Jesaja 54:1 - O Debleskro Lab 2024 (Sinte-Manouche)

¹ Yerusalem, tou hal har i djouvel, kay kek čave nay lell, kanna gib, tou, kay kek čaves ap i phoub anal, ab barhtelo, gib oun de gole i barhtyatar! O baro Devel penell touke: Tou, koy moukli djouvel, tout venn boudeder čave har kolat, kay romedino hi.

O Debleskro Drom 2021 (Sinte)

¹ Jerusalem, tu hal har i djuwel, kai kek tchawe nai lell, kanna gib, tu, kai kek tchawes ap i phub anal, ab bachtelo, gib un de gole i bachtjatar! O baro Dewel penell tuke: Tu, koi mukli djuwel, tut wenn budeder tchawe har kolat, kai romedino hi.

Jesaja 54:1 ပူးပေါင်းရင်းမြစ်များ

1. Mose 21:6

Oun i Sara penas: “O Devel das man i sapen. Hakeno, kay shounella, hoy mange djas, sal mantsa.

Debleskri gili 113:9

Kolat, kay kek čave nay las, hadell lo, te vell li i barhteli day. Sharedo vell o baro Devel!

Kamlepaskri gili 8:8

Men hi i tikni pheen, koy hi yaake terno, te nay romedinerell li gar, Hoy te kras mari phenyah ap ko dives, kay vell yek te romedinerell lo lat?

Jesaja 12:6

Givenn oun denn gole i barhtyatar, t'mer, kay djivenn an o foro Sion. O Israeleskro Devel hi bares mashkral t'mende.

Jesaja 24:14

Kolla, kay ačenn djido, givenn i barhtyatar. Kolla, kay djivenn ap i vavar rig o Mashkralstouno Baro Panyestar sharenn o baro Debleskro raylepen:

Jesaja 44:23

Tou bolepen, gib kolestar, hoy o baro Devel kras! Tou telstunepen i phoubyatar, de gole i barhtyatar! T'mer berge, givenn! Tou veesh tire tsele roukentsa, gib! O baro Devel las o Yakobes dran o merepen vin, oun o Israel sharell les.

Jesaja 49:13

De gole i barhtyatar, tou bolepen! Ab barhtelo, tou phoub! Givenn, t'mer berge! O baro Devel khossas i sva peskre menshendar tele, oun kras peskro dji kolenge pre, kay tele rikedo van.

Jesaja 49:19

Čačepah, i gaba oun forya an tiro them van paash dino oun tele rhačedo. Oun bouder gar boud menshe djivenn koy. Ko tsiro vell, kay hi kava them gar bares doha kol boud menshenge, kay djivenn kote. Oun kolla, kay kaman tout pre te rhal, ačenn dour krik toutar.

Jesaja 49:20

Oun kol čave, kay touke boldo van, har kek an tiro foro djivas, kolla denn palle gole glan tire yaka oun penenn: Kay platsa hi gar lengsto oun bourhlo doha. Kre menge boudeder platsa!

Jesaja 62:4

Tou veh gar bouder kharedo mouklo foro oun tiro them moulo them. Tou veh gole dino o Debleskri pirni, oun tiro them barhteli romni. O baro Devel dikell lačes ap toute, oun romedinerell pes tiro themeha.

Jesaja 66:7

Miro foro hi har i djouvel, kay las i ternepen kek bare doukentsa.

Zefanja 3:14

Avenn barhteles, t'mer Israelitarya! Denn gole i barhtyatar, t'mer ap i berga Sion! Givenn oun khelenn o tselo djiyestar, t'mer an o foro Yerusalem!

Zakarie 9:9

Ab barhtelo, tou foro Sion! Denn gole i barhtyatar, t'mer menshe an Yerusalem! Dikenn, t'maro baro ray vella pash t'mende! Yob anell o čačepen, oun vell ap t'mari rig. Yob krell pes gar bares, oun klissell ap i bourika, ava, ap i terni bourika.

Galatarja 4:27

Latar hi činlo: Ab barhtelo, ninna te nay lal tou kek čave! De gole i barhtyatar, ninna te vas toutar kek ternepen boldo! Kanna hi tout boudeder čave har koya, kay his o romeha khetne.

1. Samuel 2:5

Kolla, kay bravelo his, hounte boudrenn kanna, te lenn le maro. Oun kolla, kay bokan, kolen hi kanna doha te rhal. Koya, kay nay las kek čave, koya las efta. Oun koya, kolat boud čave his, kolake ačell gar yek.