Jesaja 60:17 - O Debleskro Lab 2024 (Sinte-Manouche)

¹⁷ Sonakay anau me, oun gar lolo saster. Rup anau oun gar saster. Lolo saster anau oun gar kasht. Oun saster anau oun gar barra. Tire raya rikrenn tout bouder gar tele. Tel lende djal touke mishto oun tout vell tiro čačepen.

O Debleskro Drom 2021 (Sinte)

¹⁷ Sonakai anau me, un gar lolo saster. Rup anau un gar saster. Lolo saster anau un gar kasht. Un saster anau un gar barra. Tire raja rikrenn tut buder gar tele. Tel lende djal tuke mishto un tut well tiro tchatchepen.

Jesaja 60:17 ပူးပေါင်းရင်းမြစ်များ

1. Rajengro liil 6:30

Oun pral o kasht ap i phoub an o Debleskro kheer moukas lo sonakay te tserdell.

Debleskri gili 147:14

Kek kourepen vell an t'maro them, oun o lačeder djob dell lo t'men te rhal.

Debleskri gili 72:3

Kote, kay yob o baro ray hi, djivenn i menshe i lačo djipen o Debleha, oun čačepen vell an o tselo them, ninna ap peskre tikne oun bare berge.

Jesaja 1:26

Me dau tout pale čačepangre morshen oun rakepangren, kay o čačepen vin krenn, yaake har an i phoure tsirya his. Oun palle kharenn le tout čačepaskro foro oun foro kolendar, kay ap o Debleste patsenna.

Jesaja 30:26

An ko tsiro, kay pandell o baro Devel i pandepen troul o doukepen peskre menshendar, hoy yob len das, oun krell lengro nasselo oun ratlo mass pale sasto, hi o čon yaake zorelo har o kham. Oun o kham hi efta kope zorleder har kanna.

Jesaja 55:13

Kote, kay soubyengre bourra oun soubyengro zenlepen bares van, djan kanna bare zenele rouka pre. Doleske vell o baro Debleskro lab sharedo. Oun kova hi ninna i sikepen, te bistrell kek, te his o baro Devel kova, kay sau koova kras.

Jesaja 60:16

Tou leh o bravlepen i menshendar dran vavar themma oun kouč koova lengre rayendar. Palle hayveh, te hom me, o baro Devel, kova, kay las tout vin dran o pandepen, te hom me, o Israeleskro zorelo Devel, kova, kay touke playsras.

Jesaja 60:18

I kourepaskri gole vell gar bouder shounlo an tiro them. Paash-dine forya oun kourepen dell gar bouder koy. Na-a, mank tire massourya krell kek touke čilačepen, oun tou shareh man koleske.

Daniel 11:20

Oun pal leste stell i baro ray pre, kova bičrell yekes, te lell lo leske love dren an o raylo them. Oun pal i tikno tsiro denn le les moulo, čorrhanes oun gar an o kourepen.

Haggai 2:8

Ko tselo roup, miro hi lo, ko tselo sonakay – halauter hi miro, penell o baro Devel, ko ray pral o bolepen oun i phoub.

Zakarie 12:8

An ko tsiro rikrell o baro Devel peskre vasta pral i menshende an o foro Yerusalem. Oun i menshe kote sikrenn pen yaake zorelo, te hi i bango yaake zorelo har o David his. Oun i menshe dran o Davideskro kheer djan glan lende, har te djals o Debleskro bolepaskro glan lende.

Hebrearja 11:40

O Debles his an peskro dji i feteder drom menge. Yob kamas gar, te venn kol phoure patsle glan maro tsiro pash leste. Yob kamell, te vas mer lauter khetne pash leste an o bolepen.

2. Petro 3:13

Mende das o Devel peskro lab, te krell lo i nevo bolepen oun i nevi phoub. Kote della bouder kek čilačepen. Ap kova dikah mer.