Jesaja 57:19 - O Debleskro Lab 2024 (Sinte-Manouche)

¹⁹ čivau i gili an lengro mouy, kolah sharenn le man. Kolenge, kay dour krik hi, ninna kolenge kay gar dour hi, lenge halauterenge mou djal mishto, penell o baro Devel. Me krau len sasto.

O Debleskro Drom 2021 (Sinte)

¹⁹ tchiwau i gili an lengro mui, kolah sharenn le man. Kolenge, kai dur krik hi, ninna kolenge kai gar dur hi, lenge halauterenge mu djal mishto, penell o baro Dewel. Me krau len sasto.

Jesaja 57:19 ပူးပေါင်းရင်းမြစ်များ

Jesaja 26:12

Baro Devel, le o kourepen krik, te djal menge mishto! Lauter hoy kram, kral tou menge.

Jesaja 26:3

Baro Devel, tou rikreh tire vasta pral kolende, kay moukenn pen gar toutar krik te tserdell, oun deh len shoukapen an o dji. Ap toute rikrenn le pen.

Jesaja 32:17

Oun kote, kay o čačepen khere hi, oun i menshe pal o Debleskre čačepaskre laba djivenn, kote hi kek kourepen oun kek čingepen. Oun kekes hounte vell daar. Yaake ačell kova hako tsireske.

Jesaja 50:4

O baro Devel, miro ray, das man i čip har i siklen yek hi, te djinap, har te rakrap lačes kolentsa, kay khino hi. Taysarlakro djangrell lo mire kanna pre, te shounap har yek, hoy lestar siklo vell.

Jesaja 51:16

Oun me čivom mire laba an tiro mouy, oun rikrau mire vasta pral toute. Me hom kova, kay krom o bolepen bourhles pral i phoub oun čivom i phoub pre. Oun me penau ap i menshende an o foro Sion: Mire menshe han t'mer!

Jesaja 59:21

Kava krau me lentsa vin, penell o baro Devel: Me čivom miro dourho ap t'mende. Oun mire laba, hoy penom t'menge, ačenn pash t'mende. Oun t'mer penenn len doureder ap t'mare čavende, oun yon ap pengre čavende, oun kolla ap pengre čavende. Kova ačella yaake kanna oun hako tsireske. Kova penau me, o baro Devel,

Jesaja 6:7

Oun ko kasht, hoy rhačell, rikras lo ap miro mouy, oun penas: “Dik kava vas ap tiro mouy, oun yaake hounte djas tiri doosh toutar krik, oun ko čilačepen, hoy tou kral, hi toutar krik lino.”

Jeremia 30:17

Tout oun tiro doukepen krau me pale sasto, penell o baro Devel, ninna te penenn le ap toute o praasedo them un: o foro Sion, pal koleste kek poučella.

Jeremia 33:6

Kanna shoun, me kamau kava foro pale zoreles te krell, oun leskro doukepen sasto te krell, te djal leskre menshenge mishto, oun te nay djivenn le kek daryah.

Hosea 14:2

Tou Israel, dja pale pash o baro Debleste, ko tiro Devel hi! Koy doosh, hoy ap toute anal, moukas tout an i bibarht te perell.

Hosea 14:5

Yaake penell o baro Devel: Me anau mire menshen pale ap miro drom, kay le tele peran. Me kamau len o djiyestar, oun hom bouder gar rhoyedo ap lende.

Zefanja 3:9

Pal kova dau i menshen an i vavar themma djoudje mouya, te kharenn le halauter o baro Debleskro lab an, oun mangenn les khetne an.

Zakarie 9:10

O baro Devel penell: Me lau i kourepangre vourdya krik dran o them Israel, oun i kourepangre graya dran Yerusalem. Oun i kourepangre boge venn phagedo. T'maro baro ray lell o čingepen krik mank i natsyone. Yob hi o ray foun yek baro panyestar bis ap o vavar, foun o panyestar Eufrat bis an i doureder themma ap i tseli phoub.

Mateo 10:13

Oun yon te lenn t'men an lengro kheer dren, palle vell o Debleskri barht ap lende. Yon te lenn t'men gar an lengro kheer dren, palle vell o Debleskri barht gar ap lende.

Markus 16:15

Oun yob penas ap lende: “Djan pash i tsele menshende ap i phoub oun sikrenn hakeneste miro drom!”

Louka 2:14

“Baro hi o Debleskro raylepen an o bolepen! O Debleskri barht vell ap i phoub. Yob dikell lačes ap i menshende.”

Louka 21:15

Me dau t'men ko gosvepen, oun penau t'menge, hoy t'mer hounte penenn. Oun palle djinenn le bouder gar, hoy te penenn le.

Bičepangre 10:36

Yob moukas i biboldenge o lačo lab te penell, te hi o Yezous Kristo kova, kay anell len pash o Debleste. Yob hi gar lengro ray kokres, na-a, yob hi o ray pral halauter.

Bičepangre 2:39

O Devel penas, te dell lo peskro Dourho t'mende, oun t'mare čavende, ninna kolende lauterende, kay kanna dour lestar hi, oun kay yob pash peste gole della.”

Efesarja 2:13

Ap ko tsiro hans t'mer dour o Deblestar. Kanna prindjrenn les. O Yezous Kristo anas t'men ap peskro drom, har yob ap o troushel peskro rat t'menge ratas.

Efesarja 6:19

Mangenn mange ninna, te dell o Devel man i čače laba, oun te darap gar i menshendar, te sikrap lende o Debleskro drom oun penap lenge kova, hoy djinenn le gar.

Hebrearja 13:15

Dran kova parkras men pash o Debleste, sharas les hako tsiro, oun kras o Yezouseskro lab bares.