Jesaja 51:5 - O Debleskro Lab 2024 (Sinte-Manouche)

⁵ O tsiro, kay miro čačepen vell, hi gar dour. Oun ko dives vell sik, kay lau t'men vin dran o čilačepen. Oun me vau o čačepaskro ray pral i vavar themma. I menshe, kay djivenn pash o baro pani, dikenn ap mande, te lap o kourepen krik.

O Debleskro Drom 2021 (Sinte)

⁵ O tsiro, kai miro tchatchepen well, hi gar dur. Un ko diwes well sik, kai lau tumen win dran o tchilatchepen. Un me wau o tchatchepaskro rai pral i wawar themma. I menshe, kai djiwenn pash o baro pani, dikenn ap mande, te lap o kurepen krik.

Jesaja 51:5 ပူးပေါင်းရင်းမြစ်များ

Debleskri gili 110:6

oun yob o čačepen vin rakrella, oun an hake themma boud menshen i phagi della. Palle hi boud menshe moulo čiddo ap o bourhlo them. Boud pralstoune venn khetne dino.

Debleskri gili 67:4

Maro Devel, mou parkrenn pen pash toute i menshe dran hake themma, mou sharenn le tout halauter!

Debleskri gili 85:9

Kamoms te shounap, har o baro Devel penell, te vell an leskro them oun leskre menshenge kek kourepen, yaake te djas mer gar ap dinele dromma.

Debleskri gili 96:13

glan o baro Debleste. Yob vella. Ava, yob vella, oun anell o čačepen ap i phoub. Yob rakrell o čačepen vin pral i menshende an hake themma. Oun hi lengro čačepaskro ray, kay djal pal o čačepen.

Debleskri gili 98:9

glan o baro Debleste! Yob vella oun rakrell o čačepen vin pral i tseli phoub. Yob hi o čačepaskro ray pral i tsele themma, oun dell hakeneste pal kova, hoy lo kras.

Jesaja 11:11

Oun ap ko dives hadell o Devel peskro vast i douyto kopo, te ginell lo kolen vin, kay peskre menshendar pral ačan an i themma Assour oun Egiptia, Patros, Koush, Elam, Shinar, Hamat, oun an kol panyeskre themma.

Jesaja 24:15

Hadenn o baro Debles, t'mer kay djivenn kote, kay o kham pre djal! Oun an i panyengre themma denn vin gole: “Har raylo hi o baro Devel, kay o Israeleskro Devel hi!”

Jesaja 26:4

Doleske, rikrenn t'men ap o baro Debleste hako tsiro, O baro Devel, maro ray, hi har i baro zorelo bar, pash leste nay khatrah men hako tsireske.

Jesaja 33:2

Baro Devel, ab lačes menge! Ap toute dikah. De men zoor hako dives! An ko pharo tsiro le men vin dran i bibarht!

Jesaja 40:10

Dikenn, o baro Devel, maro ray, vell bari zoryah. Oun yob hi o ray pral halauter. Kolen, kay yob vin las dran o pandepen, hi pash leste. Ava, kolen, kay yob peske ginas, djan leske glan vin.

Jesaja 42:4

Leske kokres djal gar i zoor krik, oun yob phagell vitar gar khetne, bis te kras lo, te djivenn i menshe ap i tseli phoub pal o čačepen. Oun i menshe an dour themma dikenn ap leste, te sikrell lo len peskro drom.

Jesaja 46:13

Me anau t'menge miro čačepen. Kova hi gar dour t'mendar krik. Sik lau t'men dran i bibarht vin. An o foro Sion krau i menshen barhteles. oun i Israelende sikrau miro raylepen.

Jesaja 49:1

Shounenn ap mande, t'mer kay pash o baro pani djivenn! Denn yak ap miro rakepen, t'mer an i themma, hoy dour krik hi! Har gomme gar boldo vom, das man o baro Devel gole, oun das man miro lab.

Jesaja 54:17

Kek rharo, hoy kerdo vas, te dell lo tout moulo, nay doukrell tout. Oun hako kopo, kay yek čomone ap toute pre anell, nay sikreh tou, kay yob rhorhras. Kova krau kolenge, kay mange boudrenn. Oun me sikrau, te hi yon an o čačepen, penell o baro Devel.

Jesaja 56:1

Kava penell o baro Devel: Djivenn pal mire čačepaskre laba, oun krenn, hoy čačo hi! Sik vell ko dives, kay lau t'men dran o čilačepen vin, oun čivau t'men an o čačepen.

Jesaja 59:16

Oun bare yakentsa dikell lo, te hi kek morsh koy, kay koy djal, te vell lo kolenge ap i rig, kay tele rikedo hi. Kote vas lo kokres peskri zoryah, oun peskro čačepen vas leske pash o vast.

Jesaja 60:9

Ap mande dikenn i menshe vergel o baro pani. Oun i shiffe, hoy venna dran Tarsis, oulerenna glan vin, te anenn le tire čaven, hoy dour krik his, khere. Oun lengro sonakay oun roup anenn le peha, te sharenn le tiro baro Debles. Yob kokres hi o Israeleskro čačo Devel, oun kova, kay kras tout raylo.

Jesaja 62:11

Dikenn, o baro Devel moukell kal laba te shounell ap i tseli phoub: Penenn i menshenge an o foro Yerusalem: Kova, kay lell t'men vin dran o čilačepen, hi ap o drom. Kolen yob peske khetne anas, kolla hi pash leste. Ava, kolen yob peske ginas, kolla djan glan leste.

Jesaja 63:5

Me dikom man trouyel, oun kek his koy, kay ap miri rig his. Oun kamom les gar te patsell, te rikrals kek pash mande. Koy kras man miri rholi zoreles.

Zefanja 2:11

Kanna krell o baro Devel lenge bari daar, te krell lo i rhorhene deblen ap i tseli phoub paash. Oun an hake themma vitsrenn pen i menshe glan leste tele, hakeno an peskro them.

Mateo 28:18

Oun o Yezous djas pash lende oun penas ap lende: “O baro Devel das man i zoor pral o bolepen oun pral i phoub.

Mateo 3:2

Oun yob penas i menshenge: “Moukenn t'maro čilačo drom, oun djan ap o Debleskro drom! O tsiro vell sik, kay lell o Devel i menshen dran o čilačepen vin.”

Markus 16:15

Oun yob penas ap lende: “Djan pash i tsele menshende ap i phoub oun sikrenn hakeneste miro drom!”

Louka 24:47

Oun an peskro lab hounte vell i menshenge an hake themma penlo, te moukenn le pengro čilačo drom, oun djan ap o Debleskro drom, yaake kay lell o Devel lengri doosh lendar krik. Penenn kova i menshenge an o foro Yerusalem, oun palle an i vavar themma!

Bičepangre 17:31

O Devel djinell ko dives, kay rakrell lo o čačepen vin pral i tsele menshende, oun yob djal pal o čačepen. O Devel rodas i morshes vin, te vell yob čačepaskro ray. Koles kras yob i moulendar djido. Yaake sikras o Devel hakeneste, kay yob kava morshes vin rodas.”

Remarja 2:16

Lauter kova, hoy an o mensheskro dji hi, vell diklo ap ko dives, kay hi o Yezous Kristo o čačepaskro ray oun rakrell o čačepen vin pral i menshende. Yaake penell les o Debleskro lab, hoy me i menshenge penau.

2. Korintarja 5:10

Ap ko dives, kay rakrell o Yezous Kristo o čačepen pral mende vin, hounte vas mer halauter glan leste tardo. Oun hakeno lell pal kova, hoy yob kras, har djivas lo ap i phoub: lačo koova har čilačo koova.

5. Mose 30:14

Na-a, kava lab hi pash t'mende, an t'mare mouya oun an t'mare djia, te nay djivenn koy pal.

1. Samuel 2:10

Kolla, kay čingrenn ap baro Debleste, venn moulo dino. Dran o bolepen bičrell o Devel peskri rholi pral lende. O baro Devel dell i tseli phoubyat peskri phagi. Yob rodell koles vin, kay baro ray vell, oun dell les bari zoor.