Jesaja 57:15 - O Debleskro Lab 2024 (Sinte-Manouche)

¹⁵ Me, o pralstouno, kay hadedo hom, oun hako tsiro djivau, oun kokres o čačo Devel hom, penau: Me djivau an o pralstunepen an miro bolepaskro kheer, oun ninna pash o mensheste, kay i phagedo oun tele-rikedo dji an leste hi, te dap pale zoor koleste, kay tele rikedo hi, oun moukap koles pre te djivell, koleskro dji phagedo hi.

O Debleskro Drom 2021 (Sinte)

¹⁵ Me, o pralstuno, kai hadedo hom, un hako tsiro djiwau, un kokres o tchatcho Dewel hom, penau: Me djiwau an o pralstunepen an miro bolepaskro kheer, un ninna pash o mensheste, kai i phagedo un tele-rikedo dji an leste hi, te dap pale soor koleste, kai tele rikedo hi, un mukap koles pre te djiwell, koleskro dji phagedo hi.

Jesaja 57:15 ပူးပေါင်းရင်းမြစ်များ

1. Mose 21:33

O Abraham čivas i rouk an i phoub an Beersheba. Oun kote mangas yob o baro Debles an, ko Debles, kay hako tsiro koy hi.

1. Rajengro liil 8:27

Nay vell čačo, kay o Devel kamell te djivell ap i phoub? O tselo bolepen hi gar bares doha leske. Har nay krals kova kava kheer, hoy me moukom te krell?

2. Familjakro liil 34:27

Oun kral tiro dji lenge pre. Oun kral tout tiknes glan o baro Debleste, har tou shounal, hoy me penom pral kava foro oun kol menshende, kay kate djivenna, oun kral tire koola paash, kay ap toute his, oun roval glan mande. Doleske shounom me tout ninna, penell o baro Devel.

Hiob 22:29

Ap kolende, kay hounte djan i telstouno drom, peneh tou: Stenn pre! Oun o Devel hadell koles pale pre, kay hidjrell peskre yaka gar pre.

Hiob 6:10

Kova krals koy douk an miro dji tikneder. An mire tsele bare douka djinau, te krom hako tsiro, hoy o Devel mange penas.

Debleskri gili 111:9

O baro Devel las peskre menshen vin dran i čilače vasta, oun kras lentsa vin, te venn le leskre menshe hako tsiro. Yob kokres hi lengro Devel. Baro hi lo!

Debleskri gili 115:3

Maro Devel hi an o bolepen, oun yob nay krell lauter, hoy lo kamella.

Debleskri gili 123:1

I gili te givell ap o drom an Yerusalem. Ap toute dikau pre, kay tou an o bolepen khere hal.

Debleskri gili 138:6

Ava, ninna te hal yaake dour pral halauter, dikeh tou kolen, kay tele rikede hi. Oun kol pre-phourden prindjreh foun doural.

Debleskri gili 138:7

Ninna te hom an i daar, deh tou man nevi zoor, oun čiveh tout kolenge an o drom, kay kamenn mange čilačepen te krell. Tiri zoryah veh tou ap miri rig.

Debleskri gili 147:3

Kolen, kay lengro dji phagedo hi, krell lo pale sasto, oun kolenge, kay doukedo hi, čivell lo i pandepen pre.

Debleskri gili 34:18

Te denn kolla ap leste gole, kay rikrenn ap leste, palle shounell len o baro Devel, oun lell len vin dran lengri tseli bibarht.

Debleskri gili 34:19

O baro Devel hi pash kolende, kay lengro dji phagedo hi. Oun kolenge, kay dikenn bouder kek momeli an pengro djipen, hi lo ap i rig tardo.

Debleskri gili 51:17

Baro Devel, kre miro mouy pre, te rakrap, hoy sharell tout!

Debleskri gili 51:19

Kova, hoy tou kameh te vell touke anlo, hi i phagedo dji. Ap i mensheste, kay rovell pral peskri doosh, dikeh tou, miro Devel, lačes.

Debleskri gili 83:18

An ladj oun traash ap lende hako tsireske, te merenn le an i ladj.

Debleskri gili 90:2

Glan i berge kerdo van, oun tou i phoub kral, hals tou, o Devel, koy. Oun tou ačeh hake tsirya.

Debleskri gili 93:2

Baro Devel, yaake rah har o bolepen oun i phoub koy hi, hal tou o baro ray. Glan hako tsiro hals tou koy.

Debleskri gili 97:9

Tou, baro Devel, hal o pralstouno pral i tseli phoub. Tou hal bareder har i tsele debla.

Debleskri gili 99:3

Mou hadenn le lauter tiro baro oun raylo lab! Tou kokres hal o čačo Devel.

2. Mose 15:11

Kek hi yaake har tou, o baro Devel. Kek hi yaake har tou mank lauterende, kay kharenn pen Devel! Tou hal o čačo Devel, oun kek vavar hi yaake zorelo har tou! Tou kral dareno koova, hoy kek vavar nay krella.

2. Mose 15:13

Tire menshenge kamlo hal, kolenge, kay tou i zoryah vin lal oun ap i lačo drom anal, hoy pash tiro Debleskro kheer djal.

2. Mose 15:18

O baro Devel hi o baro ray kanna oun hako tsireske.

2. Mose 40:34

Koy vas i folka ap o Debleskro plarhteno kheer. Oun o kheer vas pherdo raylepen o baro Deblestar.

2. Mose 40:35

Oun har i folka pral o kheer ačas oun o kheer pherdo raylepen o baro Deblestar his, nay djas o Mose gar dren.

Gosewe laba 16:19

Hi feteder te veh gar an-diklo oun djiveh i čorvelentsa, har te vess yek kolendar, kolen i baro mouy hi, oun djiveh foun lengro čoredo koova.

Gosewe laba 8:23

Me homs koy glan hako tsiro, har i phoub gomme gar kerdo vas.

Jesaja 18:4

O baro Devel penas ap mande: Foun pral dran miro kheer lau an i yak, hoy djala ap i phoub, oun ačau pokones har o tatepen mashkral o dives, oun har i sapeni folka an o tato tsiro, kay o djob dren anlo vell.

Jesaja 33:5

Sharedo pral halauter hi o baro Devel. Pral an o bolepen djivell lo. Oun ap i berga Sion krell yob o čačepen vin, te lell hakeno peskro čačepen.

Jesaja 40:28

Hayvan t'mer gar? Shounan t'mer gar? O baro Devel hi i Devel kay ačell hako tsireske. Yob kras i tseli phoub. Khino vell lo gar, oun lestar djal i zoor gar krik. Leskro gosvepen hi yaake baro, te nay hatsell les kek vin.

Jesaja 52:13

Dik, kova, hoy miro boudepaskro krell, djal leske mishto. Yob vell sharedo oun bares kerdo, oun vell dour pral tardo.

Jesaja 6:1

An ko bersh. kay o baro ray Usiya meras, kote dikom me o Debles, maro rayes, beshdo ap i bari rayli beshepaskri. Oun o Debleskro kheer his pherdo ko telstouno kotar leskri plaashka.

Jesaja 6:3

Oun yek das ap o vavareste gole oun penas: Lačo - oun čačo - har kek vavar - hi o baro Devel, ko ray pral o bolepen oun i phoub. I tseli phoub hi pherdo leskro raylepen!

Jesaja 63:15

Dik dran o bolepen tele, oun dik tele dran tiro raylo kheer! Kay hi tiro kamlepen, hoy menge rhačell? Kay hi tiri zoor? Hi tout bouder kek dji oun kek lačepen menge?

Jeremia 10:10

O baro Devel hi o čačo Devel, ko djido Devel, kay hako tsireske o baro ray ačell. Te vell yob rhoyedo, trissell i phoub, oun i menshe nay rikrenn leskri rholi gar vin.

Ropaskre gilja 3:41

Hadas mare djia, ninna mare vasta pre o Debleske an o bolepen!

Ezekiel 16:63

Me lau tiri tseli doosh toutar krik, hoy ap toute anal. Te vell touke palle tiro phouro djipen an o shero, ladjeh tou, oun nay kreh tiro mouy bouder gar pre i ladjatar. Kava penau me, o baro Devel, tiro ray.

Ezekiel 9:4

oun penas ap leste: An o foro Yerusalem hi gomme menshe, kolengro dji rovell oun dell gole pral kava boud djoungelo koova, hoy kate kerdo vell. Dja an o tselo foro trouyel, oun kre i sikepen glan ap kolengre sherya.

Daniel 2:11

Kova, hoy tou, baro ray, kay kameh, hi yaake pharo, te nay penell kova kek, kokres i debla. Oun kolla djivenn gar pash i menshende.”

Daniel 4:17

Ko rouk, koles tou dikal, kova, kay baro oun zorelo vas, – yaake baro, te djas lo bis ap o bolepen, oun koles hakeno nay dikas, kay lo ninna his ap kay phoub,

Daniel 4:34

Me, o Neboukadnezar parkrau man pash o bolepaskro rayeste oun hadau les oun sharau les. Lauter, hoy yob krell oun kras, hi mishto. Oun leskre dromma hi čačo. Oun kolen, kay pen bares krenn, nay krell lo tiknes.”

Joel 2:13

Tserdenn t'mare djia an kotya oun gar t'mare ripya!” Oun djan pale pash t'maro baro Debleste! Les hi i baro dji, pherdo kamlepen. Yob vell gar sik rhoyedo. Leskro lačepen hi baro. Oun koy phagi, hoy kamas lo te dell, lell lo pale.

Micha 5:2

Yek tsiro dell o baro Devel peskre menshen an i vasta vavar menshendar, bis te vell ko dives, kay anell i djouvel ko čaves ab i phoub. Palle venn leskre phrala, kay pral ačan, pale an pengro them pash i vavar Israelitarya.

Micha 6:8

Na-a, o baro Devel penas menge, hoy lačo hi, oun hoy lo mendar kamella: Kova hi: Rike tout ap o čačepen, ab lačes ap o vavareste, oun dja o tselo djiyestar tiro Debleha!

Zakarie 2:13

Denn garda! Me dau len trad miro vasteha, te venn le čoredo kolendar, kay hounte boudran lenge.” Palle dikenn t'mer, kay o baro Devel, ko ray pral o bolepen oun i phoub, kova hi, kay bičras man.

Zakarie 9:9

Ab barhtelo, tou foro Sion! Denn gole i barhtyatar, t'mer menshe an Yerusalem! Dikenn, t'maro baro ray vella pash t'mende! Yob anell o čačepen, oun vell ap t'mari rig. Yob krell pes gar bares, oun klissell ap i bourika, ava, ap i terni bourika.

Mateo 6:9

T'mer te rakrenn o Debleha, penenn: Maro dad an o bolepen. Tiro lab vell sharedo!

Louka 1:49

Baro koova kras yob ap mande. Les hi i tseli zoor, oun leskro lab hi bareder har hako vavar lab.

Louka 4:18

O Debleskro Dourho hi ap mande. Yob rodas man vin, te penap i čorvelenge o Debleskro lačo lab. Oun yob bičras man, te penap kolenge, hoy stilde hi, te venn le dran lengro stilepen vin, oun kolenge, kay korelo hi, te dikenn le pale, oun kolenge, kay pale-čiddo hi, te venn le pale erligo,

Bičepangre 3:14

T'mer dan koles bourhoste, kay vas o Deblestar, oun kay his kek čilačepen an leste. Oun t'mer mangan o Pilatestar, te moukell lo koles dran o stilepen te djal, kay maras yekes.

Remarja 1:20

Ninna te dikenn le o Debles gar, nay dikenn le leskri bari zoor an halauter, hoy yob kras. Kova vell diklo yaake rah har i phoub tardo hi. Yon nay djinenn, te hi i Devel koy, oun nay penenn gar: “Mer djinam kova gar.”

2. Korintarja 1:4

Ninna te vell boud pharo koova ap mende, hi lo pash mende oun krell mare djia zoreles, te penas mer kolenge lače laba, ap kolende ninna pharo koova vella, te venn yon pale zoreles, yaake har kras o Devel mare djia zoreles.

2. Korintarja 2:7

Kanna hounte bistrenn ko koova, hoy yob kras. Rakrenn lačes leha, te vell leske gar bouder ropaske.

2. Korintarja 7:6

Kolen bouder kek zoor hi, kolen dell o Devel nevi zoor. Oun yob das men nevi zoor an o dji, har vas o Tito pash mende.

5. Mose 33:27

Hako tsiro his lo koy. Pash leste nay khatreh tout. Hako tsiro rikrell lo peskre moussya pral toute. Yob tradas kolen glan toute vin, kay kouran pen touha, oun penas touke: Mare len!

1. Timoteo 1:17

Me sharau o Debles, koles, kay hako tsiro o baro ray hi; kova, kay merella gar, oun kay nay dikell les kek. Kova kokres hi o Devel. Leskro raylepen ačell hako tsireske. Amen.

1. Timoteo 6:16

Yob nay merell gar. Yob djivell kote, kay i momeli yaake zorelo hi, kay kek nay dren djala. O Debles dikas kek mensho, oun kek mensho nay dikell les. Koles vell o tselo raylepen oun i tseli zoor!

Hebrearja 9:14

kitse zorleder hi o Yezous Kristeskro rat. O Debleskro Dourho, kay djivella hako tsiro, das o Yezous Kristeste i zoor, te nay das lo peskro djipen an o merepen. Oun yob meras o Debleske yaake har i bakro, ap koleste kek doosh hi. Kova kras lo, te lell lo mari doosh mendar, yaake te djivas mer bouder gar pal kol laba, hoy či moldo hi oun i menshe an o merepen anenna. Kanna hi maro dji djoudjo, oun mer nay vah čačepah o djido Debleske koy.

Jakobo 4:6

Oun ninna boudeder lačepen kamell men o Devel te dell. An o Debleskro lab hi činlo: Kolla, kay krenn pen bares, kolen bičrell yob pestar. Oun kolen, kay krenn pen gar bares, kolen dell yob boud lačepen.

1. Petro 5:5

Kol terne menshenge penau me: Krenn kova, hoy kol phoureder phrala t'menge penenna! Hakeneske penau: Kek te krell, har te vell lo bareder har ko vavar! O Devel hi gar ap i rig kolendar, kay krenn pen bares. Na-a, yob hi lačes kolenge, kay krenn pen gar bares.

Debleskro tsiro 15:4

Toutar darella hakeno, tiro labestar penenn le: Har baro oun shoukar hi lo! Maro ray, o baro Devel hal tou. Kek vavar hi yaake har tou. I raya venna dran hake themma; glan toute vitsrenn le pen tele, te sharenn le tout. Lauter dikan, har pal o čačepen tou djal, har tou i menshende lengri phagi dal.

Debleskro tsiro 3:7

“Čin kava liil ap o Debleskro boudepaskro, kay dell yak ap i patslende an o foro Filadelfia: Kava penell o Debleskro čačepaskro. Koles hi o Davideskro klidepaskro an o vast. Yob te krell o voudar pre, palle nay krell les kek pale pandlo. Yob te krell o voudar pandlo, palle nay krell les kek pre.

Debleskro tsiro 4:8

Oun hakenes lendar his shob čirklengre moussya. Kolla his dren oun vin pherde yaka. Oun yon givenn o tselo dives oun i tseli rat: Lačo - oun čačo - har kek vavar - hi o Devel, ko ray pral halauter. Hako tsiro djivell lo, kanna, oun an ko tsiro, hoy his, oun hoy vella.

1. Samuel 2:2

Kek hi yaake baro oun čačo har o baro Devel. Dell kek vavar Devel har yob. Ap kekeste nay rikrah men har ap maro Debleste.