Jesaja 51:22 - O Debleskro Lab 2024 (Sinte-Manouche)

²² Kava penell o baro Devel, kay tiro ray oun tiro Devel hi, kova, kay lell o koova leskre menshendar an peskro vast: Dik, me lau ko khoro, hoy tout mates kras, dran tiro vast vin. Tou hounte piyess bouder gar dran o khoro, hoy pherdi miri rholi his.

O Debleskro Drom 2021 (Sinte)

²² Kawa penell o baro Dewel, kai tiro rai un tiro Dewel hi, kowa, kai lell o koowa leskre menshendar an peskro wast: Dik, me lau ko khoro, hoi tut mates kras, dran tiro wast win. Tu hunte pijess buder gar dran o khoro, hoi pherdi miri choli his.

Jesaja 51:22 ပူးပေါင်းရင်းမြစ်များ

Debleskri gili 35:1

I gili o Davidestar. Baro Devel, le miro koova an tiro vast oun činge kolentsa, kay mantsa čingrenna! Koure tout kolentsa, kay kourenn pen mantsa!

Debleskri gili 60:3

Miro Devel, tou čival men pale, oun tradal men kate te kote. Bari rholi hi tout ap mende. Rake mentsa pale lačes!

Gosewe laba 22:23

O baro Devel lell lengro koova an o vast. Oun kova, kay len vin randas, koleske lell yob o djipen krik.

Jesaja 29:9

Krenn doureder, har te vans dinelo an o shero! Krenn doureder, har te vans korelo ap i douy yaka! T'mer han mato – oun piyan kek mool. T'mer perenn yek rigyatar ap i vavar – oun piyan kek zorelo pipen.

Jesaja 3:12

Mire menshe, penell o baro Devel, t'mare pralstoune hi čave. Oun djouvya hi i raya pral t'mende. Kolla kay hounte sikrans t'menge o drom, anenn t'men o čačo dromestar tele, oun krenn, te nashrenn t'men.

Jesaja 3:13

Koy vell lo, o baro Devel, te penell lo, kones čačes hi an o čingepen. Yob hi koy tardo, te krell lo o čačepen vin pral peskre menshende.

Jesaja 49:25

Kava hi kova, hoy vell, penell o baro Devel: Ninna ko zorelo morsheske venn leskre pandlen krik lino. Oun kolen, hoy ko zorelo ray randas, venn leske krik tserdedo. Kolla, kay kourenn pen touha, kolentsa kourau me man, oun tire čaven lau dran lengre vasta vin.

Jesaja 51:17

Ste pre! Ste pre! Hade tout, Yerusalem! Tou piyal dran o baro Debleskro khoro, hoy his pherdi leskri rholi. Tou hounte piyal ko khoro vin, bis te či bouder an leste his. Kolestar val har yek, kay hi mato, oun nay vell bouder gar tardo ap peskre herya.

Jesaja 62:8

O baro Devel das pes sovel oun das peskro čačo vast pre, oun hadas peskri zoreli moussi, oun penas, te dell kek tsiro bouder, kay moukell lo kolen tiro djob te rhal, kay kourenn pen touha, oun vitar gar i menshen dran vavar themma tiri mool te piyell, kolake tou yaake phares boudral.

Jeremia 25:15

O baro Devel, ko Devel pral o Israel, penas ap mande: Le ko khoro mool dran miro vast. Kava khoro hi pherdi miri rholi. De les i tsele natsyonenge te piyell, pash kolende me tout bičrau.

Jeremia 50:34

O dives vell, kay lau len kote vin, me hom zorelo. Me, o baro Devel, ko ray pral o bolepen oun i phoub, lau lengro koova an miro vast, oun lau o kourepen krik i phoubyatar, Pral i menshende an o them Babilonia anau traash.

Jeremia 51:36

Doleske penell o baro Devel ap o foro Yerusalem: Dik, me kamau tiro koova an miro vast te lell. Me krau, te vell lengro lengsto pani Eufrat trouk, oun te nashell an lengre vavar panya bouder kek pani.

Ropaskre gilja 3:15

Shoutlo zenlepen das lo man rhapaske, oun shoutlo pipen te piyell.

Ropaskre gilja 3:58

Miro ray, tou lal miro koova an tiro vast, oun lal miro djipen dran o merepen.

Ezekiel 39:29

Me čorau miro dourho vin ap o kheer Israel, oun moukau len bouder gar. Kava penell o baro Devel, maro ray.

Joel 3:2

An ko tsiro čorau miro dourho ninna vin pral i boudepangre, morsha har djouvya.

Obadja 1:16

T'mer menshe dran Youda, kay djivenn ap miri berga, t'menge penau: Yaake har piyan t'mer dran o khoro miri rholyatar, yaake hounte piyenn palle i tsele vavar menshe ap i phoub koy dran hako dives. Yon hounte čorenn o pipen an pende dren, bis te či bouder dren hi, oun kek lendar bouder koy hi. Palle vell, har te dans yon gar.

Micha 7:9

Djinau, me moukom o baro Debleskro drom. Doleske vas leskri rholi ap mande. Me hidjrau lat, bis te lell yob miro koova an leskro vast, oun dell man miro čačepen. Yob sikrell man peskri momeli, te dikap, har lačo yob ap mande hi.

Zakarie 12:2

“Shounenn, me krau, te vell o foro Yerusalem har i čaro, kay i zorelo pipen dren hi. I menshe dran i themma trouyel, kay venn, te kourenn le pen o foreha, piyenn lestar oun venn har mate, kay nay ačenn bouder gar ap i pire tardo. Ninna pral i menshende an o them Youda vell kova ap ko tsiro, kay hi o foro Yerusalem dren pandlo.

Mateo 20:22

Penas o Yezous: “T'mer djinenn gar, hoy mangenna mandar. Nay lenn t'mer kol douka ap t'mende, hoy me hounte lap ap mande?” Penan le: “Ava, ko nay krah mer.”

1. Samuel 25:39

Oun har o David shounas, te meras o Nabal, penas lo: “Sharedo vell o baro Devel, kay i ladj, hoy o Nabal ap mande anas, ap leste pale anas. Oun man, peskro boudepaskres, rikras lo pale, te krap i čilačo koova. Oun ko čilačo koova, hoy o Nabal kras, moukas o baro Devel ap leskro shero pale te perell.” Oun o David bičras morshen pash i Abigayil, oun moukas lake te penell, te kamell lo lat te romedinerell.