Jesaja 59:17 - O Debleskro Lab 2024 (Sinte-Manouche)

¹⁷ Oun yaake har rivell i lourdo i sasterno gad an, yaake rivell yob o čačepen an. Oun yaake har i lourdo i sasterni stadi ap peskro shero čivell, yaake čivell yob o kourepaskri barht ap peste. Leskri rholi hi har i plaashka ap leste, te dell lo kolende pengri phagi, kay i vavarenge čilačepen kran.

O Debleskro Drom 2021 (Sinte)

¹⁷ Un jaake har riwell i lurdo i sasterno gad an, jaake riwell job o tchatchepen an. Un jaake har i lurdo i sasterni stadi ap peskro shero tchiwell, jaake tchiwell job o kurepaskri bacht ap peste. Leskri choli hi har i plaashka ap leste, te dell lo kolende pengri phagi, kai i wawarenge tchilatchepen kran.

Jesaja 59:17 ပူးပေါင်းရင်းမြစ်များ

Hiob 29:14

Hako tsiro krom, hoy čačo hi. Oun miro čačepen his ap mande, har te vals lo miro ripen oun miri stadi.

Debleskri gili 69:9

Vom har i gadjo mire phralenge. I čave miri datar prindjrenn man bouder gar.

Debleskri gili 94:1

Baro Devel, tou hal o Devel, kay o čilačepen pale deh kolenge, kay vavaren čilačepen kran. Ab, oun sike tout!

Jesaja 11:5

Hako tsiro krell lo o čačepen. Hako tsiro penell lo, hoy čačo hi. Doleske hi o čačepen troul leste har i pereskri dori troul i ripen.

Jesaja 26:11

Baro Devel, tiro vast hadal dour pre, te dess len trad. Oun yon kamenn gar te dikell. Mouk len dren te dikell, havo kamlepen tout tire menshenge hi, te ladjenn le pen. Rhače len pre an tiri yagakri rholi, kolen kay kamenn tout gar.

Jesaja 37:32

Ava, dran o foro Yerusalem venna pale menshe, kay kolendar venna, kay djido ačan. Oun ap i berga Sion djivenn kolla, kay vin lino van dran o merepen. Yob, o baro Devel, ko ray pral o bolepen oun i phoub, hi, kay kova krell.

Jesaja 42:13

O baro Devel djal vin an o kourepen har i zorelo morsh; oun kourell pes har i kourepaskro, koleskro dji pherdo hi, te djal lo an o marepen. Zoreles dell lo o kourepaskri gole, oun kek daryah djal lo vin ap kolende, kay kourenn pen leha.

Jesaja 51:9

Baro Devel, ste pre, ste pre! Sike tiri zoor! Ste pre har an kol phoure tsirya, har mare phourenge ap i rig val. Hals gar tou kova, kay o baro panyeskro sap, i Rahab, an kotya das?

Jesaja 63:15

Dik dran o bolepen tele, oun dik tele dran tiro raylo kheer! Kay hi tiro kamlepen, hoy menge rhačell? Kay hi tiri zoor? Hi tout bouder kek dji oun kek lačepen menge?

Jesaja 63:2

Hoske hi loles ap tire koola? Oun hoske hi tire koola har yekestar, kay stakrell i drake?

Jesaja 63:3

Me stakrom kol drake kokres, oun i menshendar dran vavar themma his kek pash mande. Me stakrom len miri rholyah, ava, bari rholyah stakrom len khetne. Oun lengro rat vas ap mire koola, oun miri baya vas ratlo.

Jesaja 9:7

O baro Devel rakras o čačepen vin pral o kheer Yakob. Oun leskri rholi peras ap i Israelende.

Ezekiel 5:13

Te moukom miri tseli rholi ap t'mende vin, oun dom t'men pale, hoy kran, palle djal miri rholi krik, oun hom bouder gar rhoyedo pral t'mende. Oun t'mer djinenn, te homs me, o baro Devel, kay das t'men trad o tselo djiyeha.

Zakarie 1:14

Oun kova penas mange, te penap doureder, hoy o baro Devel, ko ray pral o bolepen oun i phoub, penas: “Man hi i baro kamlepen o foreske Yerusalem oun i berga Sion,

Johanni 2:17

Koy vas o Yezouseskre malenge an o shero, hoy an o Debleskro lab činlo hi: Miro kamlepen tiro khereske rhal man pre har i yag.

2. Korintarja 6:7

Mer penah i menshenge o Debleskro čačepen oun rakrah dran leskri zoor. Kova, hoy krah oun rakrah, hi čačo. Yaake hi maro djipen oun maro rakepen har i rharo, koleha i kourepaskro kourell pes peskro rayeske.

Efesarja 6:14

Avenn yaake rido har i kourepaskro, kay djal an o kourepen! Troul leskro per hi i pessi zoreli dori, oun ap leskro beč i sasterno gad. Ap peskre pire rivell lo zorele kirrha. Glan leste rikrell lo i bourhli sasterni patri. Ap leskro shero hidjrell lo i sasterni stadi oun an leskro čačo vast i rharo. Djivenn an o čačepen! Kova hi yaake har te pandan i pessi zoreli dori troul t'maro per. Krenn kova, hoy hi mishto oun lačo! Kova hi har i sasterno gad ap t'maro beč.

Efesarja 6:17

Ma bistrenn, te las t'men o Yezous Kristo dran o čilačepen oun o merepen vin! Kova hi t'menge har i sasterni stadi ap t'maro shero. Lenn ninna o Debleskro lab an t'maro vast. Kova hi har i rharo, hoy dell t'men o Debleskro Dourho.

1. Tessalonikarja 5:8

Mer djivah ap o dives. Doleske das yak, har te djivas! Yaake har i kourepaskro rivell i sasterno gad ap peste, te nay doukrell les kek, yaake rivas mer o patsepen oun o kamlepen ap mende har i ripen. I kourepaskro čivell ninna i sasterni stadi ap peskro shero, te doukrell les kek ap leskro shero. Yaake nay doukrell men kek, te dikah mer ap o Yezous Kristeste, oun djinah zoreles, te lell men o Yezous Kristo dran o čilačepen oun o merepen vin.

2. Tessalonikarja 1:8

oun i yag hi troul lende. Palle vell o Debleskri rholi pral kolende, kay kaman lestar či te djinell, kolla kay shounan gar ap o lačo lab maro rayestar, o Yezousestar, oun kaman gar ap leskro drom te djal.

Hebrearja 10:30

Mer djinah, kay o Devel penas: Me dau len ko čilačepen pale, hoy yon kran. Miri rholi vell ap lende. Oun pale hi činlo: O Devel rakrell o čačepen pral peskre menshende vin.

Debleskro tsiro 19:11

Oun me dikom, har o bolepen pre hi. Oun kote his i parno gray. Oun kova, kay pre beshdo hi, kharella: Morsh labestar, kay rakrell o čačepen. Yob te dell i menshen i phagi oun kourell pes kolentsa, kay čilače hi, djal yob pal o čačepen.