Jesaja 55:8 - O Debleskro Lab 2024 (Sinte-Manouche)

⁸ O baro Devel penell: Kova, hoy mange an o shero djal, hi gar kova, hoy t'menge an t'mare sherya djal. Oun t'mare dromma hi gar mire dromma.

O Debleskro Drom 2021 (Sinte)

⁸ O baro Dewel penell: Kowa, hoi mange an o shero djal, hi gar kowa, hoi tumenge an tumare sherja djal. Un tumare dromma hi gar mire dromma.

Jesaja 55:8 ပူးပေါင်းရင်းမြစ်များ

2. Samuel 7:19

Oun kanna hi kova touke gar doha. Baro Devel, miro ray, tou penal mange, hoy mire čavende kameh te dell, ninna an ko tsiro, hoy dour glan mende hi. Oun tou moukeh kova man, i menshes, te djinell.

2. Rajengro liil 5:11

Koy vas o Naaman rhoyedo, djas krik oun penas: “Me penom mange: Yob vell vin glan mande oun dell peskro baro Debles an-gole, oun hadell peskro vast pral miro nasselo mass. Oun yaake lell lo o nasslepen mandar krik.

Hiob 35:5

Dik pre, dik an o bolepen pre! Dik ap i volke dour pral toute!

Debleskri gili 25:10

I tsele dromma hi lačo oun čačo, kay o baro Devel kolen anell, kay rikrenn pen ap leskre laba oun krenn, hoy yob lenge penell.

Debleskri gili 33:11

Kova, hoy o baro Devel kamell te krell, ačell zoreles tardo, oun kova, hoy les an peskro dji hi, te krell lo, ačell yaake rah har menshe koy hi.

Debleskri gili 40:5

Barhtelo hi ko mensho, kay rikrell pes ap o baro Debleste, oun djal gar kolentsa, kay hi pre-phourde oun rhorhene.

Debleskri gili 92:5

Kova, hoy tou kral, baro Devel, moukell man barhteles te givell. Kova, hoy tire vasta lauter kran, sharau me.

Gosewe laba 21:8

Kova, kay doosh ap peste anas, djal bange dromma. Koles, kay i djoudjo dji hi, krell o čačepen.

Gosewe laba 25:3

O bolepen djal dour pre, oun i phoub djal dour tele, oun kek nay djinell, hoy an o baro rayeskro dji hi.

Jesaja 14:24

O baro Devel, o ray pral o bolepen oun i phoub, penas oun das pes sovel: Yaake har me les mange glan lom, yaake krau les ninna. Oun yaake har an miro dji hi te krap, yaake vell ninna.

Jesaja 53:6

Mer halauter hams har bakre, kay nashan pen. Hakeno djas ap peskro drom. O baro Devel moukas ap leste mari tseli doosh te perell.

Jesaja 58:13

Te rikreh tire herya pale, te djas gar ap i boudi ap o Debleskro dives, oun djah gar i lovenge palla ap ko dives, hoy mange hi, oun peneh: Kova hi miro shoukeder dives, kay sharau o baro Debles oun mangau les an, te shareh les tou yaake, te djas gar ap i boudi oun kek lovenge palla, oun kreh kek bare laba,

Jesaja 65:2

Me rikrom o tselo dives mire vasta vin kol menshenge, kay kaman gar ap mande te shounell, oun djan i drom, hoy gar mishto hi, oun djivenn pal pengro shero.

Jesaja 66:18

Me djinau kova, hoy yon kran, oun kova, hoy an lengre sherya glan djas. Oun me vau, te lap i menshen khetne dran i tsele themma oun dran hako rakepen. Oun yon venna oun dikenn miro raylepen.

Jeremia 3:1

O baro Devel penas: Te bičras i morsh peskri romyat krik, oun yoy djal pash i vavar morsheste, nay lell yob lat gar pale. Palle vals ko them pale-čiddo. Tou dal tout trouyel boudentsa, oun kameh pale pash mande te vell?

Ezekiel 18:29

Oun kote penenn t'mer Israelitarya: “O Devel djal gar pal o čačepen.” Hom me kova, kay djal gar pal o čačepen? Hi gar yaake, te han t'mer kolla, kay djan gar pal o čačepen?

Hosea 14:9

Palle penell o Efrayim ap mande: Hoy te krap kanna i moule deblentsa? Me shounau oun dikau ap toute. Me hom har i baro zenelo rouk. Kova, hoy ap mande bares vell, vell toutar.

1. Samuel 16:7

O baro Devel penas ap o Samuel: “Ma dik ap kova, har yob vin dikella oun har baro yob hi! Koles rodom me gar vin. O baro Devel dikella gar ap kova, kay i menshe pre dikenna. I menshe dikenn ap kova, hoy glan lengre yaka hi, o baro Devel dikella ap o dji.”