Jesaja 54:11 - O Debleskro Lab 2024 (Sinte-Manouche)

¹¹ Yerusalem, tou bibarhtelo foro, pral koleste i baro phourdepen djas, Tout his kek, kay tire sva tele khossas! Dik, me čivau tout pale pre kouč barrentsa. Tire telstoune barra krau dran safire.

O Debleskro Drom 2021 (Sinte)

¹¹ Jerusalem, tu bibachtelo foro, pral koleste i baro phurdepen djas, Tut his kek, kai tire swa tele khossas! Dik, me tchiwau tut pale pre kutch barrentsa. Tire telstune barra krau dran safire.

Jesaja 54:11 ပူးပေါင်းရင်းမြစ်များ

1. Rajengro liil 5:17

“Tou djineh, miro dad nay kras kek kheer leskro baro Debleske. Yob hounte djas pale te pale an o kourepen troul leste trouyel, bis ap ko dives, kay čivas o baro Devel kolen, kay leha kouran, tel leskre pire.

1. Rajengro liil 6:30

Oun pral o kasht ap i phoub an o Debleskro kheer moukas lo sonakay te tserdell.

1. Familjakro liil 29:2

Miri tseli zoryah lom boud koova khetne o khereske miro Deblestar: o sonakay, roup, lolo saster oun vavar saster, oun kasht, te venn kol tsele koola kerdo, hoy an o kheer venna, ninna boud kouč barra, hoy lolo, zenelo, blaueto oun djelto hi oun boud parno marmor.

2. Familjakro liil 3:6

Oun yob moukas ko kheer kouč barrentsa shoukar te krell. Oun ko sonakay his sonakay, hoy vas dran Parvayim.

Hiob 28:16

O gosvepen hi boudeder moldo har o lačeder sonakay oun kouč blauete barra.

Debleskri gili 34:19

O baro Devel hi pash kolende, kay lengro dji phagedo hi. Oun kolenge, kay dikenn bouder kek momeli an pengro djipen, hi lo ap i rig tardo.

2. Mose 2:23

Pal i rah tsiro meras o baro ray pral o them Egiptia. Fothe phares hounte boudran i Israelitarya tel dava oun dan gole, te shounas len o Devel.

2. Mose 24:10

Oun yon dikan o Israeleskro Debles. Oun tel leskre herya his čomone, hoy vi-dikas har kol kouč barra, hoy kharenna Safire. Oun kova his yaake djoudjo oun blaueto har o bolepen.

2. Mose 3:2

Oun kote moukas pes o baro Debleskro bolepaskro lestar te dikell, an i yag an i bourra. O Mose dikas, kay i bourra rhačan oun rhačran gar pre.

2. Mose 3:7

Oun o baro Devel penas: “Me dikom har djoungelo mire menshenge djala an o them Egiptia. Me shounom lengri gole, har dan i pralstoune rhale len dava. Me prindjrau lengre douka.

Kamlepaskri gili 5:14

Leskre goushte hi har dran sonakay, Ap lende hi goustria kouč barrentsa. Yob hi har i kouč figura dran elefantikro dand, shoukar kerdo kouč blauete barrentsa.

Jesaja 14:32

Hoy hounte penas kolenge, kay i Filistarendar bičedo van? Penenn lenge: O baro Devel čivas o foro Sion zoreles pre. Oun kate nay khatrenn pen peskre čorvele menshe kek daryah.

Jesaja 28:16

Doleske penell o baro Devel, maro ray: Ap i berga Sion čivau i zorelo bar, ap koleste miro kheer tardo vell. Zorelo oun kouč hi ko bar oun rikrell lauter vin. Ap leste hi tardo: Koon ap mande patsell, nashell peske gar.

Jesaja 44:28

Me hom kova, hoy ap o Cyrus penell: “Tou dess garda ap mire menshende har i bakrengro ap peskre bakre.” Oun yob krell lauter, hoy kamau, te krell lo. Pral o foro Yerusalem penell lo: “Čivenn les pale pre!” Oun pral o Debleskro baro kheer penell lo: “Čivenn leskre barra pale pre!”

Jesaja 49:14

I menshe dran Sion penenn: O baro Devel moukas men. Maro ray bistras men.

Jesaja 51:21

Doleske shoun tou kava, tou bibarhteli, kay mati hal, i molyatar hal gar mati:

Jesaja 51:23

Me dau les kanna an o vast kolendar, kay tiro djipen yaake phares kran, kolla, kay ap toute penan: “Vitse tout tele, te djap pral toute vergel!” Oun tou kral tiro doumo yaake, te hals yek i phoubyah, oun hals lenge har o drom, pral koleste yon pral vergel djan.

Jesaja 54:12

I turme ap tire massourya hi dran roubine, tire voudya dran kristallo, oun tire massourya dran shoukar barra, hoy boud moldo hi.

Jesaja 54:6

Tou hal har i djouvel, kay mouklo vas, oun kolakro dji ratell. Kanna dell tout tiro baro Devel pash peste gole oun penell: Har nay tradoms miri romyat krik, kolat vin rodom, har terno homs?

Jesaja 60:15

His i tsiro, kay hals mouklo, oun kek kamas tout oun djas pash toute. Kanna krau toutar, te vess hako tsiro sharedo oun shoukar, i foro, kay hi hakeno barhtelo yaake rah har menshe ap kay phoub hi.

Jeremia 30:17

Tout oun tiro doukepen krau me pale sasto, penell o baro Devel, ninna te penenn le ap toute o praasedo them un: o foro Sion, pal koleste kek poučella.

Ropaskre gilja 1:21

I menshe shounan, har dau phares dourho, oun kek vell, te penell lo mange lače laba. Kolla, kay hi rhoyedo ap mande, shounan miri bibarhtyatar, oun sanan, te kral tou kova mantsa. Mouk ko dives te vell, kolestar rakral, te djal lenge har mange kanna.

Ezekiel 1:26

Pral o bolepen, hoy pral lengre sherya his, his čomone, hoy vin dikas har i rayeskri beshepaskri dran kouč blaueto bar. Oun ap koleste his yek beshdo, kova dikas vin dikas har i mensho.

Ezekiel 10:1

Oun me dikom ap ko bolepen, hoy his pral i sherya foun i bolepangre, oun dikom čomone yaake blaueto har ko kouč blaueto bar, hoy kharell Safiro. Kova dikas vin har i rayeskri beshepaskri.

Micha 7:11

T'mer an o foro Yerusalem, ko dives vella, kote vell t'maro foro pale pre-čiddo, oun t'maro them vell bareder har hi lo kanna.

Mateo 8:24

Har yon ap o pani his, phourdas ap yek kopo i baro zorelo dourho pral o baro pani. Oun o pani vas divyo, oun djas pre te tele, oun djas pral o bero vergel. Oun o Yezous sovas.

Johanni 16:33

Kova lauter penom t'menge, te vell t'men i bari barht an o dji pral kova, kay han mire. Kate ap kay phoub hi t'men daar. Ma darenn! Me hom zorleder har halauter ap kay phoub.”

Bičepangre 14:22

djan pash i patslende oun dan len zoor an o dji, oun rakran lenge an o dji, te ačenn yon an o patsepen. Oun yon penan ap kol patslende: “Ap maro drom pash o Debleste an o bolepen krenn menge i menshe o djipen phares.”

Efesarja 2:20

I tsele Debleskre menshe hi har yek kheer, kerdo dran barra. T'mer han kol barra, hoy hi tardo ap i telstoune barra. I telstoune barra hi o Yezous Kristeskre bičepangre oun o Debleskre rakepangre. O Yezous Kristo hi ko zorelo bar, hoy rikrell o tselo kheer khetne. Oun o kheer vell baro oun bareder, oun vell i shoukar kheer, kay o Devel djivella.

5. Mose 31:17

Palle rhačell miri rholi pre pral lende, oun me moukau len, oun vau lenge bouder gar ap i rig. Boud djoungelo pharo koova pherdo douka oun daar vell pral lende. Oun yon penenn palle ap ko dives: Kova lauter vell pral mende doleske, kay maro Devel bouder gar pash mende hi.