Jesaja 60:19 - O Debleskro Lab 2024 (Sinte-Manouche)

¹⁹ Tout hounte vell bouder gar o kham ap o dives, vitar gar o čon an i rat, te vell tout i momeli. Na-a, o baro Devel vell touke i momeli hako tsireske. O raylepen tiro Deblestar vell tiri momeli.

O Debleskro Drom 2021 (Sinte)

¹⁹ Tut hunte well buder gar o kham ap o diwes, witar gar o tchon an i rat, te well tut i momeli. Na-a, o baro Dewel well tuke i momeli hako tsireske. O railepen tiro Deblestar well tiri momeli.

Jesaja 60:19 ပူးပေါင်းရင်းမြစ်များ

Debleskri gili 3:3

Boud penenn mandar: “O Devel hi gar ap leskri rig.”

Debleskri gili 36:9

Tou čoreh pral lende lačo koova dran o bravlepen an tiro kheer. Oun deh len tiro lačepen te piyell, har te piyans le lačo pani.

Debleskri gili 4:2

Shoun man, te dau ap toute gole! Miro Devel, kay deh man čačo! An miri daar kral tou miro dji zoreles. Ab lačes ap mande oun shoun har me tout mangau!

Debleskri gili 62:7

Yob hi har i baro zorelo kheer ap i barreskri berga, kay man khatrau, oun yob ap mande yak della, yaake te perap gar.

Debleskri gili 84:11

Yek dives ap i platsa glan tiro kheer hi feteder har i zerya vavar divessa. Me kamau boudeder te vap tardo pash o voudar glan tiro kheer, har te djivap pash i čilačende.

Debleskri gili 84:12

Maro baro Devel hi o kham maro djipaske. Yob rikrell peskre vasta pral mende. O baro Devel dell men lačepen oun raylepen. Kolen, kay o djiyestar ap leste shounenna, dell lo hako lačepen, hoy len hounte vella.

Jesaja 2:5

T'mer menshe, kay venn pal o Yakob, avenn, te djas o drom, kay o baro Debleskri momeli men sikrell, har te djivas.

Jesaja 24:23

Oun o čon vell lolo i ladjatar, oun o kham ladjell pes oun khatrell pes. O baro Devel, ko ray pral o bolepen oun i phoub, vell o baro ray ap i berga Sion an o foro Yerusalem. Oun i phoureder dikenn leskro raylepen.

Jesaja 28:5

Ap ko dives hi o baro Devel, ko ray pral o bolepen oun i phoub, har i shoukar rayeskri stadi oun shereskro sonakay kolenge, kay pral ačan leskre menshendar.

Jesaja 30:26

An ko tsiro, kay pandell o baro Devel i pandepen troul o doukepen peskre menshendar, hoy yob len das, oun krell lengro nasselo oun ratlo mass pale sasto, hi o čon yaake zorelo har o kham. Oun o kham hi efta kope zorleder har kanna.

Jesaja 41:16

Tou vitsreh len pre, oun i dourho hidjrell len krik, oun i phourdepen phourdell len kate te kote. Palle veh barhtelo pral tiro baro Debleste, oun shareh tout tiro Debleha, kay o Israeleskro čačo Devel hi.

Jesaja 45:25

O baro Devel čivell o tselo Israel an o čačepen. Oun yon venn barhtelo pral kova, hoy me, o baro Devel, krom.

Jesaja 51:11

Kolen o baro Devel dran o pandepen vin las, venn pale khere, oun venn o gipah pash i berga Sion. Lengri barht lell kek lendar. Lengre djia givenn oun bashrenn i barhtyatar. Oun douk oun ropen dell gar bouder.

Jesaja 60:1

Ste pre, Yerusalem, ab raylo har o kham! I nevo dives vell touke, oun o Debleskro raylepen djal pre pral toute.

Jesaja 9:2

Baro Devel, tou kral, te venn i menshe boud, kral, te vell lengri barht bares. Glan toute stenn oun sanenn le i barhtyatar, yaake har an ko tsiro, kay lenn le o djob dren, oun yaake har lourde barhtelo hi, te lenn le pengro kotar kolestar, hoy randedo vas an o kourepen.

Zakarie 2:5

An i vavar dikepen dikom i terno morshes i doryah an peskro vast, te dikell lo pal, har baro čomone hi.

Zakarie 2:9

Me kokres, penell o baro Devel, vau i yagakri massouri troul o foro, oun djivau kote, oun krau ko foro zorelo oun shoukar.”

Louka 2:32

Yob hi har i momeli, te sikrell lo kolen tiro drom, kay prindjrenn tout gar. Koleske sharenn yon i menshen an Israel.”

5. Mose 10:21

Yob hi kova, koleske sharenn t'men i vavar menshe. Yob hi t'maro Devel, kay kras savo baro oun zorelo koova pash t'mende. Kova dikan t'mer t'mare yakentsa.

Debleskro tsiro 21:23

Pral o foro hi bouder kek kham oun kek čon. O Debleskro raylepen hi har o kham, oun o terno bakro hi i momeli o foreske.

Debleskro tsiro 22:5

An ko foro vell bouder gar rati. Len hounte vell kek momeli, vitar gar o kham, te dikenn le. O baro Devel hi lengri momeli. Oun yon hi bare raya hako tsireske.