Jesaja 52:11 - O Debleskro Lab 2024 (Sinte-Manouche)

¹¹ Djan vin! Djan vin! Djan kotar vin, oun taprenn či an, hoy pale-čiddo hi! T'mer rashaya, kay hidjrenn o baro Debleskro koova, djan dran Babilonia vin, oun thovenn t'men yaake har glan činlo hi, te han djoudjo glan o Debleste!

O Debleskro Drom 2021 (Sinte)

¹¹ Djan win! Djan win! Djan kotar win, un taprenn tchi an, hoi pale-tchiddo hi! Tumer rashaja, kai hidjrenn o baro Debleskro koowa, djan dran Babilonia win, un thowenn tumen jaake har glan tchinlo hi, te han djudjo glan o Debleste!

Jesaja 52:11 ပူးပေါင်းရင်းမြစ်များ

1. Familjakro liil 15:12

Oun yob penas ap lende: “T'mer han i pralstoune pral t'mare menshende dran o kheer Levi. Krenn t'men djoudjo o Debleske, t'mer oun t'mare phrala, te nay anenn o morhton o deesh labentsa o baro Deblestar, kay o Israeleskro Devel hi, ap ko kotar phoub, hoy me rodom leske vin!

2. Mose 30:19

yaake te nay thovell o Aron oun leskre čave pengre vasta oun herya,

Jesaja 1:16

Thovenn t'men, krenn t'men djoudjo! Anenn t'maro čilačo koova, hoy kran, dran mire yaka krik. Moukenn o čilačepen!

Jesaja 48:20

Djan vin dran Babilon! Sik, nashenn dran o them Kaldea! Denn vin gole i barhtyatar, oun penenn kava doureder, yaake te shounenn le kova ap i tseli phoub. Penenn: O baro Devel las peskro boudepaskres, o Yakobes, vin dran o pandepen!

Jesaja 66:20

Oun kolla anenn t'mare phralen dran i tsele themma pale, te denn le len o baro Debleske. Ap miri berga an Yerusalem anenn le len ap graya, oun ap vourdya, hoy pre hi, oun an vourdya, hoy pandlo hi, ap maultikre bourike oun ninna ap khamele, penell o baro Devel. Yon anenn len yaake har i Israelitarya anan djob an djoudje čare an o baro Debleskro kheer.

Jeremia 31:21

Tou terni čay Israel, mouk touke an o shero te vell, havo drom tou djal, har djal an o pandepen. Ap kava drom djas pale khere an tire forya! Čip barra pre pash o drom, hoy sikrenn toute, har te djas!

Jeremia 50:8

Nashenn sik dran o foro Babilon, moukenn ko them! Oun krenn har i morsh bakre, kay nashenn glan kol vavar bakre!

Jeremia 51:45

T'mer Israelitarya, mire menshe, djan vin dran ko them! Hakeno t'mendar mou nashell peskro djipaske! Miri bari rholi vell pral o foro.

Jeremia 51:6

Nashenn sik dran o foro Babilon, nashenn t'maro djipaske! te djan gar halauter tele an koy doosh, hoy kava foro ap peste anas! Kova hi o baro Debleskro tsiro, kay dell lo i Babilonaryen ko čilačepen pale, hoy kolla kran.

Ezekiel 44:23

I rashaya hounte sikrenn mire menshende, hoy mange, o Debleske hi, oun kova, hoy i menshenge hi. Oun yon hounte djinenn, hoy pale-čiddo glan mande hi, oun hoy gar pale-čiddo glan mande hi.

3. Mose 10:3

O Mose penas ap o Aron: Kava hi, hoy o baro Devel rakras, har penas lo: Kamau, te dikenn kolla, kay venn glan mande, te hom me kokres o čačo Devel. Glan i tsele menshende kamau te vap sharedo. O Aron penas kek lab.

3. Mose 11:45

Me hom o baro Devel, oun anom t'men dran o them Egiptia vin, te vap t'maro Devel. Kek vavar hi har me. An mande hi kek čilačepen. Oun t'mer hounte djivenn yaake har i Debleskre menshe djivenn.

3. Mose 11:47

Yaake nay djinenn t'mer, hoy pale-čiddo hi oun hoy gar pale-čiddo hi, oun havo firho nay rhan t'mer, oun havo firho nay rhan t'mer gar.

3. Mose 21:6

T'mer rashaya hounte djivenn yaake, te han kokres t'maro Debleske, oun hounte krenn či, hoy anell ladj ap leskro lab. T'mer han kolla, kay anenn leske rhapen, hoy vell leske rhačedo. Doleske hounte krenn či, hoy krell t'men pale-čiddo.

Zakarie 2:10

“Nashenn! Nashenn! Nashenn dran o them Babilonia!” dell o baro Devel gole, “t'mer, kolen tradom ap hake rigya.

Zakarie 2:11

Stenn pre, t'mer menshe dran Sion, kay djivenn an o them Babilonia, nashenn t'menge!”

4. Mose 16:26

Oun yob penas ap i tsele menshende: “Djan krik kol plarhtene kherendar kol menshendar, kay shounenn gar ap o Debleste! Oun taprenn ap či, hoy len hi, te merenn t'mer gar ap ko tselo čilačo koova, hoy yon kran!”

4. Mose 19:11

Koon i moulo menshes an-tapella, kova hi efta divessa pale-čiddo.

4. Mose 19:16

Ninna kova, kay tapras i menshes an, kay meras vin ap o them, hi pale-čiddo efta divessa. Kova hi ninna yaake, te vas ko moulo mensho kote temerl dino o rhareha. Ninna kova vell pale-čiddo efta divessa, koon taprell ap i mouleskre kokale, ninna kova, kay taprell ap koy phoub, kay o moulo paskedo hi, – yob vell pale-čiddo efta divessa.

4. Mose 8:6

Rode i Levitarya dran i Israelitarya vin, oun kre len erligo mange!

Bičepangre 10:14

O Petro penas: “Na-a, miro ray! An miro tselo djipen rhom me či, hoy pale-čiddo hi.”

Bičepangre 10:28

Oun o Petro penas ap lende: “T'mer djinenna, te hi kova i biboldeske pale-čiddo, te djal lo an o kheer dren, hoy gar i biboldeskro hi. Oun kek vi-themari vell pash i biboldeste an o kheer dren. Mande sikras o Devel, te rikrap kekes pale-čiddo.

Remarja 14:14

Me djinau zoreles, – maro ray Yezous sikras man kova: Dell či, hoy hi pale-čiddo an peste. Kova kokres, kay patsell, te krell čomone les pale-čiddo, koleske hi kova pale-čiddo.

2. Korintarja 6:17

Doleske penell o Devel: Djan kolendar krik, kay sharenn vavar koova! Ma avenn lentsa khetne! Lenn či an t'mare vasta, hoy hi pale-čiddo glan mire yaka! Palle lau t'men kamles pash mande pre.

Efesarja 5:11

Ma djan ap o čilačo drom kolentsa, kay krenna, hoy či moldo oun čilačo hi! Sike lende, har čilačo kova hi!

1. Petro 2:11

Kamle mala, t'mer djinenn, kay han gar khere ap kay phoub. Me mangau t'men, avenn zorelo! Te vell o djoungelo koova an t'mare djia pre, palle penenn: “Na-a!” ap kova oun krenn les gar!

1. Petro 2:5

Ninna t'mer han save djide barra. T'mentsa kamell o Devel peskro kheer pre te čivell. Yob rodas t'men vin, te venn t'mer leskre rashaya, oun te venn leske koy. An t'mende das o Yezous Kristo peskro Dourho. Doleske nay sharenn o Debles yaake, har yob kova kamella.

Debleskro tsiro 18:4

Oun me shounom, har yek vavar dran o bolepen rakras oun penas: “Mire menshe! Djan dran ko foro vin, te lenn t'mer gar leskri doosh oun leskri bibarht ap t'mende!