Jesaja 54:5 - O Debleskro Lab 2024 (Sinte-Manouche)

⁵ Kova, kay tout kras, hi kanna tiro rom. Baro Devel, ray pral o bolepen oun i phoub hi leskro lab. Yob ginas tout vin dran o pandepen, oun hi o Israeleskro čačo Devel. Yob vell kharedo: O Devel pral i tseli phoub.

O Debleskro Drom 2021 (Sinte)

⁵ Kowa, kai tut kras, hi kanna tiro rom. ‘Baro Dewel, rai pral o bolepen un i phub’ hi leskro lab. Job ginas tut win dran o pandepen, un hi o Israeleskro tchatcho Dewel. Job well kharedo: O Dewel pral i tseli phub.

Jesaja 54:5 ပူးပေါင်းရင်းမြစ်များ

Hiob 19:25

Me djinau, te djivell o Devel, kova, kay miro koova an peskro vast lell. Oun an o tsillo, kay o čačepen vin rakedo vell pral kay phoub, hi yob miro rakepaskro.

Jesaja 11:9

Ap o Debleskri berga Sion krell bouder kek čilačo koova, vitar gar doukrell yek i vavares. Yaake har o baro pani pherdo pani hi, yaake vell i tseli phoub pherde menshe, kay prindjrenn o baro Debles.

Jesaja 43:1

Kanna penell o baro Devel, kova, kay t'menge, o Yakobeskre čavenge, o djipen das, oun toutar, Israel, i natsyona kras: Ma dare! Me ginom tout vin! Me dom tout pash tiro lab gole, te vess mange.

Jesaja 43:14

O Israeleskro Devel hi o baro Devel, kay t'men dran o pandepen vin lell, oun penell: T'menge, kay an o them Babilonia han, bičrom yekes koy, te anell lo t'men, kay pandle han, vin. Oun kol Babilonarya, kay kanna i barhteli gole denn, rovenna palle.

Jesaja 45:11

Kava penell o baro Devel, kay kokres o čačo Devel hi. Yob hi o Israeleskro Devel, oun kova, kay les kras: Hounte penap t'menge, hoy mire čaventsa krau? Kamenn mange glan te činell, hoy te krap mire vastentsa?

Jesaja 48:17

O baro Devel, kova, kay tout, Israel, vin las dran o pandepen, yob, o čačo Devel, hi o Israeleskro Devel oun penell: Me, o baro Devel, hom tiro Devel, kova, kay toute sikrell, hoy touke mishto hi, oun ap havo drom tou hounte djas.

Jesaja 48:2

T'mer kharenn t'men pal o Debleskro foro, oun rikrenn t'men ap o Debleste pral o Israel. Leskro lab hi baro Devel, ray pral o bolepen oun i phoub.

Jesaja 51:15

Me hom o baro Devel, tiro Devel, kova, kay o baro pani divyo krell, oun moukell i baro phourdepen pral leste te djal. Miro lab hi baro Devel, ray pral o bolepen oun i phoub.

Jesaja 54:8

Har miri rholi pral keras, rissrom me man toutar tele i tikno tsireske. Miro lačepen touke herell gar pre. Doleske krau miro dji touke bares pre, penell o baro Devel, kova kay tout dran o pandepen vin lell.

Jesaja 6:3

Oun yek das ap o vavareste gole oun penas: Lačo - oun čačo - har kek vavar - hi o baro Devel, ko ray pral o bolepen oun i phoub. I tseli phoub hi pherdo leskro raylepen!

Jesaja 65:16

Palle penenn kolla an o them Youda, kay rakrenn i barht vin pral yekeste: “I barht o čačepaskro Deblestar vell pral toute!” Oun kova, kay dell pes sovel an o them, kova dell pes sovel pash o čačepaskro Debleste. Palle hi bistedo kol phare divessa pherdi bibarht, hoy glan kava tsiro his, oun venn mange bouder gar glan i yaka.

Jeremia 10:16

Har vavarčandes hi ko Devel, koles o Yakobeskre čave an-mangenna! Yob hi kova, kay kras halauter. Oun i Israelitarya hi leskre menshe. Yob kharell: o baro Devel, ko ray pral o bolepen oun i phoub.

Jeremia 3:14

Avenn pale, t'mer čave, kay nashan mandar krik, penell o baro Devel. Me hom t'maro ray. Me kamau t'mendar te lell yekes dran hako foro oun douy dran haki familya, oun kamau t'men an Sion te anell.

Jeremia 51:19

Har vavarčandes hi ko Devel, koles o Yakobeskre čave an-mangenna! Yob hi kova, kay kras halauter. Oun i Israelitarya hi leskre menshe. Yob kharell: o baro Devel, ko ray pral o bolepen oun i phoub.

Ezekiel 16:8

Oun me djom miro drom, kay tou hals, oun dikom tout. Oun tiro tsiro vas, te kamess i morshes oun kress le biyab. Kote čivom miri baya pral toute oun čakrom tout. Oun me djom touha i sovel dren, oun pandom miro dji ap toute, oun penom: “Tou vess miro.” Kava hi, hoy penas o baro Devel, maro ray.

Hosea 2:16

Doleske dik, me kamau lat te tserdell, oun kamau lat an o moulo tato them te anell. Oun kote rakrau kamles lah.

Hosea 2:18

Palle, penell o baro Devel, kharell li man pale miro rom, oun gar bouder miro Baal.

Zakarie 14:9

Palle hi o baro Devel o ray pral i tsele themma ap i phoub. An ko tsiro hi yob kokres o Devel. Les kokres mangenn le an.

Maleachi 1:11

O baro Devel, ko ray pral o bolepen oun i phoub, penell: Foun kotar, kay o kham pre djala, bis kote kay o kham tele djal, vell miro lab sharedo pash kolende an i vavar themma. An boud gaba oun forya rhačrenn le mange soungepaskro koova oun firhen, hoy hi lačo an mire yaka. Kolla lauter sharenn miro lab.

Louka 1:32

Kova vell i baro ray. Yob vell kharedo Debleskro čavo. Oun o Devel krell lestar i baro ray pral Israel, yaake har yek leskre phourendar, o David, o baro ray his.

Johanni 3:29

Koles, kay i pirni hi, ko hi ninna o pirno. Oun o maal ko pirnestar, kay pashel tardo hi, oun shounell o pirneskro gole, hi barhtelo pral kova. Kay barht hi man kanna.

Efesarja 5:32

Kava lab sikrell men i baro čačepen. Me rakrau o Yezous Kristestar oun kolendar, kay ap leste patsenna.

Josua 3:11

Dikenn, o morhton, kay i laba o rayestar pral i tseli phoub dren hi, djal glan t'mende an o pani Yordan.

Debleskro tsiro 11:15

Oun ko eftato bolepaskro phourdas an peskri phourdepaskri. Koy his i rakepen an o bolepen, oun boud dan bari gole, oun penan: “Kanna hi o Devel oun leskro čavo, o Yezous Kristo, i raya pral i tsele menshende ap i phoub hako tsireske.”