Jesaja 51:6 - O Debleskro Lab 2024 (Sinte-Manouche)

⁶ Dikenn pre an o bolepen oun tele ap i phoub! O bolepen ferdjal har i yagakro dourho ferdjal. Oun i phoub perell an peste khetne har i ripen, oun hi gar bouder. Ninna te merenn kolla, kay ap late djivenn, har i matsille, lau me t'men dran o merepen vin hako tsireske. Oun hako tsireske čivau t'men an o čačepen.

O Debleskro Drom 2021 (Sinte)

⁶ Dikenn pre an o bolepen un tele ap i phub! O bolepen verdjal har i jagakro ducho verdjal. Un i phub perell an peste khetne har i ripen, un hi gar buder. Ninna te merenn kolla, kai ap late djiwenn, har i matsille, lau me tumen dran o merepen win hako tsireske. Un hako tsireske tchiwau tumen an o tchatchepen.

Jesaja 51:6 ပူးပေါင်းရင်းမြစ်များ

Debleskri gili 103:17

O lačepen o baro Deblestar hi gar yaake. Kova ačella hako tsireske. An kek tsiro lell lo les krik kolendar, kay djivenn leha. Ninna lengre čavenge oun kolengre čavenge rikrell yob peskro lab,

Debleskri gili 111:3

Kova, hoy o baro Devel krella, hi raylo oun shoukar. Oun leskro čačepen ačella hako tsireske.

Jesaja 13:13

Me moukau o bolepen te trissell. Oun i phoub ačell bouder gar kote tardo, kay li kanna hi, ap ko dives, kay me, o baro Devel, o ray pral o bolepen oun i phoub, anau miri rholi pral i phoub.

Jesaja 33:6

Oun t'mer menshe an Yerusalem, t'menge vell i tsiro, kay hounte darenn či. Boud barht oun gosvepen vell t'menge. T'mer djinenn, hoy t'menge mishto oun gar mishto hi, oun djivenn o baro Debleha. Yob hi t'maro bareder bravlepen.

Jesaja 34:4

Oun i tsele bolepangre momlia perenn khetne. Oun o bolepen tserdell pes khetne har i liil, hoy vell khetne lino. Oun kol bolepangre momlia perenn tele har moule patria ap o drakengro rouk oun har fayge, hoy gar bares van ap i faygetikro rouk.

Jesaja 40:26

Hadenn t'mare yaka pre, oun dikenn: Koon kras kova? Yob anell kol tsele bolepangre momlia ap lengro drom, oun djinell kitse yon hi, oun dell hakeni pash peskro lab gole. Oun kek hi koy, hoy palle gar vell. Yaake baro oun zorelo hi lo.

Jesaja 45:17

O Israel vell vin lino o baro Deblestar dran o čilačepen hako tsireske. Kek ladj oun kek praasepen vell ap leste – an kek tsiro.

Jesaja 50:9

Dikenn, o baro Devel, miro ray, hi ap miri rig. Koon hi palle, kay penell, te hi man i doosh? Lauter kolla, kay kamenn čomone ap mande pre te anell, perenn khetne har i phouro ripen, hoy an kotya perell, te rhan les i kirme pre.

Jesaja 51:8

Lenge djal har i ripen dran bakrengro bal, hoy i kirme paash rhan. Miro čačepen ačell hako tsiro tardo, oun hako tsireske lau t'men dran i bibarht vin.

Jesaja 54:10

I berge nay djan ap i rig, oun i tikne berge nay perenn khetne, miro lačepen, kova djal gar toutar, oun kova, hoy vin kram, te ham mer mala, ačell tardo. Kova penau me, o baro Devel, kay peskro dji touke pre kras.

Jesaja 54:9

Me krau kanna har an ko tsiro, kay o Noah djivas, kay dom me man sovel, te vell gar bouder yaake baro pani pral i phoub. Kava dives dau man sovel, te vap gar bouder rhoyedo ap toute, oun te čingrap gar bouder touha.

Daniel 9:24

Efta kope efta-deesh (70) bersha hi ko tsiro, hoy o Devel peske glan čivas, te vell o čilačepen oun i doosh krik lino tire menshendar oun dran o Debleskro foro. Palle vell i phagi krik lino oun ko čačepen vell, hoy hako tsiro ačella. Oun kova, hoy an o dikepen diklo vas, vell čačo, ninna kova, hoy o Debleskre rakepangre glan-vi penan. Oun o Debleskro kheer vell pale neves o Debleste dino.

Mateo 24:35

O bolepen oun i phoub ačenna gar. Mire laba ačenna hako tsiro.

Johanni 5:24

Čačepah, me penau t'menge: Koon miro lab shounella, oun patsell ap koleste, kay man bičras, koles hi ko djipen, hoy gar pre-herella. Pral leste vell kek phagi vi-rakedo. Yob moukas ko merepen pal peste, oun djas an o djipen.

5. Mose 4:19

Te hadenn t'mare yaka pre pash o bolepen oun dikenn o kham oun o moonto oun i tsele bolepangre momlia, ma moukenn t'men kolendar krik te tserdenn, te čivenn t'men tele glan lende oun mangenn len an. T'maro baro Devel das len i menshenge an i vavar themma ap i phoub.

2. Tessalonikarja 2:16

O Devel hi maro dad oun kamell men o djiyestar. Yob hi menge lačo, oun penell menge an o dji, te kras lo lauter menge mishto, oun te lell lo men pash peste hako tsireske. Lestar mangah oun maro rayestar, o Yezous Kristestar,

Hebrearja 5:9

Oun yob kras kova lauter, oun či ačas pral, hoy hounte krals lo gomme. Yaake nay lell lo lauteren, kay ap leste shounenna, hako tsireske dran o čilačepen oun o merepen vin.

Hebrearja 9:12

Har o Yezous an o Debleskro kheer an o bolepen djas, anas lo gar i bakrengro rat peha, vitar gar i groumyengro rat. Na-a. Peskro rat anas lo glan o Debleste. Kova kras lo yek kopo oun gar boud kope. Oun yaake las lo mari doosh hako tsireske mendar.

Hebrearja 9:15

Har o Yezous Kristo meras, las lo i doosh kol menshendar krik, kay djan ap o phouro drom, oun kras lenge i nevo drom, kay nay venn le pash o Debleste, te djivenn lauter kolla, kay o Devel peske gole das, leha khetne hako tsiro, oun te lenn le ko shoukar bravlepen pash leste an o bolepen, yaake har yob penas.

Debleskro tsiro 20:11

Oun me dikom i baro parno beshepaskro oun koles, kay pre beshdo hi. I daryatar nashas i phoub oun o bolepen glan leste krik. Oun kek dikas len bouder pale.