Jesaja 45:6 - O Debleskro Lab 2024 (Sinte-Manouche)

⁶ te hayvenn le ap i tseli phoub, te dell kek vavar devel har man. Me hom o baro Devel. Oun dell kek vavar.

O Debleskro Drom 2021 (Sinte)

⁶ te haiwenn le ap i tseli phub, te dell kek wawar dewel har man. Me hom o baro Dewel. Un dell kek wawar.

Jesaja 45:6 ပူးပေါင်းရင်းမြစ်များ

Debleskri gili 46:10

Ap o marepen penell lo: “Mouk tele ap i tseli phoub!” Kol kashta, kolentsa dan le karye, phagell lo khetne, oun lengre rhare dell lo paash, i kourepangre vourdya rhačrell lo pre.

Debleskri gili 83:18

An ladj oun traash ap lende hako tsireske, te merenn le an i ladj.

Jesaja 11:9

Ap o Debleskri berga Sion krell bouder kek čilačo koova, vitar gar doukrell yek i vavares. Yaake har o baro pani pherdo pani hi, yaake vell i tseli phoub pherde menshe, kay prindjrenn o baro Debles.

Jesaja 37:20

Kanna, maro baro Devel, le men vin dran o vast o baro rayestar pral o them Assour, te nay dikenn oun hayvenn i menshe an i tsele themma ap kay phoub, kay tou, baro Devel, kokres o Devel hal.”

Jesaja 43:10

O baro Devel penell: Mire menshe, t'mer han kolla, kay djinenn, hoy me krom; oun t'mer han kolla, kay mange vi-rodom, te venn mange koy. Kanna djinenn t'mer oun patsenn oun hayvenn, te hom me o čačo Devel. Glan mande vas kek vavar devel, oun pal mande vell vitar kek vavar devel.

Jesaja 44:6

O baro Devel, ko ray pral o Israel, kay ginas les vin dran i čilače vasta, – yob, kay hi o ray pral o bolepen oun i phoub, penell: Me hom o glanstouno oun me hom o palstouno, oun dell kek vavar debles har man kokres.

Jesaja 45:5

Me hom o baro Devel oun dell kek vavar. Me kokres hom o Devel. Me dom tout bari zoor, ninna te prindjral man gar,

Jesaja 47:8

Shoun kanna, tou, kay kameh o bravlepen, oun patseh, kote kay beshdo hal, nay djal touke či, oun an tiro dji peneh: “Me hom i bareder. Kek vell zorleder har me. Me hom kek, kolakro rom merella, oun me hom kek, kolat kek čave hi.”

Jesaja 49:26

Kolla, kay rhan tout, kolla hounte rhan pengro mass oun hounte piyenn pengro rat, oun venn kolestar yaake mato, har te piyans le goudli mool. Palle hayvenn i tsele menshe, te hom me o baro Devel, kova, kay lell tout vin dran o merepen, oun tserdell tout vin dran i čilače vasta, me o zorelo Devel o Yakobestar.

Jesaja 59:19

Palle taprell i daar i menshen ap i tseli phoub glan o baro Debleste oun leskro raylepen. Yob vella har i divyo zorelo pani hoy nashella, koles o dourho o baro Deblestar glan peste phourdell.

Ezekiel 38:23

Oun yaake sikrau me glan i yaka boud menshendar dran vavar themma, te hom i zorelo Devel. Oun yon dikenn oun hayvenn palle, te hom me o baro Devel.

Ezekiel 39:21

Oun me sikrau i menshenge an vavar themma, har baro oun raylo me hom. Halauter dikenn, har me o čačepen vin krau pral o Gog, oun havi zoryah dau les oun leskre lourden pengri phagi.

Joel 2:27

Oun t'mer Israelitarya dikenna, te hom me mashkral t'mende. Me, o baro Devel, hom t'maro Devel oun kek vavar. Oun t'mer, mire menshe, venn an kek tsiro bouder praasedo.

Maleachi 1:11

O baro Devel, ko ray pral o bolepen oun i phoub, penell: Foun kotar, kay o kham pre djala, bis kote kay o kham tele djal, vell miro lab sharedo pash kolende an i vavar themma. An boud gaba oun forya rhačrenn le mange soungepaskro koova oun firhen, hoy hi lačo an mire yaka. Kolla lauter sharenn miro lab.