Jesaja 55:6 - O Debleskro Lab 2024 (Sinte-Manouche)

⁶ Rodenn o baro Debles yaake rah yob moukell pes te hatsell! Denn les an-gole yaake rah yob gar dour hi!

O Debleskro Drom 2021 (Sinte)

⁶ Rodenn o baro Debles jaake rah job mukell pes te hatsell! Denn les an-gole jaake rah job gar dur hi!

Jesaja 55:6 ပူးပေါင်းရင်းမြစ်များ

1. Familjakro liil 28:9

Oun tou, miro čavo Salomo, pats ap o Debleste tiro dadestar, te vell yob tiro Devel. Kre tiro tselo djiyeha, hoy lo touke penell! Yob dikell an i menshengre djia, oun hayvell, hoy an lengre sherya trouyel djal. Te rodeh les, hatseh les. Te moukeh les, čivell lo tout pale hako tsireske.

2. Familjakro liil 19:3

Čomone lačes vas pash toute ninna hatslo: Tou rhačral kol figure an o them, hoy i debletsa Ashera sikrenn, oun rodal pal kova, hoy o baro Devel kamell.”

Esra 10:2

Oun o Shekanya, koleskro dad o Yehiel his, i menshendar Elam, penas ap o Esra: “Ava, mer peram maro Deblestar tele, har lam menge romyen vavar menshendar, kay kate an kava them djivenna. Oun kanna dell gomme i drom menge, i Israelitaryen, te vas mer dran kava tselo koova vin!

Hiob 8:5

Te rodeh tou o Debles tiro tselo djiyeha, oun mangeh ropah o zorelo Deblestar, te vell lo touke pale lačes,

Debleskri gili 14:2

O baro Devel dikell dran o bolepen tele ap i menshende, te dikell lo: Dell yek, kay gosevo hi oun pal leste poučella?

Debleskri gili 145:18

O baro Devel hi gar dour hakenestar, kay dell les an-gole, hakeneske, kay dell les an-gole an o čačepen.

Debleskri gili 148:14

Yob das peskre menshende i zoor pral i vavar menshende. Sharenn les, t'mer, leskre menshe, t'mer dran o Israel, kay han pash leste. Sharedo vell o baro Devel!

Debleskri gili 27:8

Tire laba van mange an o shero, hoy tou penal: “Avenn pash mande!” Doleske vau pash toute.

Debleskri gili 32:6

Doleske mangenn tout lauter kolla an, kay tiro hi, an ko tsiro, kay taprell len i daar. Palle, te venn i bare panya, nay taprenn le len gar.

Debleskri gili 34:19

O baro Devel hi pash kolende, kay lengro dji phagedo hi. Oun kolenge, kay dikenn bouder kek momeli an pengro djipen, hi lo ap i rig tardo.

Debleskri gili 75:1

I gili o rayeske pral i gipangre, te givell har koy gili Ma mare men. Kay gili kras o Asaf.

Debleskri gili 95:7

Yob hi maro Devel, oun mer ham leskre menshe. Yob dell yak ap mende har i bakrengro dell yak ap peskre bakre, oun anell len kote, kay hi len doha te rhal. Kava dives rakrell yob ap t'mende. Shounenn ap leskre laba:

Gosewe laba 8:17

Me kamau kolen, kay man kamenn. Oun kolla, kay rodenn man o djiyestar, kolla hatsenn man ninna.

Jesaja 12:6

Givenn oun denn gole i barhtyatar, t'mer, kay djivenn an o foro Sion. O Israeleskro Devel hi bares mashkral t'mende.

Jesaja 26:9

Ratsyake djal miro dji touke palla, o dourho an mande rodell tout taysarlake. Te kreh tou o čačepen vin ap i phoub, palle dikenn lauter, kay ap i phoub djivenn, hoy čačepen hi.

Jesaja 45:19

Me rakrom gar čorrhanes an i khatepen, kay kek shounell, oun penom gar ap o Yakobeskre čavende: Rodenn man čičeske! Me, o baro Devel, rakrau o čačepen, oun penau t'menge, hoy čačo hi.

Jesaja 45:22

T'mer menshe ap i tseli phoub, avenn pash mande! Oun me lau t'men dran o čilačepen vin. Me hom o Devel oun dell kek vavar har man!

Jesaja 46:13

Me anau t'menge miro čačepen. Kova hi gar dour t'mendar krik. Sik lau t'men dran i bibarht vin. An o foro Sion krau i menshen barhteles. oun i Israelende sikrau miro raylepen.

Jesaja 49:8

Kava penell o baro Devel: Har his o tsiro mishto, shounom ab tiri gole. Har vas ko dives, kay lom tout vin dran i bibarht, vom ap tiri rig. Oun me dom yak ap toute. Me lom tout: – te vess i drom, kay nay venn i menshe dran hake themma pash mande, – te čivess pale o them pre tardo, – te dess tou lende kol kotya them, hoy lenge hi, oun kanna mouklo hi,

Jesaja 58:9

Palle deh tou gole, oun o baro Devel rakrell ap toute pale! Hako kopo, kay deh gole ab ap miri rig, penell yob: Kate hom. Tou rikress kekes tele pash toute, oun aness či ap yekeste pre, hoy gar čačo hi, oun rakress gar djoungeles pral leste.

Jesaja 65:10

Mire menshenge, kay poučenn pal mande, vell i tala Sharon koy platsa, kay anenn le pengre bakre, oun i tala Akor vell koy platsa, kay ačenn pengre groumya.

Jesaja 65:24

Oun kava vell yaake: Yon dan gomme gar gole, koy dom man glan, oun yon rakrenn gomme, koy shounau me.

Jeremia 25:5

Yob moukas t'menge te penell: “Djan tele, hakeno leskro čilačo dromestar! Moukenn t'maro čilačo koova! Te venn pale ap o čačo drom, nay ačenn an ko them, hoy dom me t'mende oun t'mare phourende, kanna oun hako tsireske.

Jeremia 33:3

Khare man, palle kamau touha te rakrell, oun kamau touke baro koova te sikrell, hoy tou gar hayveh, oun kolestar či djinal.

Ezekiel 14:6

Doleske pen ap o kheer Israel: Kava penell o baro Devel, maro ray: Djan tele t'maro čilačo dromestar, oun moukenn t'mare rhorhene deblen, hoy yaake djoungelo an mire yaka hi!

Ezekiel 33:11

Pen ap lende: O baro Devel, maro ray penell: Me dau man sovel pash miro djipen: Mange hi gar shoukar, te merell o čilačo mensho. Na-a me kamaus, te djal lo peskro čilačo dromestar tele, oun djivell lo! Doleske, djan tele t'mare čilače dromendar! Hoske kamenn t'mer te merell, t'mer dran o kheer Israel?

Ezekiel 8:6

Oun o baro Devel penas ap mande: Tou, mensho, dikeh tou, hoy le krenn? Baro djoungelo koova hi, hoy o kheer Israel kate krell, te djap mange dran miro kheer vin. Oun tou dikess gomme bareder djounglepen.

Daniel 4:27

kharas lo vin: “Ake, o baro foro Babilon! Me čivom les pre miri bari zoryah, te vell lo miro foro, kay hom baro ray. Lauter, kay dikenn les, sharenn miro raylepen.”

Hosea 10:12

Djivenn an o čačepen, te vell lačepen dran t'maro djipen! Krenn t'maro dji neves pre o baro Debleske, yaake har i harho i nevo kotar phoub pre krell o djobeske. Kanna hi o tsiro, te rodenn man, o baro Debles. Palle vau oun čorau o lačepen pral t'mende vin har i brishin.

Amos 5:6

Te kamenn djido te ačell, palle rodenn o baro Debles. Te krenn kova gar, t'mer dran o kheer Yosef, vell yob pral Betel har i bari yag, hoy kek nay vin krella.

Jona 3:8

Oun halauter hounte čivenn gone pral pende: i menshe oun i firhe. Oun hakeno hounte kharell ap o Debleste peskri tseli zoryah. Oun hakeno hounte moukell peskro čilačo drom oun ko čilačo koova, hoy lo kras.

Mateo 5:25

Te hi tout siyaan pash yekeste, oun hal leha ap o drom pash o čačepaskro, palle playse tiri siyaan yaake rah, har hal tou leha ap o drom, te nay dell yob tout gar an o čačepaskro vast! Oun kova dell tout an o klisteskro vast. Oun kova vitsrell tout an o stilepen!

Louka 13:25

Te stell o ray pral o kheer pre oun krell o voudar pandlo, palle han t'mer vin tardo, oun t'mer denn gole: Ray, kre menge o voudar pre! Oun ko ray penella: Me prindjrau t'men gar.

Johanni 8:21

Pale penas o Yezous ap lende: “Me djau mange. T'mer rodenn man, oun t'mer merenn an t'maro čilačepen. Kote, kay me djaua, nay venn t'mer gar.”

Efesarja 3:13

Doleske mangau t'men: Ma avenn gar khino an t'maro patsepen, ninna te shounenn t'mer, kay me t'menge stildo hom. Kova, hoy lau ap mande, sikrell t'mende, har boud t'mer mange moldo han.

5. Mose 4:29

An kol themma rodenn t'mer palle o baro Debles, kay t'maro Devel hi. Te poučenn pal leste t'maro tselo djiyeha oun t'mari tseli zoryah, hatsenn t'mer les.

5. Mose 4:7

Kay hi savi bari natsyona, kolenge lengro devel ap i rig vell, har menge maro baro Devel ap i rig vell hako kopo, kay dah mer les an-gole?

Hebrearja 2:3

Mer te djah gar ap o nevo drom, kay lah o djipen, hoy gar pre-herella, palle vella o Debleskri rholi pral mende. Kava nevo drom sikras men maro ray Yezous. Oun leskre laba hi o čačepen. Kolla, kay les shounan, penan les menge.

Hebrearja 3:13

Rakrenn hako dives khetne pral o patsepen, te ačenn pash o Debleste! Ko tsiro, kay rakrell o Devel ap t'mende hi kanna. Te shounenn t'mer gar ap o Debleste, nay vell i tsiro, kay shounenn t'mer bouder gar, te dell lo t'men gole.