Jesaja 5:17 - O Debleskro Lab 2024 (Sinte-Manouche)

¹⁷ Mank i barra ko paash-dino forestar nashenn i bakre trouyel oun rodenn o rhapen. Oun i bouzya rhan mank i khera, hoy kol bravele pale hounte moukan.

O Debleskro Drom 2021 (Sinte)

¹⁷ Mank i barra ko paash-dino forestar nashenn i bakre trujel un rodenn o chapen. Un i busja chan mank i khera, hoi kol brawele pale hunte mukan.

Jesaja 5:17 ပူးပေါင်းရင်းမြစ်များ

Nehemia 9:37

Oun ko boud koova, hoy i phoub vin anell, lenn kol bare raya, kolla kay tou pral mende čival, har anam doosh ap mende. Oun yon krenn mentsa oun mare firhentsa har yon kamenn. Oun maro djipen hi yaake pharo.

Debleskri gili 119:70

Kolla menshe pandan pengre djia, te hayvenn le gar tiro lab. Me hom barhtelo, te djap tiro drom.

Debleskri gili 17:10

Lengre djia pandenn le, te khaytell len kek, oun pengro mouyeha krenn le pen bares.

Debleskri gili 17:14

Baro Devel, tiro vasteha le man vin dran o vast kol menshendar, kay djivenn i phoubyake. Lengro bravlepen lenn yon an kava djipen! Tou kreh lengro per pherdo ko koova, hoy tou lenge deh. Ninna lengre čave venn čalo, oun moukenn pral pengre čavenge.

Debleskri gili 73:7

Dran lengre djia vell čilačepen. Oun yon krenn lauter pal pengro shero.

Jesaja 1:7

T'maro them hi i moulo them, t'mare forya van tele rhačedo. Glan t'mare yaka rhan i vi-themarya kova, hoy ap t'mari phoub bares vas. Lauter hi moulo oun paash, har te perans i divye koy pral.

Jesaja 10:16

Doleske bičrell o baro Devel, ko ray pral o bolepen oun i phoub, i nasslepen ap i pesse menshende an o them Assour, hoy rhal len pre. Oun i yag rhačrell lengro bravlepen pre.

Jesaja 17:2

Kol forya an Syria hi mouklo, oun i firhe nay rhan kote, oun kek hi koy, kay len krik tradell.

Jesaja 32:14

An o rayeskro kheer vell kek bouder. Mouklo vell o foro, kay yaake boud menshe trouyel nashenn. I zorele barrengre khera oun o turmo, kay pral an o foro tardo hi, perenn khetne. Oun mank lende djivenn divye bourike i rah tsireske, oun bakre oun groumya rhan kote.

Jesaja 40:11

Yob dell yak ap lende har i bakrengro dell yak ap peskre bakre oun dell len te rhal, oun lell i terne bakren an peskre moussya, oun hidjrell len an peskri baya. Oun kolla, kay len terne hi, lenge djal lo lačes trouyel.

Jesaja 65:10

Mire menshenge, kay poučenn pal mande, vell i tala Sharon koy platsa, kay anenn le pengre bakre, oun i tala Akor vell koy platsa, kay ačenn pengre groumya.

Jesaja 7:25

Ninna koy phoub, hoy kanna i harhetikri phoub hi, vell yaake pherde soubyengre bourra oun soubyengro zenlepen, te darenn i menshe, te djan le koy. Oun yon tradenn i groumya koy, oun i bakre stakrenn lauter khetne.

Jeremia 5:28

Thoullo oun pesso hi le, oun moukenn gar tele te krenn le čilačepen. O čačepen lenn le gar an o vast, te lenn kolendar pengro čačepen, kay čorvelo hi, ninna kol čavendar, kay len kek dad bouder hi.

Ropaskre gilja 5:2

Ko them, hoy men dal, hi an i vavarengro vast. Oun an mare khera djivenn vi-themarya.

Hosea 4:16

I menshe an Israel hi har i divyi groumni, oun moukenn pen či te penell. Har nay krals o baro Devel lentsa, har te vans le tikne bakre, oun nay anals len vin ap i bourhlo kotar phoub, te hatsenn le kote zenlepen?

Hosea 8:7

Kova, hoy le krenn, hi har te čivans le i dourho an i phoub oun kek djob. Oun hoy vin vell, hi i baro phourdepen. Kek djob vell baro. Kova hoy pre djal, anell kek yarro. Oun te anals kova yarro, vans vavar menshe oun rhans les pre.

Micha 2:12

T'mer, Yakobeskre čave, me anau t'men khetne, – halauteren, kay ačan pral foun o tselo Israel. Anau t'men khetne, har anell i bakrengro peskre bakren an lengro kheer. Yaake har anell lo peskre boud bakren kote, kay le khere hi, yaake anau t'men an t'maro them. Oun o them vell pherdo t'mendar.

Zefanja 2:14

Boud firhe djivenn koy dren, ninna divye firhe hi kote khere. Ratsyakre čirkle djivenn mank i tele phagede turme. O mouleskro čirklo dell gole dran i vorhni. Oun o korako dell gole glan o voudar. Ko shoukar kasht i kherendar hi tele phagedo.

Zefanja 2:6

Ko them pash o baro pani vell i them, kay i bakre anlo venn, te rhan le kote pengro zenlepen. Oun i bakrenge djan kote trouyel, oun anenn pengre bakre oun bouzya pash o pani.

Louka 21:24

Boud venna maredo o rhareha. Vavar venna pandlo oun venna an i vavar themma anlo. Oun o foro Yerusalem vell kol menshendar khetne stakedo, kay venna dran vavar themma. Kova djal yaake rah, har o Devel moukell len kova te krell.”

5. Mose 28:33

Lauter, hoy ap tiri harhetikri phoub baro vas, koleske tou phares boudral, rhan save menshe, kay venn dran i dour them. Oun tou veh zoryah tele rikedo, oun hounte boudress tel douka tiro tselo djipen.

5. Mose 32:15

O Yeshourun djivas i shoukar djipen, his čalo oun bravelo. Har vas lo pesso, phourdas lo pes pre. Oun moukas o Debles, kay les kras, oun vitsras les ap i rig. Leskro zorelo rikepaskro his leske či moldo.