Jesaja 60:13 - O Debleskro Lab 2024 (Sinte-Manouche)

¹³ Kouč kasht dran o shoukar veesh ap i berge Libanon vell pash toute anlo, te vell miro kheer shoukar kerdo. Oun yaake sikrau, har raylo kay platsa hi, kay tardo hom.

O Debleskro Drom 2021 (Sinte)

¹³ Kutch kasht dran o shukar weesh ap i berge Libanon well pash tute anlo, te well miro kheer shukar kerdo. Un jaake sikrau, har railo kai platsa hi, kai tardo hom.

Jesaja 60:13 ပူးပေါင်းရင်းမြစ်များ

1. Familjakro liil 28:2

Oun o baro ray David stas pre oun penas: “Mire phrala, morshale mire menshendar, shounenn, hoy penau t'menge! An miro dji his, te krap i kheer, kay vell o morhton o deesh labentsa o baro Deblestar dren čiddo, oun kay nay ačell o morhton. Kova hi har i tikno banko tel i pire maro Deblestar. Oun me lom boud koova khetne kava khereske, hoy kamom pre te čivell.

2. Familjakro liil 2:15

Mer kate dah rouka tele ap o Libanon, yaake boud har tou kameh, oun pandah len khetne oun anah len touke ap o baro pani an o foro Yaffa. Foun kotar nay moukeh len tou pral te anell an o foro Yerusalem.

Esra 7:27

Sharedo vell o baro Devel, ko Devel mare phourendar! Yob hi kova, kay čivas sau koova an o rayeskro dji, te nay vell o baro Debleskro kheer an o foro Yerusalem yaake raylo oun shoukar!

Debleskri gili 132:7

Avenn, mer djah an leskro kheer, oun perah tele glan o stamin, kay čivell lo peskre herya pre.

Debleskri gili 96:6

Yob hi bareder har hako vavar. Shoukapen hi troul leste, Leskri zoor oun leskro raylepen venn diklo an leskro kheer.

Debleskri gili 99:5

Hadenn maro baro Debles! Oun perenn ap i phoub glan i beshepaskri, kay yob peskre herya pre čivella. O baro Devel kokres hi o čačo Devel.

Jesaja 35:2

Shoukar har divye bloume vell o them, oun givell oun dell gole i barhtyatar. O baro Devel krell les raylo har i berge Libanon, oun shoukar har i berga Karmel oun i tala Sharon. Oun i menshe dikenn o raylepen o baro Deblestar, ko baro koova, hoy maro Devel kras.

Jesaja 55:13

Kote, kay soubyengre bourra oun soubyengro zenlepen bares van, djan kanna bare zenele rouka pre. Doleske vell o baro Debleskro lab sharedo. Oun kova hi ninna i sikepen, te bistrell kek, te his o baro Devel kova, kay sau koova kras.

Jesaja 60:7

I tsele bakre dran Kedar oun Nebayot venn anlo pash toute, te venn le maredo oun rhačedo o baro Debleske, te dikell lo lačes ap toute. Oun yaake krell o baro Devel peskro raylo kheer gomme shoukeder.

Jesaja 66:1

O baro Devel penell: O bolepen hi miri rayli beshepaskri, oun i phoub i tikno banko, kay me mire herya pre čivau. Havo kheer kamenn t'mer mange pre te čivell, An havo kheer kamenn t'mer, te djivap?

Ezekiel 47:7

Oun har pale vom, dikom kote boud rouka ap kol douy rigya o panyestar.