Jesaja 55:1 - O Debleskro Lab 2024 (Sinte-Manouche)

¹ Avenn pash o pani, t'mer kolen troush hi! Oun t'mer, kay t'men kek love hi, avenn oun ginenn oun rhan! Avenn oun ginenn kek loventsa oun lenn čičeske mool oun thoud!

O Debleskro Drom 2021 (Sinte)

¹ Awenn pash o pani, tumer kolen trush hi! Un tumer, kai tumen kek lowe hi, awenn un ginenn un chan! Awenn un ginenn kek lowentsa un lenn tchitcheske mool un thud!

Jesaja 55:1 ပူးပေါင်းရင်းမြစ်များ

Debleskri gili 143:6

Mire vasta hadau pre pash toute. Har i trouk them troushella pal pani, yaake troushell miro dji pal toute.

Debleskri gili 63:1

I gili o Davidestar. Yob kras kay gili an o moulo tato them Youda.

Gosewe laba 8:4

Ap t'mende lauterende dau gole, miro rakepen hi hakeneske ap kay phoub.

Gosewe laba 9:1

O gosvepen hi har i djouvel, kay moukas efta bare pesse kashta te činell oun pre te čivell, oun peskro kheer ap lende te krell.

Gosewe laba 9:5

Ab, rha miro maro oun pi i mool, hoy me krom!

Kamlepaskri gili 1:2

Ab oun čoumme man! Tiro kamlepen hi lačeder har mool.

Kamlepaskri gili 1:4

Le miro vast, tradas men! Miro pirno mou anell man khere pash peste! Mer kamah khetne te sanell oun barhteles te vell. Tiro kamlepen hi mange shoukeder har mool. Kol čen hi čačo, kay tout kamenna.

Kamlepaskri gili 5:1

Me vau an miri baar, heyo, miri pirni. Oun lau mire soungepaskre roukengre, kashta oun patria. Oun rhau miro goudlo gvin, oun piyau miri mool oun miro thoud. Rhan, mala, oun piyenn! Oun venn mate an t'maro kamlepen!

Jesaja 1:19

Kamenn t'mer ap mande te shounell? Palle nay rhan t'mer o tselo lačepen, hoy o them vin anell.

Jesaja 44:3

Me čorau pani ap o them, koles troush hi, oun lengste panya nashenn an o trouk them. Miro dourho čorau ap kolende, kay toutar venna, oun miro lačepen ap tire čavende.

Jesaja 52:3

Kava penell o baro Devel: Čičeske van t'mer bikedo, oun gar lovenge venn t'mer pale vin ginlo.

Ropaskre gilja 5:4

Maro pani hounte playsras mare loventsa, oun maro kasht hounte playsras ninna.

Ezekiel 47:1

Oun ko morsh anas man palpale pash o voudar o Debleskro kherestar. Leskri glanstouni rig his koy rig, kay o kham pre djal. Kote dikom pani, hoy nashas tel o voudar vin. Kava pani nashas i kotar tele ap koy glanstouni rig o kherestar pash koy rig, kay o kham pralstounes tardo hi. Palle djas lo kote, kay koy rhačepaskri tardo hi, doureder ap koy rig, kay o kham pre djal.

Ezekiel 47:9

Kote kay ko lengsto pani nashell oun vell, kote hi djipen. Oun kava pani krell, te vell o Londo Baro Pani sasto, oun boud boud mače djivenn koy dren. Kay kava pani nashell, vell halauter sasto oun djivell.

Hosea 14:4

Mer poučah bouder gar kolendar dran o them Assour, te venn le menge ap i rig, oun djinah, mari zoor vell gar mare grayendar oun vourdya. Oun ap kova, hoy mer mare vastentsa kram, penah bouder gar: “T'mer han mare debla.” Tou kreh tiro dji pre kolenge, kolen kek dad bouder hi.

Zakarie 10:7

Oun i morsha dran o kheer Efrayim hi palle zorelo har bare kourepangre, oun barhtelo har kolla, kay piyan mool. Lengre čave dikenn kova oun denn gole i barhtyatar. Lengro dji givell dran kova, hoy o baro Devel kras.

Zakarie 2:6

Oun me poučom lestar: “Kay djah tou?” Yob penas: “Kamau te dikap pal, har baro oun bourhlo o foro Yerusalem hi.”

Zakarie 9:15

O baro Devel, ko ray pral o bolepen oun i phoub, rikrell peskre vasta pral peskre menshende. Yon venn i zorleder oun stakrenn i barra tele, hoy ap lende vitsedo van. Yon piyenn oun denn gole har te vans le mato i molyatar. Yon venn yaake pherdo rat, har i čaro pherdo firhengro rat hi, hoy vell vin čoredo o Debleske ap leskri rhačepaskri, oun hoy nashell pral i rigya tele.

Mateo 10:8

Krenn i nasselen sasto, oun krenn i moulen djido! Oun kolla, kay i djoungelo nasslepen ap o mass hi, kolen krenn ninna sasto! Tradenn i bengen dran i menshende vin! Kay zoor dom t'men čičeske. Doleske krenn kova ninna čičeske, oun lenn kek love lendar!

Mateo 13:44

Kova, kay hatsas o drom pash o Debleste, koleske hi kova har i kouč bravlepen, hoy an i kotar phoub khatedo hi. Oun i mensho hatsell les, oun khatrell les pale. Oun yob hi yaake barhtelo koy pral, te bikrell lo lauter, hoy les hi, oun ginell ko kotar phoub.

Mateo 26:29

Oun me penau t'menge: Me piyau bouder gar i mool, bis te vell ko dives, kay me piyau nevi mool t'mentsa khetne pash miro dadeste an o bolepen.”

Mateo 5:6

Barhtele hi kolla, kay kanna pal o čačepen bokenna oun troushenna. O Devel krell len čalo.

Bičepangre 8:20

O Petro penas ap leste: “Dja pash o bengeste, tou oun tire love! Tou patseh čačepah, te nay gineh tou i loventsa o Debleskri zoor!

Remarja 3:24

Oun o Devel krell len čičeske čačo oun erligo dran leskro baro lačepen. O Yezous Kristo playsras lenge peskro rateha.

1. Korintarja 3:2

Me dom t'men thoud te piyell, oun kek mass te rhal. Kova nay dandran t'mer gar. Ninna kanna nay rhan kova gar.

1. Petro 2:2

Har i ternepen pal o thoud gole della, yaake hounte vell t'men bok pal o Debleskro lab. Palle venn t'mer zorelo an o patsepen oun djan mishto ap ko drom kay anell t'men pash o Debleste.

Debleskro tsiro 21:6

Oun yob penas pale: Halauter vas yaake, har penom. Mandar vas halauter. Oun lauter vella pale glan mande. Me hom o glanstouno oun o palstouno. Kones troush hi, kova lell mandar o djido pani čičeske.

Debleskro tsiro 22:1

Oun yob sikras man o baro lengsto pani, hoy djoudjo hi har i djoudji vali. Ko pani dell o djipen oun vell kotar, kay hi o beshepaskro o Deblestar oun o terno bakrestar.

Debleskro tsiro 22:17

O Debleskro Dourho oun o terno bakreskri pirni penenna: “Ab!” Oun koon kova shounell, penella: “Ab!” Oun kones troush hi, kova vella! Koon kamell, kova lell čičeske o pani, hoy o djipen dell.

Debleskro tsiro 3:18

Doleske penau t'menge: Ginenn mandar sonakay, savo sonakay, hoy an i yag thodo vas, yaake te venn t'mer čačepah bravelo. Ginenn mandar ninna parne ripya, oun rivenn kolla ap t'mende, te han bouder gar nango, oun hounte ladjenn t'men bouder gar. Oun ginenn kouč djet, oun makenn t'mare yaka, te nay dikenn pale!

Ruth 4:1

Oun o Boas djas pre pash o foreskro voudar, kay i morsha khetne venn, oun beshas pes koy. Kote vas ko vavar morsh, kay lake ninna koy hounte vals, kolestar o Boas rakras. Oun o Boas penas ap leste: “Ab kay pash mande, oun besh tout pash mande!” Oun yob vas oun beshas pes pash leste.