Jesaja 52:10 - O Debleskro Lab 2024 (Sinte-Manouche)

¹⁰ Glan i yaka i menshendar an i tsele themma sikrell o baro Devel peskri zoor, kolah yob peskre menshen vin lell dran o pandepen. Ap i tseli phoub dikenn le, har maro Devel peskre menshen khere anell.

O Debleskro Drom 2021 (Sinte)

¹⁰ Glan i jaka i menshendar an i tsele themma sikrell o baro Dewel peskri soor, kolah job peskre menshen win lell dran o pandepen. Ap i tseli phub dikenn le, har maro Dewel peskre menshen khere anell.

Jesaja 52:10 ပူးပေါင်းရင်းမြစ်များ

Hiob 40:9

Hi tout savi bari zoor har man? Nay rakreh tou savi zoryah har me?

Debleskri gili 22:27

Mou rhan i čorvele oun venn čalo! Oun kolla, kay ap o baro Debleste gole denna, mou sharenn les! Lenge te vell i djipen, hoy gar pre-herella!

Debleskri gili 67:2

Devel, kre tiro dji menge pre, oun čip tiri barht ap mende! Dik tou lačes ap mende!

Jesaja 11:9

Ap o Debleskri berga Sion krell bouder kek čilačo koova, vitar gar doukrell yek i vavares. Yaake har o baro pani pherdo pani hi, yaake vell i tseli phoub pherde menshe, kay prindjrenn o baro Debles.

Jesaja 25:9

Ap ko dives penell hakeno: Dik, kova hi maro Devel! Ap koleste rikram men, te vell lo ap mari rig. Yob hi maro baro Devel, ap koleste men rikram! Givas i barhtyatar: Yob las men vin dran o merepen.

Jesaja 30:30

Palle moukell o baro Devel peskri bari zoreli gole te shounell, oun i menshe dikenna, har leskri moussi tele dell an i rholi. Kote hi yag, hoy troul peste rhal, oun baro zorelo brishin, oun i zorelo phourdepen oun brishineskre barra.

Jesaja 33:13

T'mer, kay dour krik han, oun t'mer kay gar yaake dour han, shounenn, hoy me krom oun hayvenn havi zoor man hi!

Jesaja 40:5

O baro Debleskro raylepen vell diklo. Oun i tsele menshe dikenn les. Kova penas o baro Devel.”

Jesaja 45:22

T'mer menshe ap i tseli phoub, avenn pash mande! Oun me lau t'men dran o čilačepen vin. Me hom o Devel oun dell kek vavar har man!

Jesaja 48:20

Djan vin dran Babilon! Sik, nashenn dran o them Kaldea! Denn vin gole i barhtyatar, oun penenn kava doureder, yaake te shounenn le kova ap i tseli phoub. Penenn: O baro Devel las peskro boudepaskres, o Yakobes, vin dran o pandepen!

Jesaja 49:6

Yob penas: Kova hi gar doha, te hal miro boudepaskro, te čivess o them Israel pale pre, oun aness kolen pale pash mande, kay o Yakobeskre čavendar pral ačan. Na-a, me krau ninna, te vess i momeli i tsele natsyonenge, hoy sikrell halauterenge ap i phoub, kay lau len dran o čilačepen vin.

Jesaja 51:9

Baro Devel, ste pre, ste pre! Sike tiri zoor! Ste pre har an kol phoure tsirya, har mare phourenge ap i rig val. Hals gar tou kova, kay o baro panyeskro sap, i Rahab, an kotya das?

Jesaja 53:1

Koon patsals kova, hoy mer kanna shounam! Koon hi kova, ap koleste sikras o baro Devel savi zoor?

Jesaja 59:16

Oun bare yakentsa dikell lo, te hi kek morsh koy, kay koy djal, te vell lo kolenge ap i rig, kay tele rikedo hi. Kote vas lo kokres peskri zoryah, oun peskro čačepen vas leske pash o vast.

Jesaja 62:1

Te dikau tout, Yerusalem, nay rikrau gar miro mouy, dran o kamlepen ap toute dau gar pre, bis te lell o foro peskro čačepen, oun leskri barht pre djal har o kham oun diklo vell har i yag an i rati.

Jesaja 63:5

Me dikom man trouyel, oun kek his koy, kay ap miri rig his. Oun kamom les gar te patsell, te rikrals kek pash mande. Koy kras man miri rholi zoreles.

Micha 5:4

Oun yob anell lenge i lačo tsiro. Te venn i lourde dran o them Assour an maro them, oun phagenn an mare khera dren, čivah mer zorele pralstunen oun rayen pre, te rikrenn le len pale.

Louka 2:30

Me dikom koles, kay tou bičral, te lell lo i menshen dran o čilačepen vin.

Louka 3:6

Palle dikell hakeno, har o Devel i menshen dran o čilačepen vin lella.

Bičepangre 13:47

Kova penas menge o Devel: Me krom, te venn t'mer i momeli kol menshenge, kay hi gar bibolde. Penenn lenge, te lau me len dran o čilačepen oun dran o merepen vin!”

Josua 4:24

Oun kova kras lo doleske, te dikenn i tsele natsyone ap kay phoub, har zorelo o baro Devel hi. Oun t'mer hounte rikrenn t'menge hako tsiro t'maro baro Debles glan i yaka.”

Debleskro tsiro 14:6

Oun me dikom i vavar bolepaskres dour pral ap o bolepen. Kova hounte penas i menshenge o lačo lab, hoy ačella oun gar pre-herella. Yob penas les i tsele menshenge, hoy ap i phoub djivenna, haki natsyona, haki harmenatsyona, hako rakepen, oun an hake themma.

Debleskro tsiro 15:4

Toutar darella hakeno, tiro labestar penenn le: Har baro oun shoukar hi lo! Maro ray, o baro Devel hal tou. Kek vavar hi yaake har tou. I raya venna dran hake themma; glan toute vitsrenn le pen tele, te sharenn le tout. Lauter dikan, har pal o čačepen tou djal, har tou i menshende lengri phagi dal.