Jesaja 59:18 - O Debleskro Lab 2024 (Sinte-Manouche)

¹⁸ Kolen dell lo pale pal kova, hoy yon kran. Bari rholyah djal lo ap lende. Ninna kolen dell yob pengri phagi, kay djivenn dour krik vergel o baro pani.

O Debleskro Drom 2021 (Sinte)

¹⁸ Kolen dell lo pale pal kowa, hoi jon kran. Bari choljah djal lo ap lende. Ninna kolen dell job pengri phagi, kai djiwenn dur krik wergel o baro pani.

Jesaja 59:18 ပူးပေါင်းရင်းမြစ်များ

Hiob 34:11

Yob dell o menshes ap o shero pale, hoy yob kras, oun yaake, har djivas lo, vell kova ap leste.

Debleskri gili 62:12

Boudeder har yek kopo shounom: O Devel kokres hi zorelo,

Jesaja 1:24

Doleske penell o baro Devel, ko ray pral o bolepen oun i phoub, kay hi o Israeleskro zorelo Devel: Dikenn t'men glan! Me dau t'men pale, hoy ap mande kran, t'men, kay kamenn man gar. Miri bari rholi vell pral t'mende, kay krenn lauter vavarčandes, har me kamau.

Jesaja 35:4

Penenn ap kolende, kolen i dareno dji hi: Avenn zorelo! Oun ma darenn! Dikenn, kote hi t'maro Devel! Yob vell, te dell lo t'men t'maro čačepen oun i phagi kolende, kay kran t'menge čilačepen. Yob vell oun lell t'men dran lengre vasta vin.

Jesaja 40:10

Dikenn, o baro Devel, maro ray, vell bari zoryah. Oun yob hi o ray pral halauter. Kolen, kay yob vin las dran o pandepen, hi pash leste. Ava, kolen, kay yob peske ginas, djan leske glan vin.

Jesaja 49:4

Mange vas kova vavarčandes glan. Oun me penom: Čačepah, his čičeske koy phari boudi, hoy ap mande lom. Dom čičeske miri tseli zoor kolake. Djinau, miro čačepen hi pash o baro Debleste, oun kova, hoy lau koleske, hoy krom, vell miro Deblestar.

Jesaja 63:3

Me stakrom kol drake kokres, oun i menshendar dran vavar themma his kek pash mande. Me stakrom len miri rholyah, ava, bari rholyah stakrom len khetne. Oun lengro rat vas ap mire koola, oun miri baya vas ratlo.

Jesaja 63:6

Oun me stakrom i menshen an vavar themma khetne an miri rholi. Oun yon van mato dran miro rholi. Oun me moukom lengro rat ap i phoub te nashell.

Jesaja 65:6

Dikenn, kova lauter hi pre činlo an i liil glan mande. Oun me rikrau gar miro mouy, bis te dom len ko tselo čilačepen pale, hakeneske ap peskro shero:

Jesaja 65:7

Ko čilačo koova, hoy yon kran, oun ko čilačo koova, hoy lengre phoure kran, penell o baro Devel. Yon rhačran ap i berge vavar deblenge soungepaskro koova, oun koleha anan le ladj ap mande. Yaake dau me kova ap lengre sherya pale, kova lauter, hoy kran le ninna an i phoure tsirya.

Jesaja 66:14

T'mer dikenn kova, oun t'mare djia givenna. Oun t'mer lenn nevi zoor, yaake har o zenlepen, te dell brishin. Oun i menshe dikenn, te hi o baro Debleskri zoor pash peskre boudepangre, oun leskri rholi ap kolende, kay shounenn gar ap leste.

Jesaja 66:15

Dik, o baro Devel vell an i yag, oun leskre vourdya hi har i zorelo phourdepen. Yob dell len lengro čilačepen pale i bari rholyah, oun leskro čingepen hi har yag, kay rhačrell.

Jesaja 66:6

Shounenn i divyi gole dran o foro, i kourepaskri gole dran o Debleskro kheer! Shounenn, o baro Devel rakrell i phagi vin pral kolende, kay rhoyran les!

Jeremia 17:10

Me, o baro Devel prindjrau o mensheskro dji, oun dikau dour dren an kova, hoy an leste hi, oun dau hakeneste pal kova, hoy yob kras.

Jeremia 32:19

Tou leh touke baro koova glan, oun hoy kreh, hi zorelo. Oun tire yakentsa dikeh i tsele dromma i menshendar, te dess hakenes pal kova, har yob djivas oun hoy lo kras.

Jeremia 50:15

Denn i kourepaskri gole haki rigyatar! Dikenn, o foro dell pre! Leskre turme phagenn khetne. Leskre massurya hi tele phagedo. O baro Devel dell o foro Babilon peskri phagi. Denn o foreske halauter pale pale, hoy kava foro ninna kras!

Jeremia 50:29

Kharenn kolen khetne, kay hayvenn pengre bogentsa karye te dell! Yon halauter hounte čivenn pen pre troul o foro Babilon, oun moukenn kekes te nashell peske krik oun djivell! O foro Babilon phourdas pes pre oun hadas pes pral mande, o baro Debleste, kay o Israeleskro čačo Devel hi. Doleske denn o foreske o čilačepen pale pale, hoy lo kras! Yaake har yob ap i vavarende kras, yaake krenn leske ninna!

Ropaskre gilja 4:11

O baro Devel moukas peskri tseli rholi vin te vell. Leskri tseli rholi vas pral lende. Oun an o foro Sion moukas lo i bari yag te vell, te rhačras o foro tele bis ap i telstoune barra.

Ezekiel 23:49

Oun ko vi-ladjedo koova, hoy kran, vell ap t'mende pale. Oun t'mer lenn t'mari phagi koleske, kay mangan i rhorhene deblen an. Palle dikenn oun hayvenn t'mer, te hom me o baro Devel, t'maro ray.

Ezekiel 38:18

Oun an ko tsiro, kay vell o Gog oun perell an o them Israel dren, vell miro rholi pre an mande, penell o baro Devel, maro ray.

Ezekiel 5:13

Te moukom miri tseli rholi ap t'mende vin, oun dom t'men pale, hoy kran, palle djal miri rholi krik, oun hom bouder gar rhoyedo pral t'mende. Oun t'mer djinenn, te homs me, o baro Devel, kay das t'men trad o tselo djiyeha.

Ezekiel 6:12

Kolla, kay an i dour them hi, merenn ap o nasslepen. Oun kolla, kay djivenn an o them Israel oun troul o them trouyel, kolla merenn an o kourepen. Oun kolla, kay pral ačenn, merenn i bokatar. Yaake krau lentsa, bis te miri rholi trouyel hi.

Joel 3:4

Glan te vell o dives o baro Deblestar, ko baro dives, hoy daar oun traash anell, vell o kham kalo, oun o čon lolo har rat.

3. Mose 26:28

palle djau me an rholi ap t'mende, oun dau t'men i phagi hoy hi efta kope phareder har kaya, hoy bis kanna ap t'mende vas.

Nahum 1:2

O baro Devel hi i Devel, kay kamell, te mangenn i menshe kek vavar debles an har les kokres. Leskri rholi vell pral kolende, kay hadenn pen pral leste. Kolen, kay kamenn lestar či te djinell, dell yob i phagi. Oun bistrell gar, hoy yon ap leste kran.

Mateo 16:27

Me hom o Mensheskro Čavo. Oun me vau pale ap i phoub an o raylepen, hoy das man miro dad an o bolepen. Oun mantsa venna mire bolepangre. Oun palle dikau ap hakeneste, hoy yob kras. Oun me dau lačo koova kolen, kay lačo koova kran. Oun me dau i phagi kolen, kay čilačo koova kran.

Louka 19:27

Oun yob penas doureder: Anenn kolen glan mande, kay hi rhoyedo ap mande, oun kay kaman gar, te vap baro ray pral lende, oun denn len glan mire yaka temerl!”

Louka 21:22

An kol divessa vell o Debleskri rholi ap i menshende tele. Palle vell lauter čačo, hoy an o Debleskro lab činlo hi.

Remarja 2:6

Ap ko dives dell lo hakenes pal kova, hoy yob kras.

5. Mose 32:41

Me krau, te činell miro rharo mishto, te vell o čačepen kerdo. Oun me dau o čilačepen ap kolengre sherya pale, kay kouran pen mantsa. Oun miri rholi vell ap kolende, kay hi rhoyedo ap mande rhoyedo.

5. Mose 7:10

Oun kolen, kay kamenn lestar či te djinell, dell lo i phagi, oun marell len sik. Kek tsiro moukell lo pes, te anell lo lenge lengro čilačepen pale ap lengre sherya.

Debleskro tsiro 16:19

Oun o baro foro phagas an triin kotya. Oun i forya an i vavar themma peran khetne. O Devel bistras ko baro foro Babilon gar, oun moukas i menshen kote peskri rholi te piyell har mool.

Debleskro tsiro 19:15

Oun dran leskro mouy vell i rharo vin, hoy lačes činella. Koleha kourell lo pes i menshentsa an i tsele themma, oun vell zorleder har yon. Yob anell len i sasterno vasteha. Yaake har yek i drake paash stakrella, te vell i mool vin, yaake stakrell lo kolen paash, kay gar ap leste shounenna, oun anell i rholi o zorelo Deblestar ap lende.