Jesaja 51:17 - O Debleskro Lab 2024 (Sinte-Manouche)

¹⁷ Ste pre! Ste pre! Hade tout, Yerusalem! Tou piyal dran o baro Debleskro khoro, hoy his pherdi leskri rholi. Tou hounte piyal ko khoro vin, bis te či bouder an leste his. Kolestar val har yek, kay hi mato, oun nay vell bouder gar tardo ap peskre herya.

O Debleskro Drom 2021 (Sinte)

¹⁷ Ste pre! Ste pre! Hade tut, Jerusalem! Tu pijal dran o baro Debleskro khoro, hoi his pherdi leskri choli. Tu hunte pijal ko khoro win, bis te tchi buder an leste his. Kolestar wal har jek, kai hi mato, un nai well buder gar tardo ap peskre herja.

Jesaja 51:17 ပူးပေါင်းရင်းမြစ်များ

Hiob 21:20

oun dikell peskre yakentsa peskri bibarht, oun hayvell kokres, har kova hi, te vell o zorelo Debleskri rholi ap leste.

Debleskri gili 11:6

Mou dell lo i čilačen i phagi: Yag oun yagakri khand moukell lo pral lende te perell, oun i tato dourho phourdell ap lende.

Debleskri gili 60:3

Miro Devel, tou čival men pale, oun tradal men kate te kote. Bari rholi hi tout ap mende. Rake mentsa pale lačes!

Debleskri gili 60:5

Tou moukal tire menshen pharo koova te dikell. Tou dal men savi mool te piyell, te vam mato.

Debleskri gili 75:10

Me kamau o Deblestar te rakrell hako tsiro. Oun leske, ko Yakobeskro Debleske, givau oun bashrau.

Debleskri gili 75:8

Na-a, o Devel hi o čačepaskro ray, kay ko yekeske i zoor krik lell, oun o vavares bares krell.

Jesaja 29:9

Krenn doureder, har te vans dinelo an o shero! Krenn doureder, har te vans korelo ap i douy yaka! T'mer han mato – oun piyan kek mool. T'mer perenn yek rigyatar ap i vavar – oun piyan kek zorelo pipen.

Jesaja 40:2

“Rakrenn i menshenge an Yerusalem an o dji, oun penenn lenge: Ko tsiro hi trouyel, kay hounte boudran tel douka oun dava. T'mari tseli doosh hi playsedo. O baro Devel das t'men i phagi, hoy his yaake baro, har te lans douy kope i phagi t'maro tselo čilačepaske.”

Jesaja 51:21

Doleske shoun tou kava, tou bibarhteli, kay mati hal, i molyatar hal gar mati:

Jesaja 51:22

Kava penell o baro Devel, kay tiro ray oun tiro Devel hi, kova, kay lell o koova leskre menshendar an peskro vast: Dik, me lau ko khoro, hoy tout mates kras, dran tiro vast vin. Tou hounte piyess bouder gar dran o khoro, hoy pherdi miri rholi his.

Jesaja 51:9

Baro Devel, ste pre, ste pre! Sike tiri zoor! Ste pre har an kol phoure tsirya, har mare phourenge ap i rig val. Hals gar tou kova, kay o baro panyeskro sap, i Rahab, an kotya das?

Jesaja 52:1

Ste pre! Ste pre, Sion! Ab pale zoreles! Čip tire kouč rayengre ripya ap toute, Yerusalem, tou Debleskro foro! Čačepah, kek tsiro vell kanna bouder, kay djal yek an toute dren, hoy gar činlo vas ap peskro mass, vitar gar yek, kay glan mande pale-čiddo hi.

Jesaja 63:6

Oun me stakrom i menshen an vavar themma khetne an miri rholi. Oun yon van mato dran miro rholi. Oun me moukom lengro rat ap i phoub te nashell.

Jeremia 13:13

Palle pen lenge: Kova penell o baro Devel: Me kamau lauteren mato te krell, kay djivenn an kava them: kol bare rayen, kay ap o Davideskri beshepaskri beshdo hi, i rashayen oun o Debleskre rakepangren oun i tsele menshen, kay djivenn an o foro Yerusalem.

Jeremia 25:18

Kolla his i menshe pengre bare rayentsa oun pralstunentsa an o foro Yerusalem oun an kol vavar forya an o them Youda. Yon hounte piyenn, te venn le khetne dino oun paash kerdo, yaake te denn i vavar menshe i vasta khetne pral o shero oun rakrenn lendar har praasede menshendar.

Jeremia 25:27

Oun o baro Devel penas mange: Pen lenge: Kova hi, hoy penell o baro Devel, ko ray pral o bolepen oun i phoub, kones i Israelitarya an-mangenn: Piyenn, te venn mato oun hounte čadenn, bis te perenn tele oun nay stenn gar bouder pre! Perenn an o rharo, hoy bičrau mank t'mende!

Jeremia 44:6

Doleske vas miri rholi yaake baro, oun rhačas har i yag an i forya an o them Youda oun ap i dromma an o foro Yerusalem, te ačas lendar či har barra pral. Oun kek nay djivell kote, yaake har ap kava dives hi.

Zakarie 12:2

“Shounenn, me krau, te vell o foro Yerusalem har i čaro, kay i zorelo pipen dren hi. I menshe dran i themma trouyel, kay venn, te kourenn le pen o foreha, piyenn lestar oun venn har mate, kay nay ačenn bouder gar ap i pire tardo. Ninna pral i menshende an o them Youda vell kova ap ko tsiro, kay hi o foro Yerusalem dren pandlo.

Mateo 20:22

Penas o Yezous: “T'mer djinenn gar, hoy mangenna mandar. Nay lenn t'mer kol douka ap t'mende, hoy me hounte lap ap mande?” Penan le: “Ava, ko nay krah mer.”

1. Korintarja 15:34

Djan o čačo drom! Ma piyenn t'men mato! Djivenn bouder gar an o čilačepen! Mank t'mende hi menshe, kay djinenn gar, koon o Devel hi. Oun kova penau t'menge, te ladjenn t'men.

Efesarja 5:14

Oun kova, hoy diklo vella, ačell gar an o tamlepen.

5. Mose 28:28

Ninna krell lo t'men narvelo oun korelo. Oun t'mer venn nasselo an o shero.

5. Mose 28:34

Oun tou veh dinelo pral kova lauter, hoy tire yaka hounte dikenn.

Debleskro tsiro 14:10

Yon hounte piyenn o Debleskri mool. Kay mool hi o Debleskri rholi. Kaya hi yaake zoreli har i mool, kay kek pani dren hi. Kolla, kay mangenn o firhes an, hounte djan an i bari yag. Oun koy yag oun i yagakri khand krenn lenge bare douka. Oun yon dikenn o Debleskre bolepangren oun o terno bakres.

Debleskro tsiro 16:19

Oun o baro foro phagas an triin kotya. Oun i forya an i vavar themma peran khetne. O Devel bistras ko baro foro Babilon gar, oun moukas i menshen kote peskri rholi te piyell har mool.

Debleskro tsiro 18:6

Krenn ap late yaake, har yoy ap t'mende kras! Denn lat douy kope yaake boud čilačepen pale, har yoy ap t'mende kras! Denn lat i pipen te piyell, hoy hi douy kope zorleder har kova, hoy yoy das t'mende te piyell!

Čačepangre 5:12

Dja glan! Dja glan, Debora! Dja glan, gib i gili! Dja glan, Barak, tou o Abinoameskro čavo! Oun le stildo kolen, hoy tou tapral!