Jesaja 6:2 - O Debleskro Lab 2024 (Sinte-Manouche)

² Yagengre bolepangre his pral leste tardo, hakenes lendar his shob moussya har čirklengre moussya: douyentsa čakran le pengre yaka, douyentsa čakran le pengre pire oun douyentsa hadan le pen an o bolepen.

O Debleskro Drom 2021 (Sinte)

² Jagengre bolepangre his pral leste tardo, hakenes lendar his shob mussja har tchirklengre mussja: dujentsa tchakran le pengre jaka, dujentsa tchakran le pengre pire un dujentsa hadan le pen an o bolepen.

Jesaja 6:2 ပူးပေါင်းရင်းမြစ်များ

1. Mose 17:3

Koy moukas pes o Abram ap i phoub te perell. Oun o Devel rakras leha oun penas:

1. Rajengro liil 19:13

Har o Eliya kova shounas, čivas lo peskri plaashka glan peskro mouy, djas i kotar glan oun ačas tardo an i voudar an koy grotta. Oun i rakepen vas pash leste, hoy penas: “Hoy kameh tou kate, Eliya?”

1. Rajengro liil 22:19

O Mika penas: “Shoun, hoy o baro Devel penell! Me dikom o baro Debles, har yob beshdo his ap peskri beshepaskri. Oun i tsele bolepangre his pash leste tardo ap leskri čači rig oun ap leskri servi rig.

1. Rajengro liil 6:24

Len his moussya har čirkle. Haki moussi his douy-te-paash metarya bares. Douy moussya bourhles kerdo his khetne panč metarya bourhles yek rigyatar ap i vavar.

1. Rajengro liil 6:27

Oun o Salomo čivas len mashkral an i kouč isema, yek langs i vavar. Oun lengre moussya his yaake bourhles, te djas koy moussi yekestar bis ap koy yek massouri oun koy moussi o vavarestar bis pash koy vavar massouri. Mashkralstounes van i moussya khetne.

1. Rajengro liil 8:7

Kal Keroubim kran pengre moussya bourhles pral koy platsa, kay o morhton tardo his, oun čakran yaake o morhton oun leskre hidjepangre kashta.

Nehemia 9:6

Tou, baro Devel hal kokres o Devel! Tou kral o bolepen oun leskre tsele bolepangre momlia, oun i phoub oun lauter, hoy ap late hi, ninna o baro pani oun lauter, hoy an leste hi. Oun tou kral, te djivell kova lauter. Oun i tsele bolepangre an o bolepen vitsrenn pen tele glan toute.

Hiob 1:6

Oun vas i dives, kote van i tsele bolepangre pash o baro Debleste khetne, oun čivan pen tardo glan leste. Ninna o beng his mashkral lende.

Hiob 15:15

Ninna leskre bolepangren nay patsell lo gar. Oun o bolepen hi gar djoudjo glan leskre yaka.

Hiob 4:18

O Devel nay patsell gar peskre boudepangren an o bolepen. Oun ap leskre bolepangre hatsell lo doosh.

Debleskri gili 103:20

Sharenn o baro Debles, t'mer bolepangre, kay han leskre zorele kourepangre, oun krenn, hoy yob penell, oun shounenn ap leskre laba!

Debleskri gili 104:4

O dourho, hoy phourdell tel o bolepen, hi tiro bičepaskro. Oun i yag hi tiro boudepaskro.

Debleskri gili 18:10

Oun yob tserdas o bolepen ap i rig, oun vas tele. Kali rat his tel leskre herya.

Debleskri gili 89:7

Koon an o bolepen hi yaake har tou, maro baro Devel? Havo Devel nay vell yaake har maro baro Devel?

2. Mose 25:20

Yon hadenn pengre moussya pre, yaake te čakrenn le o pralstouno kotar. Oun lengre shere dikenn pen an. Oun lengre yaka dikenn tele ap o pralstouno kotar.

2. Mose 3:6

Oun pale penas lo ap o Moseste: “Me hom tiro dadeskro Devel, oun o Abrahameskro Devel, oun o Isaakeskro Devel oun o Yakobeskro Devel.” Oun o Mose čivas i diklo glan peskre yaka. Yob daras, te dikell lo ap o Debleste.

2. Mose 37:9

Oun kol bolepangre hadan pengre moussya pre oun čakran lentsa o pralstouno kotar. Oun lengre shere dikan pen an. Oun lengre yaka dikan tella ap o pralstouno kotar.

Jesaja 6:6

Oun yek kol yagengre bolepangrendar vas pash mande. Oun yob las i yagakri forshetta an leskro vast, oun las kolah i kotar kasht, hoy rhačell, o Debleskro rhačepaskri tele.

Ezekiel 1:11

Douy lengre čirklengre moussya his bourhles rikedo oun pre hadedo. Oun i moussi yekestar tapras koy moussi ko vavarestar. Kol douy vavar čirklengre moussyentsa čakran le pen.

Ezekiel 1:24

Har djan le, dan lengre čirklengre moussya yaake bari gole, har i zorele panya gole denn. Koy gole his har i gole o zorelo Deblestar, oun har koy gole kote, kay boud menshe khetne hi, oun har koy gole, hoy boud lourde denn, kay djan an o kourepen. Oun te ačan i bolepangre tardo, palle moukan le pengre čirklengre moussya tele te djal. Oun me shounom i bari gole, hoy vas dran o bolepen pral lende.

Ezekiel 1:4

Oun me dikom i baro zorelo phourdepen, hoy vas foun kotar kay norden hi, oun tradas i bari folka glan peste. Oun yag vas vin, hoy pre oun tele djas. Oun o bolepen koy trouyel his shoukar har o kham. Oun mashkral dren his čomone, hoy dikas vin har sonakay, hoy an i yag thodo vell.

Ezekiel 1:6

Hakenes lendar his star čirklengre moussya oun i shero, kay ap hake star rigya i mouy oun yaka his.

Ezekiel 1:9

Kolentsa tapras yek ap o vavareste. Yon djan khetne ap hake rigya, oun hounte rissran pen gar. Hakeno dikas glan peste.

Ezekiel 10:16

Te djan kol bolepangre, palle djan ninna kol rade pentsa. Oun te kran le pengre čirklengre moussya pre oun bourhlo, te hadenn le pen pre i phoubyatar, palle ačan ninna i rade ap lengri rig.

Ezekiel 10:21

Hakenes lendar his yaka oun i mouy ap hake star rigya leskro sherestar. Oun hakenes his star čirklengre moussya, oun tel kol čirklengre moussya har vals len menshengre vasta.

Daniel 7:10

Oun i lengsti yag das lestar karye vin. Oun leske boudran zerya kope zerya. Oun deesh-zerya kope deesh-zerya his glan leste tardo. Oun i čačepangre raya beshan pen, oun i lila van pre kerdo.

Daniel 9:21

koy vas ap yek kopo ko morsh Gabriel ap čirklengre moussya pash mande dren. Koles dikom an o dikepen ap ko tsiro, kay rati o Debleske i firho anlo vell.

Zakarie 3:4

Oun o bolepaskro penas ap kolende, kay glan leste tardo hi: “Lenn kol čikle koola lestar!” Oun ap o Yeshoua penas lo: “Me lom tiri doosh toutar, oun moukau touke neve koola te rivell.”

Louka 1:10

Oun ap ko tsiro, har rhačras yob ko kasht, hoy shoukar soungella, his boud menshe vin tardo, oun mangan o Debles an.

Hebrearja 1:7

Pral peskre bolepangre penas lo: Yon hi mire boudepangre, sik har i dourho, hoy phourdell pral i phoub, oun zorelo har i yag.

Debleskro tsiro 14:6

Oun me dikom i vavar bolepaskres dour pral ap o bolepen. Kova hounte penas i menshenge o lačo lab, hoy ačella oun gar pre-herella. Yob penas les i tsele menshenge, hoy ap i phoub djivenna, haki natsyona, haki harmenatsyona, hako rakepen, oun an hake themma.

Debleskro tsiro 4:8

Oun hakenes lendar his shob čirklengre moussya. Kolla his dren oun vin pherde yaka. Oun yon givenn o tselo dives oun i tseli rat: Lačo - oun čačo - har kek vavar - hi o Devel, ko ray pral halauter. Hako tsiro djivell lo, kanna, oun an ko tsiro, hoy his, oun hoy vella.

Debleskro tsiro 7:11

Oun i tsele bolepangre his tardo troul o rayeskro beshepaskro oun troul i čačepangre phourende oun troul i star zorele bolepangre. Oun yon vitsran pen glan o rayeskro beshepaskro tele o mouyeha ap i phoub, oun sharan o Debles.

Debleskro tsiro 8:13

Oun me dikom dour pral ap o bolepen i baro čirkles, oun shounom, har yob gole das: Bibarht, bibarht, bibarht! Te phourdenn i vavar triin bolepangre an pengre phourdepangren, palle vella i bari bibarht ap kolende, kay ap i phoub djivenna.