Jesaja 55:11 - O Debleskro Lab 2024 (Sinte-Manouche)

¹¹ Yaake hi kol laba, hoy dran miro mouy vin djan. Yon venn čačo, oun kova, hoy penom, vell yaake har me kamau. Oun kova, hoy mange glan lom, vell yaake kerdo.

O Debleskro Drom 2021 (Sinte)

¹¹ Jaake hi kol laba, hoi dran miro mui win djan. Jon wenn tchatcho, un kowa, hoi penom, well jaake har me kamau. Un kowa, hoi mange glan lom, well jaake kerdo.

Jesaja 55:11 ပူးပေါင်းရင်းမြစ်များ

Jesaja 40:8

Oun o khass vell djelto oun i blouma perell tele, – o rakepen o baro Deblestar kova ačell hako tsireske.”

Jesaja 45:23

Me dom man sovel pash mande kokres, oun hoy penom, hi čačo oun nay vell gar krik lino: Hakeno hounte vitsrell pes glan mande ap i phoub, oun hako mouy dell pes sovel

Jesaja 46:10

An o phouro tsiro penom me glan-vi, hoy vella. Glan rah tsiro rakrom kolestar, hoy gomme gar his. Oun me penau: Kova hoy me mange glan lom, vell yaake. Oun me krau lauter, hoy kamau te krell.

Jesaja 53:10

O baro Devel kamas kova yaake, te vas lo phagedo. Yob moukas ap leste douka te vell. Pal kova, kay das lo peskro djipen i doshake i menshendar, dikell lo čaven, kay lestar venna, oun djivell i lengsto djipen. Oun kova, hoy o baro Devel peske glan las, vell lestar kerdo.

Jesaja 54:9

Me krau kanna har an ko tsiro, kay o Noah djivas, kay dom me man sovel, te vell gar bouder yaake baro pani pral i phoub. Kava dives dau man sovel, te vap gar bouder rhoyedo ap toute, oun te čingrap gar bouder touha.

Jesaja 59:21

Kava krau me lentsa vin, penell o baro Devel: Me čivom miro dourho ap t'mende. Oun mire laba, hoy penom t'menge, ačenn pash t'mende. Oun t'mer penenn len doureder ap t'mare čavende, oun yon ap pengre čavende, oun kolla ap pengre čavende. Kova ačella yaake kanna oun hako tsireske. Kova penau me, o baro Devel,

Jeremia 1:11

Oun o baro Devel penas ap mande: “Yeremia, hoy dikeh tou?” “Dikau i kasht i mandeltikro roukestar,” penom me.

Jeremia 1:12

Oun o baro Devel penas ap mande: “Tou dikal mishto. Me dau garda ap miro lab, te krap kova.”

Jeremia 1:13

Oun o baro Devel penas o douyto kopo ap mande: “Hoy dikeh tou?” Penom: “Me dikau i piri pherdo pani, hoy kerell pral kotar, kay norden hi.”

Jeremia 23:20

O baro Debleskri rholi moukell gar tele, bis te kras lo, hoy les glan his. I tsiro vell, kay hayvenn t'mer kova.

Jeremia 25:13

Me moukau mire tsele laba čačo te vell, hoy penom pral kava them, lauter hoy an kava liil činlo hi, hoy o Yeremia glan-vi penas pral i tsele natsyone.

Ezekiel 24:14

Me, o baro Devel penom kova, oun me krau les ninna yaake. Kava tsiro vas, te krap kova. Me rikrau man gar pale, te dap t'men i phagi, t'mer khaytenn man gar. Me krau miro dji gar pre t'menge. T'mer lenn t'mari phagi pal kova har djivan oun hoy kran. Kova penell o baro Devel, maro ray.

Amos 6:11

Djinenn: O baro Devel, te penell yob: O baro kheer hounte perell khetne, palle perell lo khetne. Oun te penell yob: O tikno kheer hounte perell an kotya, palle perell lo an kotya.

Zakarie 1:6

Kol laba, hoy yon, mire boudepangre, t'mare phourenge penan, tapran len. Koy moukan le pengro čilačo drom, oun penan: Kova, hoy o baro Devel, ko ray pral o bolepen oun i phoub, mentsa kras, hi i phagi maro čilačo djipaske oun ko čilačo koova, hoy kram, yaake har penas lo.

4. Mose 23:19

O Devel hi gar i mensho, kay rhorhella, vitar gar i mensheskro čavo, koles khaytell, hoy yob kras. Penell yob čomone, hoy yob gar krella? Penell yob kova, kay rikrell yob gar?

Mateo 24:35

O bolepen oun i phoub ačenna gar. Mire laba ačenna hako tsiro.

Johanni 6:63

O Debleskro Dourho hi kova, kay dell o djipen. O mensheskri zoor nay krell kova gar. Mire laba, hoy me t'menge penom, van dran o Debleskro Dourho. Doleske anenn le t'menge ko djipen.

Remarja 10:17

Kolla, kay patsan ko lab, patsan les, har shounan le les. Oun ko lab rakras o Yezous Kristestar.

1. Korintarja 1:18

Maro rakepen pral o Yezouseskro merepen ap o troushel hi dinlepen kolenge, kay djan nashedo. Mer, kay ham ap maro drom an o bolepen, dikah an ko lab o Debleskri bari zoor.

5. Mose 32:2

Kova hoy me t'men sikrau, hi har o brishin ap o zenlepen. oun miro rakepen har i sapeno dourho ap o khass.

1. Tessalonikarja 2:13

Doleske moukah gar tele, te parkras men pash o Debleste, te patsan t'mer o Debleskro lab, hoy t'menge penam. Oun t'mer hayvan, ko lab vell čačepah o Deblestar oun gar i menshendar. Oun t'maro djipen sikrella, te patsenn t'mer ap ko lab.

Hebrearja 6:7

Mer menshe ham har i phoub, ap late boud kope o brishin das. O Devel dikell lačes ap koleste, kay hi har koy phoub, hoy lell o brishin an peste dren, oun anell lačo koova vin kolenge, kay boudrenn koy.

Jakobo 1:18

Yob kamas, te vam mer leskre čave. Kolla vam, har menge leskro čačo lab penlo vas. Yaake vam mer o feteder mank lauter, hoy o Devel kras.

1. Petro 1:23

T'mer van neves boldo oun han čave yekestar, kay merell gar. Ko nevo djipen lan t'mer, har patsan ap o Debleskro lab, hoy hi djido oun ačella hako tsiro.

1. Samuel 3:19

Oun o Samuel vas bareder, oun o baro Devel his pash leste, oun kras te vas lauter čačo, hoy o Samuel i menshenge penas.