Jesaja 5:26 - O Debleskro Lab 2024 (Sinte-Manouche)

²⁶ Oun yob bičrell i sikepen i menshenge an i them, hoy dour krik hi. Oun yob sholell, te venn le dran o palstouno i phoubyatar. Dik, kote venn le – yaake sik har djala!

O Debleskro Drom 2021 (Sinte)

²⁶ Un job bitchrell i sikepen i menshenge an i them, hoi dur krik hi. Un job sholell, te wenn le dran o palstuno i phubjatar. Dik, kote wenn le – jaake sik har djala!

Jesaja 5:26 ပူးပေါင်းရင်းမြစ်များ

Debleskri gili 60:4

Tou kral, te trissas i phoub yaake, te phagas li. Kre lat pale tseles, te phagell li gar khetne!

Debleskri gili 72:8

Oun yob vell o baro ray pral i tsele themma, foun yek baro pani bis pash o vavar baro pani.

Jesaja 10:3

Hoy kamenn t'mer te krell ap ko dives, kay vell t'mari phagi pral t'mende? Ap ko dives, kay vell i bibarht foun doural pral t'mende? Pash koneste kamenn t'mer palle te nashell? Oun kay moukenn t'mer palle t'maro bravlepen?

Jesaja 11:12

Oun yob čivell i sikepen pre, te sikrell lo kol menshen an i vavar themma, te anell lo kolen khetne, kay dran Israel oun Youda vin tradedo his. Kolen anell lo pale dran hake rigya i phoubyatar.

Jesaja 13:2

Ap i bari nangi berga čivenn i sikepen pre! Denn zoreles i lourden khetne gole! Sikrenn len i vastentsa, te djan le dren an o foreskre voudya, kay i raya djivenn.

Jesaja 13:3

Me, o baro Devel, dom mire zorele kourepangren khetne gole. Kolla, kay hadenn man barhteli golyah, čivom mange ap i rig, te anenn le miri rholi pral lende.

Jesaja 13:4

Shounenn i bari gole ap i berge har boud boud menshendar! Shounenn koy bari gole, hoy denn i menshe dran boud themma, kay kate khetne van. O baro Devel, ko ray pral o bolepen oun i phoub, anell peskre lourden o marepaske khetne.

Jesaja 13:5

Dran dour themma venn le koy, i palstouni rigyatar i phoubyatar. O baro Devel vell kolentsa, kay leskri rholi pral o tselo them anenna, te krenn le halauter paash.

Jesaja 18:3

Denn yak, t'mer menshe, kay ap i phoub djivenn, te rikrell yek o themeskri plarhta pre pral ap i berge, palle denn yak! Oun te phourdell yek an i phourdepaskri, palle shounenn koy!

Jesaja 30:16

T'mer penenn: “Na-a, ap graya kamah sik te klissell. Mare graya hi sik naashepangre.” Ava, t'mer nashenn sik t'menge. Oun kolla, kay t'men palla lenn, nashenn gomme sikeder.

Jesaja 31:9

Oun lengre zorele kourepangre hi har moulo i trashatar, oun lengre pralstoune moukenn koy pre-čiddi plarhta, hoy lengro sikepen his. Kova penell o baro Devel, kay ap i berga Sion khere hi, kay leskri yag rhačell. Oun leskro bob hi an o foro Yerusalem.

Jesaja 39:3

Kote vas o Debleskro rakepaskro Yesaya pash o rayeste Hiskiya oun poučas lestar: “Hoy penan kal morsha? Oun havo themestar van le pash toute?” O Hiskiya penas: “Yon van dran i dour them kate pash mande, dran o them Babilonia.”

Jesaja 7:18

An ko tsiro phourdell o baro Devel an i tikni phourdepaskri: Oun lourde venna dran o them Egiptia har matsille, oun dran o them Assour har bine.

Jeremia 4:13

Dik, har volke vell ko marepaskro. Leskre kourepangre vourdya hi sik har i phourdepen, oun leskre graya hi sikeder har i adlari. Havi bibarht! Mer ham nashedo!

Jeremia 5:15

Pen kol menshenge an Israel: Me anau menshen foun doural pash t'mende, penell o baro Devel, menshe, kolengro rakepen, oun hoy yon penenna, hayvenn t'mer gar. I phouri natsyona hi le. Oun len hi bari zoor.

Jeremia 51:27

Hadenn o kourepaskri plarhta pre ap i phoub! Phourdenn an i phourdepaskri an i tsele themma! Denn i rayen pral i vavar themma gole, te djan le an o kourepen o foreha Babilon! Penenn i bare rayenge pral i themma Ararat, Minni oun Ashkenas, te bičrenn le lourden, te kourenn le pen i menshentsa an Babilon! Rodenn lourdengre pralstunen vin! Anenn yaake boud graya khetne har stepangre!

Ropaskre gilja 4:19

Kolla, kay men palla lan, his sikeder har i adlarya tel o bolepen. Ap o pralstouno them lan le men palla, oun an o moulo them louran le menge pre.

Ezekiel 38:17

Kava penell o baro Devel, maro ray, ap toute: Tou hal ko morsh, kolestar moukom mire rakepangren glan i rah tsiro te rakrell, kolla, kay kran, hoy lenge penom. An lengro tsiro penan le i Israelenge glan-vi, te moukau tout pral lende te vell.

Joel 2:7

Yon nashenn har zorele morsha, oun stenn pral i massurya har kourepangre; kek lendar moukell peskro drom, oun djal gar čačes vitar gar serves o dromestar tele.

Habakuk 1:8

Lengre graya hi sikeder har i bare divye margodje. Oun yon dandrenn sikeder har i divye djoukle an i rati. Lengre boud lourde venna dran i dour them, oun klissenna yaake sik har i adlari tele djal, te taprell lo i firhes.

Zakarie 10:8

Me kamau mire menshen gole te dell, ava, khetne gole te dell, te lap len vin kotar, kay le pandle hi. Yon te venn yaake boud har an o phouro tsiro.

Maleachi 1:11

O baro Devel, ko ray pral o bolepen oun i phoub, penell: Foun kotar, kay o kham pre djala, bis kote kay o kham tele djal, vell miro lab sharedo pash kolende an i vavar themma. An boud gaba oun forya rhačrenn le mange soungepaskro koova oun firhen, hoy hi lačo an mire yaka. Kolla lauter sharenn miro lab.

5. Mose 28:49

Menshen dran i dour them, foun i vavar rig i phoubyatar, anell lo pral t'mende. Sik har i baro čirklo venn le pral t'mende. Lengro rakepen hayvenn t'mer gar.