Jesaja 58:7 - O Debleskro Lab 2024 (Sinte-Manouche)

⁷ De koles te rhal, kay bokell! oun le kolen khere pash toute, kay čorvelo hi oun ap o drom djivenn. Te dikeh yekes, koles kek ripya hi, de les koola! Oun ab tiri familyake koy!

O Debleskro Drom 2021 (Sinte)

⁷ De koles te chal, kai bokell! un le kolen khere pash tute, kai tchorwelo hi un ap o drom djiwenn. Te dikeh jekes, koles kek ripja hi, de les koola! Un ab tiri familjake koi!

Jesaja 58:7 ပူးပေါင်းရင်းမြစ်များ

1. Mose 19:14

Koy djas o Lot vin, oun penas ap kol morshende, kay romedinerenn leskre čen: “Stenn pre! Djan sik dran kava foro! O baro Devel kamell lauteren an kava foro temerl dell!” An lengre yaka his yob har yek, kay rakrell narvelo koova.

1. Mose 19:2

Oun penas: “Mire raya, avenn an miro kheer! Me mangau t'men, ačenn i rati pash mande! Thovenn t'mare herya! Oun djan taysarlakro t'maro drom!” “Na-a”, penan le, “mer kamah i tseli rati vin te ačell.”

2. Familjakro liil 28:15

Oun kol morsha, kolengre laba kharedo van, yon dikan pal kol pandlende oun dan kolende, kay či an-ripaske his, koola oun kirrha dran ko koova, hoy i lourde lenge krik lan. Ninna dan le len te rhal oun te piyell. Oun kolenge, kay doukedo his, čivan le djet ap lengro doukepen. Oun hakenes, kay nay nashas bouder gar, beshan le ap i bourika, oun anan len pash pengre menshende an o foro Yericho. Kava foro hi ninna kharedo Palmtikro foro. Palle djan i morsha dran Israel pale khere an o foro Samaria.

Nehemia 5:5

Yon lauter penan: “Mer ham har mare phrala, lengro mass oun rat. Mare čave hi har lengre čave! Oun mer hounte das mare čaven oun čen lende, te venn le lengre boudepangre. Oun mank mare čende hi save, kay van zoryah an-tapedo. Oun mer nay krah či. Oun mari harhetikri phoub oun maro drakengro them hi vavaren.”

Hiob 22:7

Koles, kay troush his, dal kek pani. Koles, kay bokas, dal kek maro.

Debleskri gili 112:9

Yob dell boud i čorvelen. Leskro čačepen ačell hako tsireske. Leskri zoor oun leskro raylepen vell baro.

Gosewe laba 11:17

Kova, kay lačo ap o vavareste hi, krell peske kokres mishto. Kova, kay o vavares doukrell, doukrell pes kokres.

Gosewe laba 22:9

Kova, kay lačes ap i vavarende dikell, dell peskro maro i čorveleste. Ap leste vell barht vi-rakedo.

Gosewe laba 24:11

Dja oun le kolen dran o merepen vin, kay venn pandles ap koy platsa tserdedo, kay venn le maredo. Rike kolen pale, kay koy djan.

Gosewe laba 25:21

Te hi koles bok, kay kamell touke čilačepen, palle de les maro te rhal. Oun te hi les troush, de les pani te piyell!

Gosewe laba 28:27

Kova, kay dell i čorveleste, koles vell doha djipaske. Kova, kay yaake krell, har te dikell lo o čorveles gar, pral koleste rakrenn boud i bibarht vin.

Jesaja 58:10

Tou dess tiro maro koles, kay bokell, oun dess koles, kay les gar doha djipaske hi, lauter, hoy les hounte vell. Palle djal touke o kham pre an o kalepen, kay tou djiveh. Oun tiri rati vell har o mashkral-dives.

Jeremia 22:3

Kova penell o baro Devel: Krenn hakeneske, hoy mishto oun čačo hi! Oun lenn kolen, kay van vi-čoredo dran kol čilačengre vasta vin! Oun lenn či krik kol menshendar, kay hi vi-themarya pash t'mende, vitar gar kol čavendar, kolen kek dad bouder hi, oun kol romyendar, kolengro rom meras. Ma djan zoryah ap yekeste pre! Ma bičrenn kolen an o merepen, kay kek doosh ap lende lan.

Ezekiel 18:16

Kekes rikrell lo zoryah tele. Te hi yekes siyaan pash leste, mangell lo lestar či ko tsireske, kay koles siyaan pash leste hi. Yob lell gar zoryah peske, hoy o vavares hi. Oun dell kolen maro, kolen bok hi, oun koola kolen, kolen či an-ripaske hi.

Ezekiel 18:7

Yob rikrell kekes zoryah tele. Te patsas lo love vin, dell lo kova pale, hoy das les ko čorvelo ko tsireske, kay les siyaan pash leste hi. Yob lell kekestar čomone zoryah peske. Peskro maro dell lo koles, kones bok hi, ninna koola koles, kay kek an-ripaske hi.

Daniel 4:27

kharas lo vin: “Ake, o baro foro Babilon! Me čivom les pre miri bari zoryah, te vell lo miro foro, kay hom baro ray. Lauter, kay dikenn les, sharenn miro raylepen.”

Louka 11:41

Denn i čorvelende kova, hoy t'men an t'mare khore oun čare dren hi! Oun či hi t'menge pale-čiddo.

Louka 19:8

O Zakeo his koy tardo oun penas ap o Yezouseste: “Mo ray, me dau i čorvelende i paash lauterestar, hoy man hi. Oun te rhorhrom yekes, dau les kanna star kope yaake boud pale.”

Louka 3:11

“Te hi yekes douy gada,” penas lo, “mou dell lo yek gad koleste, kones kek hi. Oun kones rhapen hi, kova dell koleste i paash, kones či hi.”

Bičepangre 16:15

Oun yoy moukas pes peskre menshentsa te taufrell, oun mangas men zoreles oun penas: “Te patsenn t'mer, kay me ap o rayeste, o Yezouseste patsau, avenn an miro kheer oun ačenn kote!” Oun yoy mangas men o tselo djiyestar, te vas mer an lakro kheer.

Bičepangre 16:34

Yob las len dren an peskro kheer, das len te rhal oun te piyell, oun his barhtelo peskre tsele menshentsa, kay van yon patslo ap o Debleste.

Remarja 12:13

Denn kol čorvele patslende, hoy len hounte vell djipaske! Kolla, kay pash t'mende venna, kolen lenn an t'mare khera dren, oun denn len te rhal oun te piyell!

5. Mose 22:1

Te nashrell pes i groumni oder i bakro, hoy i vavar Israelitares hi, oun tou dikeh les, palle vess leske ap i rig oun aness les tiro phraleske pale.

1. Timoteo 5:10

Vavar menshe hounte dikenn ap late, te kras li lačo koova, oun te tserdas li peskre čaven mishto pre. Yon hounte dikan, te las li menshen pash peste pre, oun te thovas li i patslenge i herya. Yon hounte dikan, te his li kolenge koy, kolen i pharo djipen hi, oun te kras li hako lačo koova.

Filemon 1:7

Miro phraal! Tiro kamlepen, hoy hi tout i patslenge, kova kras lengre djia zoreles. Oun kova, hoy tou lenge kral, kras man ninna barhteles, oun das man nevi zoor.

Čačepangre 9:2

“Penenn ap i tsele morshende an o foro Sichem: Hoy kamenn t'mer? Hi feteder t'menge, te hi efta-deesh morsha raya pral t'mende, kol tsele čave o Gideonestar? Hi gar feteder, te hi yek morsh ray pral t'mende? Oun ma bistrenn, te hom me t'maro rat oun mass.”