Jesaja 51:8 - O Debleskro Lab 2024 (Sinte-Manouche)

⁸ Lenge djal har i ripen dran bakrengro bal, hoy i kirme paash rhan. Miro čačepen ačell hako tsiro tardo, oun hako tsireske lau t'men dran i bibarht vin.

O Debleskro Drom 2021 (Sinte)

⁸ Lenge djal har i ripen dran bakrengro bal, hoi i kirme paash chan. Miro tchatchepen atchell hako tsiro tardo, un hako tsireske lau tumen dran i bibacht win.

Jesaja 51:8 ပူးပေါင်းရင်းမြစ်များ

Hiob 13:28

Yaake perau khetne har phouro kasht, har kol ripya, kolen i kirme paash rhan.

Hiob 4:19

Har boud boudeder hatsell lo doosh ap kolende, kay van dran čik kerdo – ap kolende, kay nay venn khetne stakedo har i kirmo.

Jesaja 14:11

Tiro raylepen, hoy troul toute his, vas vitsedo an o telstunepen, oun i bashepangre bashrenn bouder gar touke. I kirme hi kanna tiro čiben, oun kirmentsa čakreh tout.

Jesaja 45:17

O Israel vell vin lino o baro Deblestar dran o čilačepen hako tsireske. Kek ladj oun kek praasepen vell ap leste – an kek tsiro.

Jesaja 46:13

Me anau t'menge miro čačepen. Kova hi gar dour t'mendar krik. Sik lau t'men dran i bibarht vin. An o foro Sion krau i menshen barhteles. oun i Israelende sikrau miro raylepen.

Jesaja 50:9

Dikenn, o baro Devel, miro ray, hi ap miri rig. Koon hi palle, kay penell, te hi man i doosh? Lauter kolla, kay kamenn čomone ap mande pre te anell, perenn khetne har i phouro ripen, hoy an kotya perell, te rhan les i kirme pre.

Jesaja 51:6

Dikenn pre an o bolepen oun tele ap i phoub! O bolepen ferdjal har i yagakro dourho ferdjal. Oun i phoub perell an peste khetne har i ripen, oun hi gar bouder. Ninna te merenn kolla, kay ap late djivenn, har i matsille, lau me t'men dran o merepen vin hako tsireske. Oun hako tsireske čivau t'men an o čačepen.

Jesaja 54:9

Me krau kanna har an ko tsiro, kay o Noah djivas, kay dom me man sovel, te vell gar bouder yaake baro pani pral i phoub. Kava dives dau man sovel, te vap gar bouder rhoyedo ap toute, oun te čingrap gar bouder touha.

Jesaja 66:24

Oun yon djan vin, te dikenn le penge kol moule menshen an, kay mantsa phagan. Kolengro kirmo merell gar, oun lengri yag djal gar vin. Oun yon hi čadepaske halauterenge, kay dikenn le.

Daniel 9:24

Efta kope efta-deesh (70) bersha hi ko tsiro, hoy o Devel peske glan čivas, te vell o čilačepen oun i doosh krik lino tire menshendar oun dran o Debleskro foro. Palle vell i phagi krik lino oun ko čačepen vell, hoy hako tsiro ačella. Oun kova, hoy an o dikepen diklo vas, vell čačo, ninna kova, hoy o Debleskre rakepangre glan-vi penan. Oun o Debleskro kheer vell pale neves o Debleste dino.

Hosea 5:12

Me hom o khereske Efrayim har i motta, hoy rhal i ripen paash. Oun o khereske Youda hom har i kirmo, hoy rhal o kasht paash.

Louka 1:50

Yob kras peskro dji pre kol phourenge oun kolengre čavenge, lauterenge, kay shounenn ap leste, oun darenn lestar.