. Kote hi kolla dren činlo, kay lenna o djipen, hoy gar pre-herella.

Debleskro tsiro 21:7

Kova, kay zoreles an o patsepen ačas, oun gar pre das, kova lell kava shoukar koova mandar. Me vau leskro Devel. Oun yob vell miro čavo.

Debleskro tsiro 5:10

Oun tou kreh lendar raya oun rashaya maro Debleske. Oun yon venn raya pral i tseli phoub.