Jesaja 57:16 - O Debleskro Lab 2024 (Sinte-Manouche)

¹⁶ Kamau gar hako tsiro pral i menshende te čingrell oun man rhoyrell. te merenn le gar lauter glan mande, kol menshe, kolen me krom.

O Debleskro Drom 2021 (Sinte)

¹⁶ Kamau gar hako tsiro pral i menshende te tchingrell un man choirell. te merenn le gar lauter glan mande, kol menshe, kolen me krom.

Jesaja 57:16 ပူးပေါင်းရင်းမြစ်များ

1. Mose 6:3

Koy penas o baro Devel: “Miro djipaskro dourho ačell gar hako tsiro an o mensheste. Yob hi mass. Yob vell gar phoureder har 120 (sheel-te-biish) bersha.”

2. Samuel 24:16

Har sikras ko bolepaskro peskro vasteha ap o foro Yerusalem, te vell ko nasslepen koy, khaytas o baro Debles koy bibarht. Oun yob penas ap ko bolepaskro, kay anas o merepen pral i menshende: “Kanna hi doha! Le tiro vast lendar krik!” O Debleskro bolepaskro his tardo ap koy djobeskri platsa o morshestar Arauna. Kova his i Yebousari.

Hiob 12:10

An leskro vast hi o djipen halauterestar, hoy djivella, ninna o djipaskro dourho i tsele menshendar!

Debleskri gili 85:5

Maro Devel, kay tou lauter menge mishto kreh, ab ninna kanna ap mari rig! Mouk tele tiri rholyatar, hoy tout ap mende hi!

Sikepaskro 12:7

O mensho vell pale phoub, kolatar yob kerdo vas. Oun o dourho hounte djal pale pash o Debleste, kay das o dourhes o mensheste.

Jesaja 27:8

Na-a, yob das len lengri phagi, har yob len pestar krik bičras. Dran lengro them van le krik tradedo har i zorelo dourheha, hoy kotar phourdell, kay o kham pre djal.

Jesaja 30:18

Doleske dikell o baro Devel ap ko dives, kay nay vell lo t'menge pale lačes, oun te nay krell lo peskro dji t'menge pre. O baro Devel hi i Devel, kay hako tsiro o čačepen krell. Barhtelo hi hakeno, kay ap leste dikell.

Jesaja 42:5

O baro Devel hi maro ray, kova, kay o bolepen kras, oun har i plarhta bourhles kras. Ninna i phoub kras lo, oun lauter hoy li vin anell. Oun i menshen ap late dell lo o dourho, oun djipen kolende, kay ap late djivenn. Yob penell:

Jesaja 64:8

Baro Devel, mouk tiri rholi gar yaake bares te vell, te bistress mari doosh gar bouder. Dik ap mende, mangah tout, tire menshe ham halauter.

Jeremia 10:24

Baro Devel, de man i phagi an o čačepen, oun gar an tiri rholi, te maress man gar!

Jeremia 3:5

Kameh tou hako tsiro rhoyedo ačell oun čilačes ap mande te dikell? Yaake rakreh oun kreh čilačepen, oun moukeh touke či te penell.

Jeremia 38:16

Kote das pes o baro ray Sedekya čorrhanes sovel oun penas: Glan o djido Debleste, kay men maro djipen das, penau touke: Me moukau tout gar te marell, oun me dau tout vitar gar an o vast kol morshendar, kay kamenn tout te marell.

Ezekiel 18:4

Djinenn, man hi o djipen hakenestar an miro vast – o dadeskro djipen yaake har o čaveskro djipen. Kokres kova, kay anell doosh ap peste, hounte merell.

Amos 1:11

O baro Devel penell: I menshe an o them Edom kran pale te pale djoungelo koova. Lengre phralen, i Israelitaryen lan le palla o rhareha, oun len his kek dji lenge. Hako tsiro hi le rhoyedo ap lende oun moukenn gar tele lengri rholyah. Doleske lenn le pengri phagi, oun khaytenn man gar.

Micha 7:18

Kek Devel hi har tou, kay lell o čilačepen krik, hoy mer kram, oun kay bistrell koy doosh, hoy anam ap mende – mer, kay tire menshendar pral ačam. Tou ačeh gar rhoyedo pral mende hako tsiro, oun kreh tiro dji pre menge.

Zakarie 12:1

Kava hi o lab, hoy penas o baro Devel pral o Israel: Kova penell o baro Devel, kay kras o bolepen bourhlo oun čivas i phoub zoreles tardo, oun das o menshes o dourho.

4. Mose 16:22

Kol douy moukan pen ap pengro mouy te perell, oun penan: “Ah Devel, tou hal o Devel, kay das hakenes o djipen! Te kras yek morsh i čilačo koova, kameh tou doleske tiri rholi pral i tsele menshende te čivell?”

Hebrearja 12:9

Har čave hams, dan men mare dada i phagi. Oun mer hounte shounam ap lende. Kitse boudeder hounte shounas ap maro dadeste an o bolepen, te djivas.