Jesaja 52:9 - O Debleskro Lab 2024 (Sinte-Manouche)

⁹ Givenn khetne i barhtyatar, t'mer dran o khetne phagedo foro Yerusalem! O baro Devel las pes peskre menshenge an, oun krell o foro Yerusalem neves.

O Debleskro Drom 2021 (Sinte)

⁹ Giwenn khetne i bachtjatar, tumer dran o khetne phagedo foro Jerusalem! O baro Dewel las pes peskre menshenge an, un krell o foro Jerusalem newes.

Jesaja 52:9 ပူးပေါင်းရင်းမြစ်များ

Debleskri gili 102:22

Yaake te sharenn le o baro Debles ap i berga Sion, an o tselo foro Yerusalem hadenn le leskro lab,

Debleskri gili 98:4

Givenn o baro Debleske, t'mer lauter, kay ap kay phoub han! Denn gole i barhtyatar, sharenn les i gilyentsa!

Jesaja 12:6

Givenn oun denn gole i barhtyatar, t'mer, kay djivenn an o foro Sion. O Israeleskro Devel hi bares mashkral t'mende.

Jesaja 14:7

Kanna dell kova lauter bouder gar. Lačepen oun barht van pale ap i phoub. Hakeno givell i barhtyatar.

Jesaja 40:1

“Rakrenn lačes mire menshentsa, oun khossenn lengre sva”, penell t'maro Devel.

Jesaja 43:1

Kanna penell o baro Devel, kova, kay t'menge, o Yakobeskre čavenge, o djipen das, oun toutar, Israel, i natsyona kras: Ma dare! Me ginom tout vin! Me dom tout pash tiro lab gole, te vess mange.

Jesaja 44:22

Ko čilačo koova, hoy tou kral, lom toutar krik, te hi lo gar bouder. Yaake har i nebla, har i folka krik phourdedo vell, yaake phourdom koy doosh krik, hoy ap toute his. Ab pale pash mande, me playsrom touke, te vess miro.

Jesaja 44:23

Tou bolepen, gib kolestar, hoy o baro Devel kras! Tou telstunepen i phoubyatar, de gole i barhtyatar! T'mer berge, givenn! Tou veesh tire tsele roukentsa, gib! O baro Devel las o Yakobes dran o merepen vin, oun o Israel sharell les.

Jesaja 44:26

Me krau, te venn kol laba čačo, hoy miro boudepaskro rakras. Oun kova, hoy mire bičepangre glan-vi penan, moukau yaake te djal, har le les penan. Me hom kova, kay ap o foro Yerusalem penell: “Mou djivenn menshe an toute!” Oun pral i forya an o them Youda penau: “Yon venn pale pre tardo.” Lauter hoy khetne phagedo hi, čivau me pale pre tardo!

Jesaja 48:20

Djan vin dran Babilon! Sik, nashenn dran o them Kaldea! Denn vin gole i barhtyatar, oun penenn kava doureder, yaake te shounenn le kova ap i tseli phoub. Penenn: O baro Devel las peskro boudepaskres, o Yakobes, vin dran o pandepen!

Jesaja 49:13

De gole i barhtyatar, tou bolepen! Ab barhtelo, tou phoub! Givenn, t'mer berge! O baro Devel khossas i sva peskre menshendar tele, oun kras peskro dji kolenge pre, kay tele rikedo van.

Jesaja 51:12

Me hom kova, kay lačes t'mentsa rakrella. Oun koon hal tou, te dareh i menshendar, kay merenna, ava, kay tele merenn har o khass?

Jesaja 51:3

O baro Devel khossell i sva i menshendar an o foro Sion, oun čivell o tele phagedo foro pale pre. Yob krell, te vell o moulo tato them har i baar Eden, oun o divyo trouk them har o baro Debleskri baar. Kote sanenn oun stenn le, parkrenn pen pash o Debleste oun givenn leske.

Jesaja 55:12

T'mer djan barhteles vin an o lačepen, oun kek rikrell t'men pre. I bare oun i tikne berge denn gole i barhtyatar, te dikenn le t'men. Oun i rouka an o veesh denn an pengre vasta.

Jesaja 61:4

Kol phoure forya, hoy yaake rah tele phagedo oun paash dino koy čiddo hi, čivenn yon pale pre. Kal forya, kay boud bersha bouder kek djivell, venn pale neves kerdo.

Jesaja 63:9

dran ko tselo pharo koova, hoy ap lende čiddo his. Kek vavar, kek bolepaskro oun kek bičepaskro vas lenge ap i rig. Na-a yob kokres vas, oun las len dran kova lauter vin. Dran leskro tselo dji kamas lo len oun his lenge lačes. Doleske las lo len koy vin, hadas len pre, oun hidjras len hake divessa an ko phouro tsiro.

Micha 4:10

Ava, t'mer an o foro Sion, save douka venn pral t'mende. Oun t'mer denn bari gole, har i romni, kay lell i ternepen. T'mer hounte djan dran o foro, oun hounte rikrenn t'men vin ap o them pre, oun venn bis pash o foro Babilon anlo. Kote lell t'men o baro Devel pale vin. Yob lell t'men vin dran i vasta kolendar, kay rikran t'men tele.

Galatarja 4:27

Latar hi činlo: Ab barhtelo, ninna te nay lal tou kek čave! De gole i barhtyatar, ninna te vas toutar kek ternepen boldo! Kanna hi tout boudeder čave har koya, kay his o romeha khetne.