Jesaja 48:14 - O Debleskro Lab 2024 (Sinte-Manouche)

¹⁴ Avenn t'mer lauter khetne, oun shounenn! Kek t'mare rhorhene deblendar penas kova glan-vi: Me, o baro Devel, rodom o Cyrus vin, te krell lo o themeha Babilonia, hoy kamau, oun te sikrell lo miri zoor ap kolende an o them Kaldea.

O Debleskro Drom 2021 (Sinte)

¹⁴ Awenn tumer lauter khetne, un shunenn! Kek tumare chochene deblendar penas kowa glan-wi: Me, o baro Dewel, rodom o Kirus win, te krell lo o themeha Babilonia, hoi kamau, un te sikrell lo miri soor ap kolende an o them Kaldea.

Jesaja 48:14 ပူးပေါင်းရင်းမြစ်များ

1. Mose 49:1

Oun o Yakob das peskre čaven gole oun penas: Avenn khetne! Me penau t'menge, hoy t'menge djala an ko tsiro, kay vella.

1. Mose 49:2

T'mer, o Yakobeskre čave, avenn oun shounenn! Shounenn, hoy t'maro dad, o Israel, t'menge penell!

Jesaja 13:19

O Babilon his i shoukester foro mank i rayengre themma. Koleha sharenn pen i Kaldearya. O Devel krell kava foro paash, yaake har lo i forya Sodom oun Gomorra paash kras.

Jesaja 21:9

Kanna dikom i morshes ap i vourdin douy grayentsa. Oun ko morsh das gole: O foro Babilon peras, peras. Oun i tsele rhorhene debla hi paash dino ap i phoub.

Jesaja 41:22

Anenn t'mare deblen, te penenn le menge, hoy vella an ko tsiro, hoy vella. Poučenn lendar, hoy penan le glan-vi an o phouro tsiro, te dikas, te vas kova yaake. Te nay krenn le kova gar, moukenn men kova te shounell, hoy gomme vell!

Jesaja 43:9

I menshe dran i tsele themma van khetne. Kek kolendar penas glan-vi, hoy an o phouro tsiro vas. Kek kolendar penas menge glan-vi, hoy kanna vell. Mou sikrenn le men, koon lendar čomone glan-vi penas, hoy čačepah yaake vas, te shounas mer kova oun nay penah: Kava hi čačo!

Jesaja 44:28

Me hom kova, hoy ap o Cyrus penell: “Tou dess garda ap mire menshende har i bakrengro ap peskre bakre.” Oun yob krell lauter, hoy kamau, te krell lo. Pral o foro Yerusalem penell lo: “Čivenn les pale pre!” Oun pral o Debleskro baro kheer penell lo: “Čivenn leskre barra pale pre!”

Jesaja 44:7

Oun koon hi har me? Kova mou dell gole oun penell les oun sikrell les mande! Koon moukas an o phouro tsiro glan-vi te penell, hoy vella? Mou penenn le menge, hoy vella!

Jesaja 45:13

Me hom kova, kay moukas o Kiruses pre te stell, te anell lo o čačepen. Oun me kamau lauter krik te lell, hoy leske ap leskro drom čiddo hi. Yob čivell mange ko foro pale pre. Oun mire menshe, kay pandles krik anlo van, kolen moukell yob te djal. Kek dell les love koleske, vitar gar vavar koova. Kova penell o baro Devel, ko ray pral o bolepen oun i phoub.

Jeremia 50:44

Har i levo vin vell dran i bourra pash o pani Yordan, vau me oun tradau i Babilonaryen sik dran lengro them, oun čivau koles pral o them, kones me vin rodom. Kek hi har me! Kek hounte penell mange, hoy te krap! oun kek ray hi zorleder har me!

Markus 10:21

Oun o Yezous dikas kamles ap leste oun penas: “Yek hounte kress tou boudeder. Bike lauter, hoy tout hi, oun de kol love i čorvelende! Palle hi tout i bravlepen an o bolepen. Oun dja mantsa!”