Jesaja 50:1 - O Debleskro Lab 2024 (Sinte-Manouche)

¹ Kava penell o baro Devel: Kay hi ko liil, hoy me hounte činoms, kay dren tardo hi, te moukom me t'mari dat? Koon hi kova, pash koleste man siyaan vals oun t'men leske bikroms. Dran t'mari doosh han bikedo. T'mer peran miro dromestar tele. Doleske hi t'mari day mouklo.

O Debleskro Drom 2021 (Sinte)

¹ Kawa penell o baro Dewel: Kai hi ko liil, hoi me hunte tchinoms, kai dren tardo hi, te mukom me tumari dat? Koon hi kowa, pash koleste man sijaan wals un tumen leske bikroms. Dran tumari doosh han bikedo. Tumer peran miro dromestar tele. Doleske hi tumari dai muklo.

Jesaja 50:1 ပူးပေါင်းရင်းမြစ်များ

1. Rajengro liil 21:25

Čačepah, kek his koy har o Ahab, kay bikras pes, te krell lo o čilačepen glan i yaka o baro Deblestar. Oun leskri romni, i Isebel, his koya, kay anas les ap kava čilačo drom.

2. Rajengro liil 17:17

Oun yon moukan pengre čave oun ča an i yag te rhačrell, oun kran dourkepen oun dravepen. Oun yaake dan le pen an savo koova, hoy glan o baro Debleskre yaka djoungeles hi oun rhoyran les.

2. Rajengro liil 4:1

Kote his i djouvel, kolakro rom his i Debleskro rakepaskro. Koya das pal o Elisa gole oun penas: “Tiro boudepaskro, miro rom, meras. Oun tou djineh, kay lo ap o baro Debleskro drom djas. Oun kanna vell ko morsh, kay miro romes siyaan hi pash leste, oun kamell mire douy čaven te lell, te venn le leskre ginle boudepangre.”

Nehemia 5:5

Yon lauter penan: “Mer ham har mare phrala, lengro mass oun rat. Mare čave hi har lengre čave! Oun mer hounte das mare čaven oun čen lende, te venn le lengre boudepangre. Oun mank mare čende hi save, kay van zoryah an-tapedo. Oun mer nay krah či. Oun mari harhetikri phoub oun maro drakengro them hi vavaren.”

Ester 7:4

Mer vam bikedo, me oun mire menshe, te vas mer maredo, yaake te ačell kek mendar djido. Te vams mer kokres bikedo, morsha oun djouvya, te vas ginle boudepangre, kroms miro mouy gar pre. Kova vals gar phares doha, te vap koleha pash o baro rayeste.”

Debleskri gili 44:12

Har firhe, hoy venn maredo, dal tou men pre. Oun an i tsele themma trouyel tradal tou men, yaake te ačam gar khetne.

2. Mose 21:7

Te bikrell i morsh peskri čat, te vell li i pandli boudepaskretsa, palle hounte ačell li pandli. Oun yoy nay djal peske gar, har i pandlo boudepaskro morsh nay djal peske.

Jesaja 1:28

Khetne phagedo venn kolla, kay o Debleskro dromestar tele djan, khetne kolentsa, kay doosh ap pende anan. Oun kolla, kay o baro Debles moukan, hounte merenn.

Jesaja 27:8

Na-a, yob das len lengri phagi, har yob len pestar krik bičras. Dran lengro them van le krik tradedo har i zorelo dourheha, hoy kotar phourdell, kay o kham pre djal.

Jesaja 43:27

Tiro phouro dad, kolendar t'mer lauter van, ninna kova las doosh ap peste, oun tire rakepangre phagan mantsa.

Jesaja 46:8

Bistrenn kova gar, t'mer, kay peran o Debleskro dromestar tele! Moukenn les an t'maro dji te djal!

Jesaja 52:3

Kava penell o baro Devel: Čičeske van t'mer bikedo, oun gar lovenge venn t'mer pale vin ginlo.

Jesaja 54:6

Tou hal har i djouvel, kay mouklo vas, oun kolakro dji ratell. Kanna dell tout tiro baro Devel pash peste gole oun penell: Har nay tradoms miri romyat krik, kolat vin rodom, har terno homs?

Jesaja 54:7

I tikno tsireske moukom tout. Kanna krau miro dji bares pre touke oun lau tout pale pash mande.

Jesaja 58:1

De bari gole! Rike tout gar pale! Hade tiri gole, te vell li yaake zorelo har i phourdepaskri! Oun pen mire menshenge, havo čilačo koova yon kran! Ava, pen o khereske Yakob, havi doosh yob ap peste las!

Jesaja 64:6

Oun koy hi kek, kay tiro lab an-gole dell, kek, kay vell pash toute, te rikrell lo pes ap toute. Čačepah, tou kameh bouder či mendar te djinell, oun moukeh men tapedo an maro čilačepen.

Jeremia 3:1

O baro Devel penas: Te bičras i morsh peskri romyat krik, oun yoy djal pash i vavar morsheste, nay lell yob lat gar pale. Palle vals ko them pale-čiddo. Tou dal tout trouyel boudentsa, oun kameh pale pash mande te vell?

Jeremia 3:8

har me lakri phenyat, i Israel, krik bičrom koleske, kay das li pes vavar morshentsa trouyel, oun dom lat i liil, kay činlo hi, te bičrom lat krik. Kova kras i rhorheni Youdake kek daar. Yoy djas koy oun das pes ninna trouyel vavar morshentsa.

Jeremia 4:18

Hoy t'mer kran oun har djivan, anas t'menge kova dren. Kova vell dran t'maro čilačepen, te djal t'menge yaake djoungelo, oun djal t'menge an t'maro dji.

Hosea 4:5

Doleske perenn t'mer rashaya ap o dives, oun o Debleskro rakepaskro, kay pash t'mende hi, perell ratsyake. Oun o kheer Israel, t'mari day, krau paash.

3. Mose 25:39

Te vell tiro phraal yaake čorvelo, te bikrell lo pes ap toute, palle moukess les gar kova te krell, hoy i ginlo boudepaskro hounte krell.

Mateo 18:25

Kova nashte playsras kova gar pale. Koy penas o ray: Bikrenn les peskri romyah, oun peskre čaventsa, oun lauterentsa, hoy les hi! Oun denn man kol love, hoy t'mer lenge dren lenna!

5. Mose 32:30

Har nay las yek lourdo i zero (1.000) Israelitaryen palla? Har nay tradan douy lourde deesh-zerya (10.000) Israelitaryen yaake, te nashan le penge i daryatar? Kova vas, har o baro Devel, lengro rikepaskro, len an kolengre vasta das.