Jesaja 58:10 - O Debleskro Lab 2024 (Sinte-Manouche)

¹⁰ Tou dess tiro maro koles, kay bokell, oun dess koles, kay les gar doha djipaske hi, lauter, hoy les hounte vell. Palle djal touke o kham pre an o kalepen, kay tou djiveh. Oun tiri rati vell har o mashkral-dives.

O Debleskro Drom 2021 (Sinte)

¹⁰ Tu dess tiro maro koles, kai bokell, un dess koles, kai les gar doha djipaske hi, lauter, hoi les hunte well. Palle djal tuke o kham pre an o kalepen, kai tu djiweh. Un tiri rati well har o mashkral-diwes.

Jesaja 58:10 ပူးပေါင်းရင်းမြစ်များ

Hiob 11:17

Oun pral tiro djipen djal o kham pre, oun hi zorelo har mashkral dives. Ninna te hi kanna tamlo, vell i nevo dives.

Hiob 31:31

Na-a, lauter kay pash mande djivenn, djinenn, hakeno, kay pash mande vas, las lačes oun doha te rhal.

Debleskri gili 112:4

Ninna an i kali rat vell i momeli kolenge, kay o čačo drom djan, kolenge, kay hi lačo oun kamlo oun djan pal o čačepen.

Debleskri gili 37:6

Oun yob moukell tiro čačepen pre te djal har o kham, oun moukell tiro čačepen diklo te vell har o kham mashkral o dives.

Debleskri gili 41:1

I gili o rayeske pral i gipangre. O David kras kay gili.

Gosewe laba 14:31

Koon zoryah i čorveles tele rikrell, kova praasell koles, kay o čorveles kras. Kones leske i baro dji hi, sharell o Debles.

Gosewe laba 28:27

Kova, kay dell i čorveleste, koles vell doha djipaske. Kova, kay yaake krell, har te dikell lo o čorveles gar, pral koleste rakrenn boud i bibarht vin.

Jesaja 29:18

Ap ko dives shounenn kolla, kay nay shounenn gar, i laba dran i liil. Oun i korele nay dikenn oun djivenn bouder gar an o kalepen oun an i rat.

Jesaja 42:16

Mire menshen, kay hi har korele, sikrau i drom, kolestar yon či djinenn. Oun anau len ap dromma, kolendar yon či shounan. Yon djivenn har an kali rat, oun me lau o tamlepen glan lende krik. Oun kol barra, hoy ap lengro drom čiddo hi, lau krik. Kava krau lenge, oun moukau len gar.

Jesaja 60:2

Dik, kalepen čakrell i phoub oun tamlepen i vavar themma, pral toute stell o baro Devel pre, oun leskro raylepen moukell pes pral toute te dikell.

Ezekiel 18:16

Kekes rikrell lo zoryah tele. Te hi yekes siyaan pash leste, mangell lo lestar či ko tsireske, kay koles siyaan pash leste hi. Yob lell gar zoryah peske, hoy o vavares hi. Oun dell kolen maro, kolen bok hi, oun koola kolen, kolen či an-ripaske hi.

Zakarie 14:7

Hi yek dives, – o baro Devel prindjrell les. Pal o dives vell kek rat. An ko tsiro, kay rati hounte vals, vell gar tamlo.

Zakarie 6:15

Dran dour themma venna kolla, kay krenn o baro Debleskro kheer. Oun palle dikenn t'mer, kay o baro Devel, ko ray pral o bolepen oun i phoub, kova hi, kay bičras man pash t'mende. Te krenn t'mer kova, hoy t'maro baro Devel t'menge penell, vella kova halauter yaake.

Louka 18:22

Har o Yezous kova shounas, penas lo ap leste: “Yek hounte kress tou boudeder. Bike lauter, hoy tout hi, oun de kol love i čorvelende! Palle hi tout i bravlepen an o bolepen. Oun am oun dja mantsa!”

5. Mose 15:4

Te shounenn t'mer ap t'maro baro Debleste oun djivenn pal kol tsele laba, hoy me t'menge kava dives penau, palle vell kek čorvelo mank t'mende. T'maro baro Devel čivell peskri barht ap t'mende an ko them, hoy yob t'men dell.