Jesaja 49:24 - O Debleskro Lab 2024 (Sinte-Manouche)

²⁴ Nay lell yek i zorelo morsheske kolen dran leskro vast, kolen yob peske randas? Nay tserdell yek i pandlen dran o vast i zorelo rayestar?

O Debleskro Drom 2021 (Sinte)

²⁴ Nai lell jek i sorelo mursheske kolen dran leskro wast, kolen job peske randas? Nai tserdell jek i pandlen dran o wast i sorelo rajestar?

Jesaja 49:24 ပူးပေါင်းရင်းမြစ်များ

Esra 9:13

Oun har ko tselo čilačo koova kram oun yaake boud doosh ap mende anam, vas kay bari bibarht ap mende. Ah, maro Devel, tou rikral tout pale oun dal men gar koy phagi, hoy hounte lams. Oun moukal mendar save djides, kay van dran o pandepen pale vin, oun van pale kate an o them Israel.

Esra 9:9

Mer hams pandle boudepangre, oun tou, maro Devel, moukal men gar kokres an maro pandepen. Tou kral, te dikan i raya pral o them Persia lačes ap mende, oun dal men nevi zoor, te nay čivas mer tiro kheer pale pre, yaake te vas dran kol paash dine oun rhačede barra i nevo kheer touke. Kova kral tou, te djivas mer pale an o them Youda oun an o foro Yerusalem kek trashah.

Nehemia 9:33

Tou hal an o čačepen tardo, har anal kova lauter pral mende. Kova, hoy tou kral, his mishto, ninna te djivam mer yaake, har te vals men kek Devel.

Nehemia 9:37

Oun ko boud koova, hoy i phoub vin anell, lenn kol bare raya, kolla kay tou pral mende čival, har anam doosh ap mende. Oun yon krenn mentsa oun mare firhentsa har yon kamenn. Oun maro djipen hi yaake pharo.

Jesaja 42:22

Hoy vas dran leskre menshende? Lengro them hi vi-čoredo oun vi-randedo. Yon halauter hi tapedo, oun pandlo an o stilepen. Randedo hi le, oun kek hi koy, kay lell len vin dran o pandepen. Čoredo hi le, oun kek hi koy, kay penell: De pale kay!

Jesaja 5:29

Lengri gole hi har koya, hoy i levo dell, ava, yaake har dell i terno levo gole, hoy vell dour dran leskri meen. Oun palle stell lo pre oun taprell ko firhes, hoy lo rhapaske kamell, oun hidjrell les kote, kay kek nay lell les leske krik.

Jesaja 53:12

Doleske dau me les i platsa mank i bare oun zorele rayende. Doleske, te das yob peskro djipen an o merepen. Ninna te dikan i menshe ap leste, har te vals lo i čilačo, las yob i doosh kol boudendar ap peste, oun mangas o Debles i čilačenge.

Ezekiel 37:11

Oun yob penas ap mande: Tou, mensho, i Israelitarya hi har kal moule kokale. Kanna penenn le: “Mare kokale hi trouk, oun halauter hi nashedo, mentsa hi trouyel.”

Ezekiel 37:3

Oun yob penas ap mande: “Tou, mensho, venn kal moule kokale pale djide menshe?” Oun me penom: “Baro Devel, miro ray, tou djineh kova.”

Nahum 2:13

O levo randas oun tapras yaake boud firhen, te van leskre čave oun leskre romya čalo. Leskro khatepen kras lo pherdo koleha, hoy lo randas oun maras.

Mateo 12:29

Kova, kay kamell an o kheer i zorelo morshestar dren phagell, te lell lo leskro bravlepen, kova hounte pandell ko zorelo morshes. Oun palle randell lo leskro tselo bravlepen.

Markus 3:27

Kek nay djal an i kheer, kay i zorelo morsh djivella, oun čorell leskro koova. Yob hounte pandell ko zorelo morshes. Palle nay randell lo leskro tselo bravlepen.