Jesaja 51:14 - O Debleskro Lab 2024 (Sinte-Manouche)

¹⁴ Kolla, kay tele rikede hi, venn sik vin dran o pandepen. Yon merenn gar an lengro stilepen, oun len vell doha rhapen.

O Debleskro Drom 2021 (Sinte)

¹⁴ Kolla, kai tele rikede hi, wenn sik win dran o pandepen. Jon merenn gar an lengro stilepen, un len well doha chapen.

Jesaja 51:14 ပူးပေါင်းရင်းမြစ်များ

Esra 1:5

Kote kran le pen ap o drom, te čivenn le o baro Debleskro kheer pale pre an o foro Yerusalem. Kolla, kay djan, his i pralstoune pengre familyendar dran Youda oun Benyamin, ninna i rashaya oun i Levitarya, halauter kolla, kolenge o Devel o dji pre kras, te djan le kote.

Jesaja 30:20

Ninna te das lo t'men yaake boud kourepen oun i pharo djipen har maro oun pani, sikrell lo t'menge kanna peskro drom, oun khatrell pes gar bouder glan t'mende. Ko dives vella, kay dikenn t'mer les t'mare yakentsa.

Jesaja 33:6

Oun t'mer menshe an Yerusalem, t'menge vell i tsiro, kay hounte darenn či. Boud barht oun gosvepen vell t'menge. T'mer djinenn, hoy t'menge mishto oun gar mishto hi, oun djivenn o baro Debleha. Yob hi t'maro bareder bravlepen.

Jesaja 48:20

Djan vin dran Babilon! Sik, nashenn dran o them Kaldea! Denn vin gole i barhtyatar, oun penenn kava doureder, yaake te shounenn le kova ap i tseli phoub. Penenn: O baro Devel las peskro boudepaskres, o Yakobes, vin dran o pandepen!

Jesaja 49:10

Yon bokenna gar oun troushenna vitar gar. Oun o tato dourho dran o moulo them doukrell len gar, vitar gar dell len o kham čourye. Me, kay man i baro dji lenge hi, sikrau lenge o drom, oun anau len pash shila pani, te nay piyenn le.

Jesaja 49:25

Kava hi kova, hoy vell, penell o baro Devel: Ninna ko zorelo morsheske venn leskre pandlen krik lino. Oun kolen, hoy ko zorelo ray randas, venn leske krik tserdedo. Kolla, kay kourenn pen touha, kolentsa kourau me man, oun tire čaven lau dran lengre vasta vin.

Jesaja 52:2

Yerusalem, ste pre dran i čik! Trissle koy čik tele! Oun besh tout ap i rayeskri beshepaskri! Vitse kol shelle tele, hoy troul tiri meen pandlo hi, tou stildi čay Sion!

Jeremia 37:16

Yaake vas o Yeremia stildo an i isema dour tele an kava kheer. Kote ačas lo boud divessa.

Zakarie 9:11

Shounenn, penell o baro Devel, me anau t'mare pandlen vin dran o stilepen, vin dran o them, hoy hi har i brounna, kay kek pani dren hi. Kova vell yaake čačo har koy sovel, hoy t'mentsa dren djom, oun hoy rateha čačo vas.