Jesaja 57:13 - O Debleskro Lab 2024 (Sinte-Manouche)

¹³ Te deh tou palle gole, mou venn yon ap tiri rig – tire tsele rhorhene debla! I phourdepen hadell len lauter krik. I tikno dourho phourdell len trouyel. Kolla, kay rikrenn pen ap mande, lenn o them, te vell lo lengro, oun djivenn ap miri berga, kay an-mangedo vau.

O Debleskro Drom 2021 (Sinte)

¹³ Te deh tu palle gole, mu wenn jon ap tiri rig – tire tsele chochene debla! I phurdepen hadell len lauter krik. I tikno ducho phurdell len trujel. Kolla, kai rikrenn pen ap mande, lenn o them, te well lo lengro, un djiwenn ap miri berga, kai an-mangedo wau.

Jesaja 57:13 ပူးပေါင်းရင်းမြစ်များ

2. Rajengro liil 3:13

O Elisa penas ap o baro ray pral Israel: “Hoy djah tou man an? Dja pash kol Debleskre rakepangre, kolendar tiro dad oun tiri day i lab poučan!” “Na-a”, penas o baro ray pral Israel ap leste, “o baro Devel das men triin rayen kay gole, te dell lo men an kol vasta i menshendar Moab.”

Hiob 21:18

oun phourdas les krik, har phourdell i dourho o phouss krik, oun har hidjrell i zorelo phourdepen o čik krik.

Debleskri gili 1:4

Yaake hi i čilačentsa gar. Yon hi har čik, hoy i dourho krik phourdell.

Debleskri gili 118:8

Hi feteder te rikras men ap o baro Debleste, har te rikras men ap i menshende.

Debleskri gili 125:1

I gili te givell ap o drom an Yerusalem. Kolla, hoy ap o baro Debleste patsenna, hi har i berga Sion, hoy zoreles tardo hi, oun ačell hake tsirenge.

Debleskri gili 37:11

I čorvele lenn ko them. Kote hi len boudeder barht har doha.

Debleskri gili 37:22

Kol menshe, ap kolende o baro Devel peskri barht čivas, lenn ko them. Kolla, ap kolende o baro Devel i bibarht čivas, kolendar ačell kek.

Debleskri gili 37:29

Kolla, kay an o čačepen tardo hi, lenn o them, oun djivenn kote hako tsireske.

Debleskri gili 37:3

Dik ap o baro Debleste, te krell lo touke lačepen! Oun kre, hoy mishto hi! Ač an o them, oun djib kolestar, hoy tire vastentsa boudral!

Debleskri gili 37:34

Dik ap o baro Debleste, te vell lo ap tiri rig! Oun ač ap leskro drom! Palle hadell lo tout oun dell tout ko them. Oun tou dikeh, har venn i čilače maredo.

Debleskri gili 37:9

I tsiro vella, kay hi bouder kek čilače ap kay phoub. Kolla, kay ap o baro Debleste dikenna, te vell leskro tsiro, kolenge hi palle o them.

Debleskri gili 58:9

Yaake har i momeli tele rhačrell, oun bouder gar koy hi, oun yaake har i ternepen, hoy moulo boldo vell oun o kham gar dikas, yaake te ačenn yon vitar gar.

Debleskri gili 84:12

Maro baro Devel hi o kham maro djipaske. Yob rikrell peskre vasta pral mende. O baro Devel dell men lačepen oun raylepen. Kolen, kay o djiyestar ap leste shounenna, dell lo hako lačepen, hoy len hounte vella.

Gosewe laba 28:25

Kova, kay bokell pal i love, savo anell čingepen pre. Kova, kay rikrell pes ap o baro Debleste, lell boudeder har doha te rhal.

Jesaja 11:9

Ap o Debleskri berga Sion krell bouder kek čilačo koova, vitar gar doukrell yek i vavares. Yaake har o baro pani pherdo pani hi, yaake vell i tseli phoub pherde menshe, kay prindjrenn o baro Debles.

Jesaja 14:32

Hoy hounte penas kolenge, kay i Filistarendar bičedo van? Penenn lenge: O baro Devel čivas o foro Sion zoreles pre. Oun kate nay khatrenn pen peskre čorvele menshe kek daryah.

Jesaja 25:4

Čačepah, tou val o čorveleske har i zorelo kheer, kay yob pes nay khatrell. Te krenn le leske o djipen phares, nay vell lo pash toute. Tou hal har i kheer, kay nay khatrell yek pes, te dell baro brishin, oun te rhačell o kham tele. Kol pralstoune, kay zoryah ap mende djan, hi har i baro phourdepen, hoy phourdell an o vend,

Jesaja 40:24

Yon hi har djoba, hoy an i phoub vitsedo hi. Yaake sik har i drab lendar vin djal, phourdell i dourho pral lende, te venn le trouk. Oun i baro phourdepen phourdell len krik har phouss.

Jesaja 41:16

Tou vitsreh len pre, oun i dourho hidjrell len krik, oun i phourdepen phourdell len kate te kote. Palle veh barhtelo pral tiro baro Debleste, oun shareh tout tiro Debleha, kay o Israeleskro čačo Devel hi.

Jesaja 45:20

Avenn khetne, t'mer, kay nashan t'menge glan o kourepen dran boud themma! Avenn pash mande, te kras o čačepen vin! Kolla, kay hidjrenn pengre deblen pentsa, hayvan či, yon mangenn deblen an, kay nay venn lenge gar ap i rig.

Jesaja 49:8

Kava penell o baro Devel: Har his o tsiro mishto, shounom ab tiri gole. Har vas ko dives, kay lom tout vin dran i bibarht, vom ap tiri rig. Oun me dom yak ap toute. Me lom tout: – te vess i drom, kay nay venn i menshe dran hake themma pash mande, – te čivess pale o them pre tardo, – te dess tou lende kol kotya them, hoy lenge hi, oun kanna mouklo hi,

Jesaja 56:7

kolen anau pash miri berga, kay me djivau, oun krau len barhteles an miro kheer, kay mangenn man i menshe an. Yon nay anenn mange firhen: save, hoy venn mange rhačedo ap miri rhačepaskri, ninna save, hoy rhan le glan mande. Oun me dikau lačes ap kova. Miro kheer vell kharedo: Kheer, kay i menshe dran hake themma o Debles an-mangenn.

Jesaja 60:21

Tire menshe hi halauter an o čačepen tardo. Oun kava them hi lenge hako tsireske. Yon hi har i tikne rouka, hoy čivom an i phoub, oun hoy bares van. Mire vastentsa krom len, te sikrap miro raylepen.

Jesaja 65:11

T'menge, kay o baro Debles moukan, vell vavarčandes: T'mer bistran miri berga, kay vau an-mangedo, oun čivan o rhorheno debleske, o Gad, rhapen glan. Oun glan o rhorheno debleste, o Meni, čoran mool vin.

Jesaja 65:25

O divyo djouklo oun o terno bakro rhan khetne yek pash o vavar. Oun o levo rhal phouss har i groumni, oun o sap hounte rhal čik. Kek krell čomone, hoy douka anell, vitar či, hoy čilačo hi ap miri tseli berga, kay djivau, penell o baro Devel.

Jesaja 65:9

O Yakobestar venna pale menshe, oun dran Youda venna save, kay ap mire berge djivenna. Kolen, kay me vin rodom, lenge vell o them, oun mire boudepangre djivenn kote.

Jesaja 66:20

Oun kolla anenn t'mare phralen dran i tsele themma pale, te denn le len o baro Debleske. Ap miri berga an Yerusalem anenn le len ap graya, oun ap vourdya, hoy pre hi, oun an vourdya, hoy pandlo hi, ap maultikre bourike oun ninna ap khamele, penell o baro Devel. Yon anenn len yaake har i Israelitarya anan djob an djoudje čare an o baro Debleskro kheer.

Jeremia 2:28

Kay hi t'mare debla, kay t'menge kran? Mou stenn yon pre, oun lenn t'men vin dran t'mari bibarht! T'mer menshe an o them Youda, t'men hi yaake boud debla har forya!

Jeremia 22:20

T'mer menshe dran Yerusalem, djan pre ap i berga Libanon, oun denn gole! Rovenn ap i berge Bashan! Oun denn zoreles gole ap i berge Abarim! T'mare tsele mala, kay kote djivan, van dino, oun hi bouder gar koy.

Jeremia 22:22

Tire pralstoune venn krik anlo, har te vans le krik phourdedo i zorelo dourhestar. Oun tire mala hounte djan pandles an i vavar them. Yaake vell ladj pral toute, oun tou veh sapaske i vavarenge. Kova vell pral toute tiro tselo čilačepaske.

Jeremia 30:14

Tire tsele pirne bistran tout, poučenn bouder gar pal toute. Me dom tout dava, har yekes, koles kamom te marell. Krom miro dji touke pandlo, har dom tout dava tiri bari doshake oun ko boud čilačo koova, hoy kral.

Ezekiel 20:40

Ap miri bari berga an Israel, kay me djivau, kote mangenn man i tsele Israelitarya an, halauter kay an o them hi. Oun me lau len an o lačepen an, oun kamau, te anenn le mange kote firhen oun djob, yaake har glan činlo hi, ninna ko koova, hoy mange ap i rig čivan.

Hosea 13:3

Doleske hi le har i folka, hoy taysarlakro sik krik djal, oun har ko pani, hoy ap o zenlepen hi, oun sik bouder gar koy hi. Ava, har o phouss hi le, hoy vell dran i platsa vin phourdedo, kay o djob vin dino vas, oun har i yagakro dourho, hoy tserdell dran i vorhni vin.

Zakarie 7:13

Oun djas yaake: Yon shounan gar, hoy lenge penlo vas. Doleske kamom vitar gar te shounell, har yon gole dan, penas o baro Devel, ko ray pral o bolepen oun i phoub.

Čačepangre 10:14

Djan koy oun denn ap kol deblende gole, hoy t'mer t'menge vin rodan, te venn kolla t'menge ap i rig an ko tsiro, kay t'maro djipen pharo hi.”