Jesaja 49:8 - O Debleskro Lab 2024 (Sinte-Manouche)

⁸ Kava penell o baro Devel: Har his o tsiro mishto, shounom ab tiri gole. Har vas ko dives, kay lom tout vin dran i bibarht, vom ap tiri rig. Oun me dom yak ap toute. Me lom tout: – te vess i drom, kay nay venn i menshe dran hake themma pash mande, – te čivess pale o them pre tardo, – te dess tou lende kol kotya them, hoy lenge hi, oun kanna mouklo hi,

O Debleskro Drom 2021 (Sinte)

⁸ Kawa penell o baro Dewel: Har his o tsiro mishto, shunom ab tiri gole. Har was ko diwes, kai lom tut win dran i bibacht, wom ap tiri rig. Un me dom jak ap tute. Me lom tut: – te wess i drom, kai nai wenn i menshe dran hake themma pash mande, – te tchiwess pale o them pre tardo, – te dess tu lende kol kotja them, hoi lenge hi, un kanna muklo hi,

Jesaja 49:8 ပူးပေါင်းရင်းမြစ်များ

2. Samuel 7:13

Kova krell mange i kheer. Oun me krau te ačell lo hako tsiro baro ray.

Debleskri gili 2:8

Te mangeh mandar i tsele themma, dau me len toute. Ava, i tseli phoub dau me toute, te vell li tiro.

Debleskri gili 69:13

Ap i platsa, kay le khetne venn, rakrenn le pral mande. Oun mate givenn gilya pral mande.

Debleskri gili 75:3

“Te vas miro tsiro”, penell o Devel, “rakrau o čačepen vin pral hakeneste.

Jesaja 26:3

Baro Devel, tou rikreh tire vasta pral kolende, kay moukenn pen gar toutar krik te tserdell, oun deh len shoukapen an o dji. Ap toute rikrenn le pen.

Jesaja 27:3

Me, o baro Devel, dau ap leste yak, oun dau les pale te pale pani. Kek tsiro moukau les dran miro yak, yaake te nay krell les kek čomone.

Jesaja 41:10

Ma dare! Me hom touha! Ma dik darenes! Me hom tiro Devel! Me krau tout zoreles, me vau ap tiri rig, ava, me rikrau tout miri čači moussyah, hoy krell tout zorleder har i vavar.

Jesaja 42:1

O baro Devel penell: Ake, miro boudepaskro; les hi miro vast. Me rikrau les, oun rodom les mange vin, oun hom barhtelo pral leste. Miro dourho čivom ap leste, te anell lo miro čačepen pash i menshende an i tsele themma.

Jesaja 42:6

Me, o baro Devel, dom tout gole, te aness o čačepen pash i menshende. Me taprom tout pash tiro vast. Oun me dau yak ap toute. Tou vess o rakepaskro, kay krell i menshentsa vin, te vap lengro Devel; oun vess i menshenge an i tsele themma i momeli, hoy sikrell len o drom pash mande.

Jesaja 44:26

Me krau, te venn kol laba čačo, hoy miro boudepaskro rakras. Oun kova, hoy mire bičepangre glan-vi penan, moukau yaake te djal, har le les penan. Me hom kova, kay ap o foro Yerusalem penell: “Mou djivenn menshe an toute!” Oun pral i forya an o them Youda penau: “Yon venn pale pre tardo.” Lauter hoy khetne phagedo hi, čivau me pale pre tardo!

Jesaja 49:19

Čačepah, i gaba oun forya an tiro them van paash dino oun tele rhačedo. Oun bouder gar boud menshe djivenn koy. Ko tsiro vell, kay hi kava them gar bares doha kol boud menshenge, kay djivenn kote. Oun kolla, kay kaman tout pre te rhal, ačenn dour krik toutar.

Jesaja 51:16

Oun me čivom mire laba an tiro mouy, oun rikrau mire vasta pral toute. Me hom kova, kay krom o bolepen bourhles pral i phoub oun čivom i phoub pre. Oun me penau ap i menshende an o foro Sion: Mire menshe han t'mer!

Jesaja 51:3

O baro Devel khossell i sva i menshendar an o foro Sion, oun čivell o tele phagedo foro pale pre. Yob krell, te vell o moulo tato them har i baar Eden, oun o divyo trouk them har o baro Debleskri baar. Kote sanenn oun stenn le, parkrenn pen pash o Debleste oun givenn leske.

Jesaja 54:3

Tiri familya vell bareder oun bareder oun len hounte vell boudeder platsa ap i čači rig oun ap i servi rig. Oun tire čave tradenn vavar menshen vin, oun djivenn pale an kol forya, hoy paash dino van.

Jesaja 55:6

Rodenn o baro Debles yaake rah yob moukell pes te hatsell! Denn les an-gole yaake rah yob gar dour hi!

Jesaja 57:13

Te deh tou palle gole, mou venn yon ap tiri rig – tire tsele rhorhene debla! I phourdepen hadell len lauter krik. I tikno dourho phourdell len trouyel. Kolla, kay rikrenn pen ap mande, lenn o them, te vell lo lengro, oun djivenn ap miri berga, kay an-mangedo vau.

Jesaja 58:12

Oun tire menshe čivenn pale kol phoure forya pre, hoy boud bersha paash dino koy čiddo his. Ava, yon krenn kol phoure massourya neves, kolen tire phoure menshe koy čivan glan i rah tsiro. Oun tou veh kharedo: Kova, kay phagede massourya pale pre tardo čivell, oun kova, kay i dromma kote pale tseles krell, kay i menshe djivenn.

Jesaja 58:5

Patsenn t'mer, kay mange mishto hi, te rikrell pes i mensho pale o rhapastar, oun moukell peskro shero tele te perell har i phagedo shilftikro halmo? Te pandell lo i gono troul peste oun beshell pes an i yagakri čik? Patsenn t'mer, savo koova hi mishto mange? Hi kova čačepah i dives, ap koleste me, o baro Devel, lačes dikau?

Jesaja 61:2

Me vom bičedo, te dap vin gole, te vas ko bersh, kay sikrell o baro Devel peskro lačepen ap peskre menshende. Ninna vas ko dives, kay dell maro Devel hakenes ko čilačepen pale, hoy yob ap o them Youda kras. Yob bičras man, te khossap i sva tele kolenge, kay kanna rovenn.

Jesaja 61:4

Kol phoure forya, hoy yaake rah tele phagedo oun paash dino koy čiddo hi, čivenn yon pale pre. Kal forya, kay boud bersha bouder kek djivell, venn pale neves kerdo.

Jesaja 65:9

O Yakobestar venna pale menshe, oun dran Youda venna save, kay ap mire berge djivenna. Kolen, kay me vin rodom, lenge vell o them, oun mire boudepangre djivenn kote.

Mateo 26:28

Kay mool hi miro rat, hoy me ratau boudenge, te lap lengri doosh lendar. Yaake krau i drom, kay o Devel oun i menshe mala venna.

2. Korintarja 6:2

O Devel penell an peskro lab: “Ap o čačo tsiro shounau tout, ap ko dives lau tout dran o čilačepen vin oun dau tout o nevo djipen.” Shounenn, kanna hi o čačo tsiro kay! Kanna lell lo t'men dran o čilačepen vin!

Efesarja 1:6

te sharas mer leskro baro lačepen. Yob his yaake lačo ap mende, te das lo peskro kamlo čaves menge!

Hebrearja 12:24

Kote hi ninna o Yezous, maro rakepaskro, kay kras menge o nevo drom, te djivas khetne o Debleha. Yob meras menge, oun leskro rat las mari doosh mendar. O Yezouseskro rat hi feteder har o Abeleskro rat. Har o Abel maredo vas, das leskro rat gole pal i phagi pral o Kayn. O Yezouseskro rat lell mari doosh mendar.

Hebrearja 5:7

Har o Yezous ap i phoub djivas, kras lo lauter, hoy o Devel kamas. Doleske shounas les o Devel. An i daar mangas o Yezous o Debles i ropah oun bari golyah. Yob djinas, kova nay lell les dran o merepen vin.

Hebrearja 8:6

Maro baro rashay hi o Yezous. Koleste das o Devel i feteder boudi har kol rashayende ap i phoub. Yob hi ninna maro rakepaskro, kay kras menge i nevo drom, kay nay vah pash o Debleste. Kava nevo drom hi feteder har o phouro drom, hoy o Mose sikras. Ap kava nevo drom djivah nay čačepah o Debleha khetne, yaake har yob kova menge penas.